祥仔辣辣 (雅蘭中心) (已結業)

好耐冇出旺角，一向食得辣嘅朋友話一齊去食新開嘅麻辣餐廳，我當然奉陪到底啦！喺雅蘭商場2樓原來咁多餐廳，間間都要等位好彩朋友一早book 左枱！ 疫情期間，當然要探熱先入座，餐廳座位同枱與枱之間非常濶落，座位舒適，2個人坐4人枱太好了，令人有食得安心嘅感覺！我地想食招牌菜，咁啱朋友有恒生信用卡，可以食🔥辣到噴火精選套餐🔥，啱哂我地！🌱前菜： 惹火山木耳，川味口水雞 ： 兩款前菜都好辣！木耳帶酸辣，開胃菜首選！川味口水雞真係好辣下，醬汁香濃而且份量都多，雞肉啖啖肉，越辣越想食！🌶️招牌菜 ：水煮牛肉 ：紅卜卜嘅湯底浸滿薄切牛肉！賣相已經100分！手切牛肉嫩滑得黎有D 咬口，牛肉味香濃， 配埋芽菜真係好夾！點左中辣我地成碟清哂！ 🥬 特色菜品： 香芹水餃，乾扁四季豆 ： 水餃味道清新！乾扁四季豆炒得好香，味道啱啱好，份量都好多！🍮 甜品： 黃金南瓜露： 好少食南瓜嘅甜品，原來咁好味！整體都好滿意抵食指數👍👍👍👍👍