祥仔辣辣 (雅蘭中心) (已結業)

.尋日食咗蘿蔔糕年糕同埋黃金糕再打埋個邊爐，今日覺得個胃頂住頂住，再加埋中午食好西，諗住夜晚食返清淡啲結果見到祥仔辣辣外賣半價，酸菜魚只係$130，就忍唔住買咗個返屋企試吓唔知係咪外賣嘅原因味道淡咗啲，不過好足料，如果魚片係用海魚取代淡水魚嘅話就更加正

試左佢lunch set 酸菜魚+ 剁椒燒賣+ 白肉另外再加 炒豬肚同 海蜇 咁多樣野食，得燒賣同炒豬肚稍為好食啲 啲酸菜魚有生水味又唔入味，連隔離枱都咁講，招牌菜都咁樣令人失望白肉個醬汁完全唔知咩汁嚟，橙色的，辣又唔辣，酸又唔酸 最失望係個海蜇，完全唔知食緊乜嘢，又無味，口感又差 入去食之前睇過啲評論話淡而無味，諗住未必樣樣都係咁，叫啲大路嘢王牌嘢 ，點知都係中伏服務態度比較年長啲嘅服務員態度正常，但有一名女職員態度惡劣，其他仲喺樓面同其他員工講其他客人是非，埋單時候我好有禮貌咁問佢野，但佢表現非常唔耐煩，又黑面。本身客人已經唔多總體來講，俾錢食左個寂寞

約左朋友食晏 佢話想試下尼間 跟住就book定位 去到冇乜人 帶位小姐出到嚟完全唔問次序 見到人就帶入去🙈🙈 坐得舒服既 可能冇乜人 兩個人都可以坐到卡位 尼樣唔錯 可惜食物真心普通加平凡 我地點左「麻辣水煮魚$288」份量唔算多 得面頭幾塊魚 下面配菜有少少豆芽 幾舊萵筍 就咁多其實精緻都唔緊要 但味道真係好淡 完全唔入味 唔麻唔辣唔鹹 好彩啲魚都叫滑 唔講都唔知自己食緊川菜🤭跟住上湯娃娃菜 清過清水 唔知搞咩😑再嚟酸辣鳳爪 唔酸唔辣 得少少鹹味🙄總結失望到極 冇下次😌

特價午餐餐牌會收埋 要特登問佢拎 叫左個酸菜魚米線 係好大碗呀 但完全唔好食先慘呢酸菜唔酸 魚唔滑 雖然份量係多係大 但唔好食嘅話 我寧願細細碗 但好食啲仲好 小菜完全唔入味 啲辣味同食物 完全分開 做到咁都好勁 個皮蛋都勁啦 雪到硬曬野飲做到咁難飲都算第一間 完全無味 收錢明明有毫子 但佢會4捨5入要你比埋佢 例如埋單$99.6 佢會收你齊頭100 明明都收左服務費 唔明點解呢啲零頭都要慳😂紅日假期去食都可以一半客都無 都知幾難食啦😂價錢唔算平㗎 但比啲咁嘅野比客食就真係不了旺角大把選擇 唔洗簡佢啦 樓下幾間都排曬隊就知好食過佢多多聲

原來旺角雅蘭中心2樓有間Ricky生既餐廳，今日在旺角叫外賣，就揀左呢間餐廳。在雅蘭中心就見到餐既poster：餐廳門口係咁既：我下午一點手機落單，1:30pm先有得拎，叫左香菇海鮮泡飯，外賣就$54，堂食就$68，呢個價好似外賣唔錯咁😆😆外賣純色紙袋：外賣香菇海鮮泡飯呢個香菇海鮮泡飯料好足，有菇、有墨魚仔、魚片、勝瓜、蝦仁，當然仲有泡飯啦，湯調味都唔錯，但魚片就有些少骨，如果無骨就更好啦。餐廳下午一點多人就唔多另外餐廳仲有唔少其他套餐可以選擇：大家都可以試試😉

