渝味曉宇重慶老火鍋 (如心廣場) (已結業) 查看

渝味曉宇嘅重慶火鍋相當出名，唔止佢個辣湯底正，我覺得佢個大骨滋補鍋都好正！之前喺荃灣分店第一次食，我哋連湯都要飲埋，但係之後喺尖沙咀分店食，可能個湯比較稀，就覺得冇咁吸引，不過都唔錯。每次去都見到唔少內地人喺度用餐，我估即係佢都算做得好地道掛。一坐低，餐廳會比碗糖水你潤下喉，同埋提供即棄圍裙，以免湯底彈污糟你件衫，都幾貼心。鵝腸、肉丸、嫩牛肉都好食，蟶子都幾好。雖然餐廳定價比一般港式火鍋貴，但係食物質素唔錯，對得住個價錢。渝味曉宇係好食，不過唔可以成日食，如果唔係會好容易食厭😝都係少食多滋味！💰: HK$300 pp (Dinner)💝: 8/10