影片
更多
2023-10-18
15 瀏覽
Moo Moo Plus 喺銅鑼灣Fashion Walk嘅盡頭，對面就係海旁，夜晚入到去覺得特別有feel，入面超有酒吧氣氛，亦都有室外座位，啱晒同朋友收咗工之後過嚟吹水🤩今次叫咗佢哋嘅二人classic set，Soup of the day係蘑菇湯，飲落超重蘑菇味，入面有好多一粒粒蘑菇碎可以咬下，幾鍾意呢個湯🥰沙律就有牛油果柚子沙律🥗面頭有好多一粒粒柚子，可以將佢哋同底嘅柚子沙律醬撈勻，個味道就會啱啱好，牛油果食落都好新鮮好滑🥑MM+黃金蟹餅🍘超級鍾意呢個黃金蟹餅，食落外脆內軟，入面有超多嘅蟹肉撈左忌廉，鮮甜綿滑，好足料🦀卡邦尼意大利麵一上枱已經見到個意大利麵有好多煙肉碎同埋雜菌，面頭仲有嚿Parma Ham，扁意粉食落好入味，仲有啲脆嘅蒜片，而且入面真係有好多煙肉🥹又係好足料！西班牙黑毛豬肩肉配無花果醬黑毛豬用咗半肥瘦嘅肉，食落好腍唔會鞋，而且佢外層燒得脆脆地，配埋呢個無花果醬，覺得幾特別🤓
今次叫咗佢哋嘅二人classic set，Soup of the day係蘑菇湯，飲落超重蘑菇味，入面有好多一粒粒蘑菇碎可以咬下，幾鍾意呢個湯🥰
沙律就有牛油果柚子沙律🥗面頭有好多一粒粒柚子，可以將佢哋同底嘅柚子沙律醬撈勻，個味道就會啱啱好，牛油果食落都好新鮮好滑🥑
MM+黃金蟹餅🍘
超級鍾意呢個黃金蟹餅，食落外脆內軟，入面有超多嘅蟹肉撈左忌廉，鮮甜綿滑，好足料🦀
卡邦尼意大利麵
一上枱已經見到個意大利麵有好多煙肉碎同埋雜菌，面頭仲有嚿Parma Ham，扁意粉食落好入味，仲有啲脆嘅蒜片，而且入面真係有好多煙肉🥹又係好足料！
西班牙黑毛豬肩肉配無花果醬
黑毛豬用咗半肥瘦嘅肉，食落好腍唔會鞋，而且佢外層燒得脆脆地，配埋呢個無花果醬，覺得幾特別🤓
張貼
