梔子

營業中

休息中

山林道呢度就有幾間咖啡店，聽朋友講呢間bagel 同咩開心果蛋糕都幾有名，就黎試試佢。睇個menu，見佢有好多bagel 選擇，而且一坐底店員就遞上是日甜品蛋糕menu，睇黎呢間咖啡店係專做輕食既？今日唔肚餓，無叫pasta 食，只係叫左佢bagel sandwish 同 開心果蛋糕食下。▧ 開心果蛋糕一層開心果忌廉一層蛋糕咁卡拉卡拉，有好多層。開心果忌廉少少甜，又無話甜到食唔落既個種，輕食黎講唔錯，唔會食到好膩。最頂有幾粒堅果裝飾下，襯返開心果。▧ 煙三文魚配蕃茄Bagel三文治表皮都幾脆。bagel要熱要脆，內裏好鬆軟先叫好食。呢間都做到呢點，入面有煙三文魚同埋蕃茄，咸香咸香咁，都唔錯。bagel 上枱個陣個職員都會特登提我地要快d 食，放一陣凍左個皮就唔會再脆，都幾細心。▧ Iced Latte呢間凍咖啡都幾細杯，想真心飲咖啡既可能就唔夠喉。不過個樣就幾靚，一層咖啡一層奶，等你自己攪佢。幾得意。