167
33
12
港鐵佐敦站 D 出口, 步行約3分鐘 繼續閱讀
電話號碼
27781628
開飯介紹
走文青風的café,食物選擇以輕食及意粉為主,除一般特飲外,亦提供清酒及手工啤酒等多款酒類飲品。 繼續閱讀
營業時間
今日營業
12:00 - 23:00
星期一至四
12:00 - 23:00
星期五至六
12:00 - 00:00
星期日
12:00 - 23:00
公眾假期
12:00 - 23:00
公眾假期前夕
12:00 - 00:00
*截單時間: 關門前30分鐘
付款方式
Visa Master AlipayHK 支付寶 現金 AE 銀聯
座位數目
30
其他資料
網上訂座
Wi-Fi
酒精飲品
自帶酒水
切餅費
支持減塑 詳細介紹
電話訂座
賞訂座積分
加一服務費
當面支付
食評 (231)
等級4 2020-06-01
1304 瀏覽
🎐每次見𡃁妹,實有好野益熊妹既。今次就帶熊妹去尖沙咀做下面扮下靚靚🤩。📌做面前就見個面食個快晏先。𡃁妹朝早食左個full breakfast,咁熊妹就揀左間咖啡店《梔子》,食個輕怡午餐。📌咖啡店店子小小,午餐時份都坐🈵人。📌今時今日的咖啡店要係香港呢個寸金尺土的城市立足,承受極度昂貴的租金壓迫下,唔限時俾客人坐成個下午晚上,單純只賣咖啡飲料☕️最多賣埋一兩件cake仔🧁,最後面臨的絕對都只得一條死路☠️,就係執笠❌。所以而家絕大多數的咖啡店都會配合埋小食咸點,或者直情做到好似一間餐館咁有哂頭盤、小食、主食、甜品,才能繼續走下去🚶🏻‍♂️。當呢種反客為主的飲食文化思想逐漸普及化時,大家都會很自然地轉移視線,將重心放在餐廳的主食方面,甚至排擠一些沒有提供主食的咖啡館,所以留得低的都係這類咖啡餐館,然後很容易地遺忘了初衷咖啡店的悠閒感以及咖啡的味道☕️。 📌所以午餐menu 都好大路,由輕怡的沙律🥗、bagels🥯到正常主食的意大利麵🍝、飯🍛都有,價錢$78-$108,包一杯咖啡☕️或茶🍵,價錢都好🈴理,不過會收加一服務費。📌仲有自家製精緻蛋糕🍰,咖啡配蛋糕, 一口蛋糕一啖咖啡,這就是咖啡館的味道。牛油果蛋比高三文治,$88📌牛油果控的熊妹見到牛油果食物一定唔放果,仲要係少見的比高包🥯。牛油果🥑熟度剛剛好,一啲都唔生,又唔會過熟變黑變爛,非常新鮮軟熟的牛油果,而且呢種熟度會散發出淡淡的牛油果香味,是令人念念不忘的味道,相信這就是牛油果的魅力🤩。蛋是煎太陽蛋🍳,蛋黃流心的,蛋邊煎得脆脆的,非常合格的荷包蛋。不過比起流心煎蛋,熊妹喜歡炒蛋多啲。反而比高包好有驚喜!黑黑的包係竹炭做成,係無味道的,在上色比較特別。比高包的質感好煙韌,烘得微熱又帶點麵包的軟熟,包面還塗上一層滿滿的cream cheese,就咁食比高包加cream cheese已經好好味,又或者連埋牛油果蛋一齊食,就增加多重口感同味道,《梔子》的比高包果然做得相當出色!讚!燻牛肉比高三文治,$88📌𡃁妹話明唔係太肚餓,又跟熊妹點左另一款比高三文治。兩大片煙燻牛肉加一片芝片,再夾雜啲沙律菜。同樣地,比高包都有塗上cream cheese,包的質感一樣的煙韌同軟熟,很不錯!不過,熊妹認為燻牛肉呢款比較咸啲,都係偏好牛油果蛋多啲,清清淡淡更能吃出各款材料的味道。Flat White,跟餐價,$0📌來到咖啡館,熊妹當然點上最愛的沖調咖啡-flat white喇!咖啡杯唔算大,係一款非常日系的咖啡杯。奶泡層唔算太厚,咖啡味都重,呷一口奶泡再喝一口從奶泡下流出的咖啡,比例剛好,合格的一杯flat white!Cappuccino,跟餐價,$0home office慣了,每天都要喝杯咖啡提神的𡃁妹就點了cappuccino ,同樣的咖啡杯,奶泡層多一點,依然香濃的一杯意大利泡沫咖啡。📌午餐包一杯咖啡,真係幾抵食!如果熊妹𡃁妹唔係趕住去做面扮靚,真係寧願坐夠一個下午,再點多件蛋糕仔🧁,好好享受一下久違了的咖啡店悠閒自在感。 繼續閱讀
等級2 2020-07-25
37 瀏覽
