133
58
7
港鐵尖沙咀/尖東站 D2 出口, 步行約2分鐘 繼續閱讀
所有分店 (5)
電話號碼
55018627
開飯介紹
來自韓國的雪糕品牌,推介原味牛奶雪糕。亦有供應蛋糕和咖啡。 繼續閱讀
營業時間
今日營業
11:30 - 22:00
星期一至四
11:30 - 22:00
星期五至六
11:30 - 22:30
星期日
11:30 - 22:00
公眾假期前夕
11:30 - 22:30
付款方式
Visa Master 支付寶 現金 八達通 AE 銀聯 Apple Pay Google Pay 微信支付
座位數目
20
食評 (269)
等級2 2020-07-29
0 瀏覽
韓國過江龍,之前去韓國旅行嘅時候都有食過依間雪糕店,當時食嘅係牛乳味,味道同日本嘅軟雪糕🍦叮噹馬頭一到炎炎夏日,都會忍唔住好想食雪糕今日咁啱行到尖沙咀,買完野又唔想再拎住周圍行,難得依度有得坐喺度慢慢食,所以決定坐低嘆返杯雪糕先雖然價錢一啲都唔算平,但係我依然覺得係物超所值,因為佢絕對係性價比偏高。朱古力味牛奶雪糕 $68牛乳味依然係超濃味,但朱古力雖然係幾濃郁,但我本人認為可可味道,略嫌味道絕對唔及有啲大品牌咁好。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-22
70 瀏覽
呢間甜品店出名食牛奶軟雪糕, 呢排天氣熱左咁多, 最啱食返杯雪糕消消暑😎✿🍦扭紋雪糕今次試左朱古力+牛奶味嘅扭紋雪糕, 雪糕質地好滑, 朱古力同牛奶味都好濃, 尤其係牛奶味😍 至於個雪糕cone亦都係自家製, 脆口之餘唔會太甜, 唔似平時食嘅甜筒, 有時小妹會覺得平時食嘅甜筒cone太甜太膩🤔 所以今次百味堂嘅雪糕cone配搭濃味嘅軟雪糕就啱啱好喇💯 食完會想再encore🤣👍 如果唔想食cone亦可以揀杯裝😌✿除左扭紋之外, 仲有其他口味嘅雪糕任君選擇, 最近仲推出左白桃牛奶雪糕, 有機會要再去試下🤤 另外, 小妹想特别介紹下店入面嘅裝飾, 有座好靚好吸睛嘅甜筒燈塔, 好啱大家拎住雪糕打卡影相㗎, 小妹果日去到都忍唔住影左幾張😆 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-13
107 瀏覽
📌 百味堂~尖沙咀今次經過K11見到百味堂個白桃雪糕招牌真係好吸引🤩所以就忍唔住叫咗一杯嚟試對上一次嚟食已經係兩年前 嗰時已經覺得味道偏奶粉味唔太鍾意🤭今次諗住俾多次機會試多次因為佢個招牌入面嘅白桃雪糕真係影得好靚😍寫咗話係用原個山梨縣白鳳桃炮製加上係六月尾至八月尾嘅限定 只限於K11 MUSEA同K11購物藝術館店有得賣好似好矜貴咁就買咗一杯嚟試😜1️⃣ 日本白桃牛奶雪糕 𝗝𝗮𝗽𝗮𝗻𝗲𝘀𝗲 𝗣𝗲𝗮𝗰𝗵 𝗠𝗶𝗹𝗸 𝗜𝗰𝗲 𝗖𝗿𝗲𝗮𝗺 $𝟵𝟴 見到佢有全個白桃上真係超級期待😍因為個人真係超級鍾意食桃🍑雖然都掙扎咗一陣 因為嗰價錢都偏貴💸但果然上到嚟超級失望😣不單止貨不對板 仲要味道唔好食本身以為會砌得好靚 但結果每一片白桃都切到又細又薄白桃係真係幾甜嘅 不過上到嚟啲桃汁太多多到瀉嘅感覺 而且浸晒落啲雪糕到令到雪糕食咗五分鐘之後已經融晒🥴而且牛奶雪糕嘅味道亦都好似飲緊BB奶粉咁其實都覺得呢個味道係佢signature 亦都有唔少人鍾意🧐但我真係覺得好似飲緊BB平時飲嘅配方奶整出嚟嘅雪糕😐💡整體嚟講 廣告招牌同現實相差太大已經令我好失望😞扣晒分加上味道並唔係我鍾意嘅牛奶雪糕味正式打入地雷區 唔會再去買嚟食🤮✨✨✨✨✨✨✨✨✨✨✨✨整體味道😋: 3/10性價比💵: 3/10 打卡指數😍: 4/10 環境服務🥂: 6/10推薦指數👍🏻: 2/10✄------------------------------✄ 🍴: 百味堂 📍: 尖沙咀河內道18號K11購物藝術館B1樓B101A號舖🔍:11:30-22:00(Mon-Thur,Sun); 11:30-22:30(Sat)☞︎ 同地區餐廳 #hkhungryfoodie尖沙咀☞︎ 同類型餐廳 #hkhungryfoodie韓式☞︎ 同款式餐廳 #hkhungryfoodie甜品 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-10
70 瀏覽
行街行到附近想食啲甜嘢就揀咗百味堂。餐廳主力做外賣所以堂食座位唔多,不過雪糕緊係要坐低慢慢歎啦。濟州抹茶牛奶雪糕($78)外形夠曬吸引。牛奶味濃,似牛奶妹牌牛奶糖味。抹茶粉一啲都無吝嗇,啖啖綠茶味,有少少抹茶應有嘅澀味,唔會死甜。雪糕唔算溶得快,可以慢慢歎。食到最底啲雪糕溶溶地,加埋抹茶醬好似飲緊凍牛奶抹茶咁,又多一重享受,店員好有禮貌。我好貪心又有想要紅豆又想要綠茶,佢有禮貌咁覆我呢間分店無呢個配搭。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-06
88 瀏覽
終於一嘗百味堂甜品!百味堂開咗咁耐,都仲未試過佢嘅甜品。雖然佢嘅定價唔低,但係甜品質素有一定嘅保證,隔好耐食一次都未嘗不可。今次一於試下鮮忌廉蛋糕系列!濟洲抹茶鮮忌廉蛋糕$68- 外賣包裝好精美,鮮忌廉蛋糕底下浸有好濃郁嘅抹茶醬汁,灑上米通令蛋糕整體口感提升不少。抹茶醬有回甘味道,唔係太甜,將醬汁加入蛋糕一齊食,感覺好似飲緊抹茶。蛋糕鬆軟濕潤,鮮忌廉口感輕盈。食到最後,我將所有抹茶醬都食唒,一個人食就啱啱好!下一次要試下百味堂嘅雪糕! 繼續閱讀
(以上食評乃用戶個人意見 , 並不代表OpenRice之觀點。)