影片
更多
2020-10-09
1338 瀏覽
繼續分享我至愛嘅韓風美食！🤤除咗鐵板三文治， 我仲好鍾意韓國百味堂嘅牛奶雪糕！😍 去開韓國都應該食過百味堂雪糕，呢間老字號連鎖甜品店已經開業超過50年～自2017年過江嚟香港開店後，Keep住都有定期推時令口味雪糕，好似今個10月，就推出兩款限定口味雪糕，分別有紅番石榴味及菠蘿椰香味，經過見到，真係忍唔住入咗去試！▲百味堂會定期出限定口味雪糕。▲雖為韓國品牌，但裝修感覺好日式呢！▲用雪糕筒做嘅燈座～幾靚～佢哋雖是過江龍店，但質素Keep得返韓國水準！香港店嘅雪糕，同樣用返韓國農場直送嘅有機牛奶製造架～每份雪糕都係用100%嘅有機奶製作，所以溶得超快，但質感份外幼滑，奶味又勁濃郁，真係會令人一試即愛上（非誇張）！✦胭脂紅番石榴牛奶雪糕睇Menu就話呢款雪糕係用來自台灣嘅胭脂紅番石榴整，上層係番石榴果肉及梅粉，下層有胭脂紅番石榴汁及牛奶雪糕～！呢款真係超好味！胭脂紅番石榴嘅果汁好清甜，同牛奶雪糕勁夾！😍食時伴隨啖啖梅粉，味道好有層次感！不過，講到唔好嘅位，我係麻麻地薄切番石榴，一片片咁薄食，咬上口無咩嚼勁，如果切粒，相信口感會好啲。✦菠蘿椰香牛奶雪糕 呢款口味好似Pina Col
繼續分享我至愛嘅韓風美食！🤤除咗鐵板三文治， 我仲好鍾意韓國百味堂嘅牛奶雪糕！😍
去開韓國都應該食過百味堂雪糕，呢間老字號連鎖甜品店已經開業超過50年～自2017年過江嚟香港開店後，Keep住都有定期推時令口味雪糕，好似今個10月，就推出兩款限定口味雪糕，分別有紅番石榴味及菠蘿椰香味，經過見到，真係忍唔住入咗去試！
▲百味堂會定期出限定口味雪糕。
▲雖為韓國品牌，但裝修感覺好日式呢！
▲用雪糕筒做嘅燈座～幾靚～佢哋雖是過江龍店，但質素Keep得返韓國水準！香港店嘅雪糕，同樣用返韓國農場直送嘅有機牛奶製造架～每份雪糕都係用100%嘅有機奶製作，所以溶得超快，但質感份外幼滑，奶味又勁濃郁，真係會令人一試即愛上（非誇張）！
胭脂紅番石榴牛奶雪糕
$78
33 瀏覽
0 讚好
0 留言
睇Menu就話呢款雪糕係用來自台灣嘅胭脂紅番石榴整，上層係番石榴果肉及梅粉，下層有胭脂紅番石榴汁及牛奶雪糕～！呢款真係超好味！胭脂紅番石榴嘅果汁好清甜，同牛奶雪糕勁夾！😍食時伴隨啖啖梅粉，味道好有層次感！不過，講到唔好嘅位，我係麻麻地薄切番石榴，一片片咁薄食，咬上口無咩嚼勁，如果切粒，相信口感會好啲。
菠蘿椰香牛奶雪糕
$88
30 瀏覽
0 讚好
0 留言
呢款口味好似Pina Colado，同樣用菲律賓蜜糖菠蘿醬，外加椰汁製成，底層配牛奶雪糕，真係超濃郁香甜！另外，我好鍾意佢雪糕上嘅新鮮菠蘿脆片，賣相好有亞熱帶風情，打卡唔錯。然後，相比胭脂紅番石榴，呢款味道會Creamy啲，味道係唔錯，不過私心較鍾意前者！😬
原味牛奶雪糕
$48
64 瀏覽
0 讚好
0 留言
兩杯雪糕實在唔夠喉，今次我仲再要多杯原味牛奶雪糕！🌝🍦
牛奶雪糕不重複講，其實要原味筒裝雪糕，仲有個原因係我超愛佢哋嘅雪糕筒！口感好香脆，有濃濃蛋香，而且唔會似平時食開嘅威化餅脆筒咁，一咬開就散晒，而係一片片斷開～加上波浪形倒三角設計，令溶咗嘅雪糕無咁易漏出嚟，整個設計又好食又方便。
張貼