位於山林道既梔子cafe 係走小清新路線 樓底高 裝修係走簡約風又帶一點日式田園feel佢既開心果蛋糕一直都好評如潮,今日專誠黎試試佢。結果都無失望,一黎蛋糕以低糖配方製作 唔會太甜,開心果味又非常重,慕絲仲好滑,上面加左幾粒杏仁令蛋糕既香味提升不少。記得落單時叫店員keep定比你!因為好快就會賣曬架!至於主食,我地就叫左牛油果蟹肉意粉同埋燻牛肉bagel。意粉非常足料 蟹肉份量超多而且清新既牛油果味 中和左意粉的油膩感 兩者既配合亦都非常夾!值得一試!至於個Bagel 就中規中矩,牛肉偏咸又欠缺煙燻味,比起其他食物較為失色,但個人覺得口感方面做得好好,有煙韌既感覺又唔會太硬, 材料又非常豐富 一啲都沒有吝嗇。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-17
72 瀏覽
搵靚女陪小弟去整西裝之後梗係要食埋個飯傾下計啦預早幾日book位好在有位,因為之前試過早2日book星期五都full入座嘅時候就問定使唔使留定蛋糕,我地決定先留定開心果同朱古力蛋糕由於入座至少每人要叫一杯野飲我就試下飲杯牛油果果昔,口感唔係好濃厚,有少少清新嘅感覺,但靚女話有D草青味試左個煙三文魚bagel,但bagel太煙韌,店員叫我地拆開兩半黎share食,變左個cream cheese醬就唔太平均,同埋成件事個口感都唔同左,但味道黎講係唔錯嘅,只係煙三文魚肉質太實,個煙燻味都唔夠香另外叫多個小食釀雞翼,熱辣辣,雞肉又夠嫰滑,正最後就係預留嘅兩件cake開心果蛋糕 : 濃濃開心果味,cream味夠晒香但又唔會太heavy,輕盈口感,必食之選~!朱古力蛋糕 : 好濃朱古力味,濃到食左一半之後就覺得太heavy太滯唔太想食,建議share食,如果唔係應該會好滯整體性價比唔太高,尤其一定要叫杯野飲令到有限制,咁樣食法已經要成2舊水落樓,不過如果同女仔去食、打卡的話都係唔錯嘅環境係幾舒服,傾計氣氛唔錯,一入座嘅時候全場客人都係得我一個男仔,證明係女生girls talk之選 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-16
63 瀏覽
補祝朋友六月生日,指定食黃店,呢間去睇左好耐,终於有機會去試!!環境:小清新風格的裝修,白色多門的店鋪門面打卡一流,店裡店外的擺設都有花心思,好多影相位,啱哂周末去食個brunch。食物:味道不錯,因為限時食90分鐘,所以性價比相對唔高,咖啡好飲,蛋糕好食,特別推薦蛋糕!!意粉好遲先上,仲要提我地張枱要準時交還,得番半個鐘 急急食哂啲野,仲要食埋蛋糕,狼吞虎嚥,食之無味。Rose latte ($40)~好飲,拉花奶泡打得靚,有玫瑰花茶花卉小小裝飾,淡淡玫瑰味剛剛好,冇奶腥味,略甜。Chocolate banana ($58)~朋友話一般,佢係健康果昔,香蕉溝朱古力,我諗健康野唔啱佢。黑松露帶子意粉 ($168)~有三粒帶子,一啖咬落去,仲有鹽粒,好咸,唔計粒帶子意粉醬份量啱啱好,重黑松露味,意粉軟硬剛剛好,好彈牙,唔錯。三文魚蘋果沙律 ($108)~好多煙三文魚,少少腥要配埋青蘋果同菜一齊食,沙律用黑醋,伴碟有藜麥紅莓乾合桃杏仁,都幾驚喜,大大碟,抵食。芝士蘑菇釀雞翼 ($68)~賣相好吸引,雞翼煎到熱辣辣漲卜卜,食得我津津有味,雞翼冇骨,釀左芝士同磨菇,意外好夾,好啱我口味,想食哂四隻。朱古力松露蛋糕 ($58)開心果蛋糕 ($58)~因為夠鐘交枱,蛋糕我用吞的速度食,朱古力蛋糕做左好多層次口感,但我冇時間細味,開心果蛋糕味道好清新,必試喎!!服務:因為朋友遲左少少,我又早左少少,我係門口Chill 左15分鐘😆,天未黑,都幾熱,但個門口好靚,好似去左台灣咁(卑我企多陣,好想去旅行),店員哥哥卑左杯水我,好貼心!!整體:因為限時感覺小貴同粒帶子太咸之外,一切都很美好!!#會再幫襯🙆🏻‍♀️ 繼續閱讀
(以上食評乃用戶個人意見 , 並不代表OpenRice之觀點。)