辣得過癮的祥仔辣辣，價錢略貴，但算高質，試左佢出名既酸辣水晶粉，烤魚，同埋啲涼拌小食，如口水雞…但個人覺得味道雖然唔錯，如果價錢微調會令人覺得較值得因為旺角太多對手！

一直都想試下名廚Ricky加持既川菜館,綱上話個大廚係四川師傅,正宗川味,心思思想試下.經openrice book位非常方便位於旺角雅蘭中心2樓呢間,閒日不用等位,服務員都好熱情積極,一入座就斟茶.今日係閒日相對比較多位,叫佐主打的烤魚,呢度既烤魚有3款(1)魽魚(2)鱸魚(3)桂花 我叫佐無骨最厚肉的魽魚.原價錢388.即場做Food Story會員$328.都幾抵.好大膽甘叫佐中辣,真係好辣,叫小辣就應該岩岩好,成條魚上啖啖肉又唔會易煮爛,入面有少量的薯粉條.而且個味香同好食,如果多少少麻就更好.見到隔離台叫佐個煙薰肉炒菜花$98,呢味菜響國內都成日叫來食,呢度唔太油,而且肉好咸香,唔錯.雖然有小小貴唯獨不太識欣賞呢個午餐肉,其他小食同配菜都仲可以的,下次會叫水煮魚同酸菜魚試下.

天氣一轉涼最鍾意就係烚吓烚吓，成日打邊爐都悶啊！今次嚟到主打川菜嘅祥仔辣辣 @rickyskitchenhk 食佢哋嘅招牌酸菜魚🤪原來旺角分店先有限定烤魚，重點係有蕃茄湯底，唔食辣嘅我都有得食呀！ღ 秘製膠原濃湯 - 鉗魚 $𝟯𝟴𝟴揀咗濃湯蕃茄味，對於我呢啲唔太食到辣嘅人真係太好喇～蕃茄香甜濃郁，比較其他辣嘅湯底應該算係比較清新嘅口味。加湯會用秘製膠原濃湯，有魚骨、雞骨、豬骨精熬而成～除咗我哋今次揀嘅鉗魚之外，仲有海鱸魚同要預訂嘅桂花魚。鉗魚啖啖肉，肉質結實，魚骨都比較大條好容易就拆得開，同蕃茄湯底好夾。╰┈➤ 𝘁𝗮𝘀𝘁𝗲: 𝟳.𝟲/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟴/𝟭𝟬♕ 配料♡︎ 豬大腸 $𝟰𝟴♡︎ 白沙蜆 $𝟰𝟴♡︎ 水魷 $𝟰𝟴♡︎ 薯粉條 $𝟯𝟴♡︎ 鴨血 $𝟰𝟴本身湯底都有好多配料；蕃茄同唔同嘅菇類等等⋯另外再加嘅呢幾款配菜都唔錯，特別推介豬大腸同埋薯粉！水魷就唔太索湯，主要係食爽脆嘅口感！ღ 麻辣豬耳 $𝟯𝟴有多款唔同嘅開胃前菜。麻辣豬耳真係會令人忍唔住一條又一條咁食🤪╰┈➤ 𝘁𝗮𝘀𝘁𝗲: 𝟳.𝟱/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟳.𝟱/𝟭𝟬祥仔辣辣 @rickyskitchenhk

