影片
更多
2018-03-22
52 瀏覽
平日落銅鑼灣睇完牙都會番屋企食飯，今日咁岩撞到個舊朋友，大家得閒就去食餐晚飯，因為佢唔食得刺身同辣野，最後就近搵咗呢個越南餐廳食。閒日晚餐時段都算多人，差不多幾乎滿坐，好彩一共兩人，所以就唔洗等就入得去坐。睇睇餐牌食物價錢都算中間價位。於是除左每人叫一碗麵，仲叫咗一個小食拼盤，同各人一杯凍飲。最先侍應放低一碟調味配菜，其後粉麵就到，我所叫既係「生牛肉牛坑腩片湯粉」另外加咗札肉片，湯底清甜咸味適宜，配搭金邊粉十分開胃，至於粉麵餸之中，生牛肉係最穩陣之選，至於坑腩片肉質較遜色，有點韌，無法撕嚼。接住二人嘅飲品轉眼就到，上菜速度頗快。我所叫嘅飲品係「越式咖啡沙冰」，賣相吸引，而味道則唔算太甜，可能沙冰嘅關係，咖啡唔算好濃，所以我都並無將沙冰攪勻。最後小食拼盤到齊，一碟裡面分別有越式牛油雞翼、手打蝦餅同春卷。一泥多啲款式抵食，二泥可以試哂三種，下次就知點樣叫。個人覺得，春卷係最深得我心，皮脆且調味不俗；其次蝦餅都唔差，但切記襯熱食，蝦肉嘅口感好啲；至於雞翼就比較一般，唔夠入味。總結，比較少係銅鑼灣食越式野，個人覺得便飯而言算中規中矩。會推薦食番穩陣啲嘅牛肉湯河，如想配小食則可叫多碟春卷，就非常
閒日晚餐時段都算多人，差不多幾乎滿坐，好彩一共兩人，所以就唔洗等就入得去坐。睇睇餐牌食物價錢都算中間價位。於是除左每人叫一碗麵，仲叫咗一個小食拼盤，同各人一杯凍飲。
最先侍應放低一碟調味配菜，其後粉麵就到，我所叫既係「生牛肉牛坑腩片湯粉」另外加咗札肉片，湯底清甜咸味適宜，配搭金邊粉十分開胃，至於粉麵餸之中，生牛肉係最穩陣之選，至於坑腩片肉質較遜色，有點韌，無法撕嚼。
接住二人嘅飲品轉眼就到，上菜速度頗快。我所叫嘅飲品係「越式咖啡沙冰」，賣相吸引，而味道則唔算太甜，可能沙冰嘅關係，咖啡唔算好濃，所以我都並無將沙冰攪勻。
最後小食拼盤到齊，一碟裡面分別有越式牛油雞翼、手打蝦餅同春卷。一泥多啲款式抵食，二泥可以試哂三種，下次就知點樣叫。個人覺得，春卷係最深得我心，皮脆且調味不俗；其次蝦餅都唔差，但切記襯熱食，蝦肉嘅口感好啲；至於雞翼就比較一般，唔夠入味。
總結，比較少係銅鑼灣食越式野，個人覺得便飯而言算中規中矩。會推薦食番穩陣啲嘅牛肉湯河，如想配小食則可叫多碟春卷，就非常飽喇。
張貼
