鋿晶館

營業中

休息中

今晚收工之後黎左鋿晶館食晚飯，呢度小菜質素一向唔錯。餐牌有小菜，燒味，湯羹魚翅，海鮮，都有套餐。螺頭燉花膠湯螺頭燉花膠湯原盅上，熱辣辣，除咗主角螺頭同花膠各一之外，湯料仲有煲到腍哂嘅雞腳，好多豬肉，龍眼肉同淮山。個湯好清。回彊大汗欖角醬燒骨 $108 另加一醬燒骨一客6件，燒得幾好，燒得有少少脆皮，而肉唔韌。雖然入面有骨，不過細骨都可以食埋，個汁味道唔錯，少少甜甜地，上面加左少量菜苗，伴有少少沙律菜。金銀蛋浸莧菜苗 $88 另加一莧菜苗上面當然有皮蛋同鹹蛋碎，另外仲有肉碎同蒜子。莧菜夠新鮮，個湯健康之餘又夠味，皮蛋好彈牙。鮮百合冰耳炒鮮淮山 $82 另加一鮮百合冰耳炒鮮淮山主要係鮮淮山同西芹，好爽口，另外仲有雲耳，百合同燈籠椒一齊炒，油份適中，好健康。食完仲有糖水送，係綠豆沙，綠豆煲到爛哂，完全唔甜。今日食左下午茶打底，食完呢餐啱啱好，多菜少肉感覺健康。之前聽聞餐廳係自家製品牌，師傅曾經喺日本東京富麗華工作，專為高管達人同明星服務，返港後喺多間米芝蓮酒店同大型連鎖集團做主管，唔少來頭。而呢度所有手作點心係現場即點即做。入面裝修光猛，地方乾净。最後當然要多謝友人請客。