影片
更多
2023-11-13
418 瀏覽
💁♀️💁♂️ 28/10/2023(Sat), 外賣自取🥡💁A先生之前睇過ViuTV嘅空肚講消夜節目，入面主持人曾經提到元朗有間爆荽蟹籽冷麵好好食咁😋😋😋，不過可惜我哋都比較少去開嗰頭，所以一直都未有機會去食。今晚A先生要去屯門辦點事，回程時經過元朗醒起呢間冷麵，於是兜一兜過去買份外賣返屋企食先🤩！而今晚我地買咗：🔆 爆荽蟹籽冷麵 - 小辣🌶🔥 ($45）本身見佢有咁多辣度可以選擇，打算叫個中辣去試試先嘅。點知落單時靚姐話好辣㗎喎🤔，好，信你一次轉個小辣試試先😋。由元朗返到大埔屋企大約15-20分鐘車程🚙，冷麵都仲保持到有微微凍嘅感覺。打開見到大量嘅芫荽🌿同蟹籽鋪咗喺冷面上面，撈一撈勻冷麵同埋醬汁配料，入口的確唔係一般嘅辣🔥，小辣都真係唔可以睇少，為食妙妙同A先生都算係比較食得辣嘅人，但都覺得幾辣🥵🥵🥵，相信再辣一級即係中辣🔥都係佢哋嘅上限。講返個冷麵麵質唔錯😋，入口彈牙，配合香辣嘅醬汁同埋大量蟹籽，芫荽🌿控就可以加埋大量香口嘅生芫荽🌿，食落又辣又香，十分過癮。🔆 爆辣哥斯拉雞翼 ($12/2隻）又係辣度唔簡單嘅雞翼🥵🥵🥵，原本以為係炸嘅雞翼，打開原來係用辣醬汁煮嘅雞翼，上面鋪咗啲蟹籽
💁♀️💁♂️ 28/10/2023(Sat), 外賣自取🥡
💁A先生之前睇過ViuTV嘅空肚講消夜節目，入面主持人曾經提到元朗有間爆荽蟹籽冷麵好好食咁😋😋😋，不過可惜我哋都比較少去開嗰頭，所以一直都未有機會去食。今晚A先生要去屯門辦點事，回程時經過元朗醒起呢間冷麵，於是兜一兜過去買份外賣返屋企食先🤩！
而今晚我地買咗：
🔆 爆荽蟹籽冷麵 - 小辣🌶🔥 ($45）
本身見佢有咁多辣度可以選擇，打算叫個中辣去試試先嘅。點知落單時靚姐話好辣㗎喎🤔，好，信你一次轉個小辣試試先😋。
由元朗返到大埔屋企大約15-20分鐘車程🚙，冷麵都仲保持到有微微凍嘅感覺。打開見到大量嘅芫荽🌿同蟹籽鋪咗喺冷面上面，撈一撈勻冷麵同埋醬汁配料，入口的確唔係一般嘅辣🔥，小辣都真係唔可以睇少，為食妙妙同A先生都算係比較食得辣嘅人，但都覺得幾辣🥵🥵🥵，相信再辣一級即係中辣🔥都係佢哋嘅上限。
講返個冷麵麵質唔錯😋，入口彈牙，配合香辣嘅醬汁同埋大量蟹籽，芫荽🌿控就可以加埋大量香口嘅生芫荽🌿，食落又辣又香，十分過癮。
🔆 爆辣哥斯拉雞翼 ($12/2隻）
又係辣度唔簡單嘅雞翼🥵🥵🥵，原本以為係炸嘅雞翼，打開原來係用辣醬汁煮嘅雞翼，上面鋪咗啲蟹籽、洋蔥🧅、紫菜絲等。
雞翼入口都幾嫩滑👍👍👍，辣🔥度可能因為係熱嘅關係，感覺好似仲辣一啲。邊食辣雞翼邊送冰凍嘅啤酒🍺都係一個唔錯嘅選擇。
🔆 爆辣雞軟骨 - 唔辣($40)
叫咗兩款辣嘅食物，都問問店員有冇其他推介，呢款雞軟骨就係佢嘅介紹，話都好受歡迎好好食。因為都想俾家中兩位小朋友試吓，所以雞軟骨就選擇咗要唔辣✖🌶🔥。
雞軟骨佢唔係用炸嘅方式去煮，而係用醬汁去煮，而家都煮得爽脆入味，家中嘅小朋友都好鍾意食仲食唔停口㖭😋😋😋！
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：8/🔟
❤🙆♀️(為食妙妙)整體食評：8/🔟
👉🏻 辣得過癮，但第一次幫襯建議比平時食開嘅辣度減一度
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 行返出大馬路都有唔少巴士🚌、小巴同輕鐵去各區
👉🏻 泊車可以考慮附近錶位，或者樓上都有個時租停車場🅿️
🔆🔆🔆🔆🔆🔆🔆🔆🔆🔆🔆🔆🔆
張貼