依間主打川菜嘅餐廳由名廚Ricky 張錦祥主理，佢哋嘅招牌酸菜魚就最受人歡迎！而依一排就推出左旺角限定烤魚，單單係味道就已經有5款選擇，其中一款蕃茄湯唔食辣嘅朋友仔都食到✨ 而其他辣嘅湯底，由其係麻辣，一定滿足到各位嗜辣者！包保係咁凍嘅天氣都食到流哂汗😮‍💨-鉗魚 Catfish ($388/原價，$328/Food Story會員）配 祥煮麻辣味除此之外，另外仲有招牌祥仔酸菜味，鮮青椒味 泡椒味 以及 濃湯蕃茄味！叫小辣都幾夠辣，香味十足，幾夠麻，唔會過於油膩，加上用上秘製膠原濃湯，所以入口唔會死鹹😌 今次揀嘅鉗魚原條大大條而且啖啖肉，肉質夠嫩滑唔會多骨～魚嘅外皮煎香過，金黃帶焦香，煮耐啲吸收更多湯嘅精華就更正！（愛芫茜嘅朋友仔可以自行加茜，爆茜冇難道！🌿）*食烤魚就當然要一邊煮埋其他配菜一齊食先夠豐富😍 建議大家必點鴨血！白沙蜆 ($48) 鴨血 ($48)秋葵 ($28)蓮藕片 ($28)鮮豬潤 ($48)*夫妻肺片($48)*暢飲藍妺生啤放題 (+$68/位)無酒精飲品放題 ($38/位）

之前都介紹過祥仔，上次就食咗佢哋嘅小龍蝦同酸菜魚，今次見到佢哋旺角總店竟然有得食烤魚，所以小編就同朋友去咗試下佢地既新出品🐟旺角總店環境依舊唔錯，京都風嘅裝潢，座位間隔寬敞，坐得都幾舒服👍🏻提提大家烤魚係旺角總店限定💡_🥘辣辣烤魚 $328烤魚分量十足，首先有三款魚可以選擇，包括鉗魚、海鱸魚、桂花魚😆今次小編就揀左鉗魚。湯底有5款，今次就揀左「祥煮麻辣味」既小辣，唔食辣既朋友都可以揀蕃茄湯㗎👍🏻一上枱已聞到好香既味道，鉗魚肉質好嫩滑，食到啖啖肉得黎又冇乜魚骨，配上微辣湯底，辣度啱啱好仲幾惹味🤤另外佢地既秘製湯底係用左鯊魚骨、雞骨、豬骨精熬而成，味道超濃郁，非常入味😉其他配菜/輔菜：🦀️皇帝蟹柳$48🍜薯粉條 $38🐷午餐肉$38（必試👍🏻）🧀芝士腸$38🦆鴨血$48🍳前菜：🌶️麻辣藕片$28食落好脆好有口感✨辣辣地酸酸地夠晒開胃食辣野當然就要飲嘢啦，餐廳有提供藍妹暢飲放題$68，中意飲酒既朋友就岩晒！另外無酒精放題$38會提供返汽水，梳打水同豆漿😉

📍 招牌祥仔酸菜味鉗魚($388)原本小編想叫蕃茄🍅但staff強烈推薦招牌祥仔酸菜味 仲可以揀辣度🌶點知黎到都有小小辣椒指 微辣🤣入去有海量酸菜、芫荽、洋葱🧅鉗魚小編之前冇食過 食完覺得都幾正 冇乜骨🤙🏻條魚都幾厚身 好多肉😝📍配菜：肥牛 ($88) 、炸響鈴 ($48)、牛柏葉 ($48) 、芝士腸($38) 、土豆片 ($28)、薯粉($38)配菜最好揀d索汁既～響鈴同土豆片🥔就係最好既選擇❤️真心好L正 吸哂湯底精華😚牛柏葉都好食 碌一碌就食得肥牛一定必叫啦😆點可以冇肉食呢最唔推介薯粉🥲 因為小編覺得寬粉正好多🤣📍招牌櫻花蝦炒飯 ($108)因為朋友覺得唔夠飽 叫多左碟炒飯✨呢個炒飯很不錯👍🏻 超有穫氣🔥炒到粒粒分明 又乾身～連埋蛋🥚蝦仁🍤葱一齊炒 好香好好食小編第二日拎佢帶飯一叮成個office都飯香味🤤推介‼️—————————————————————味道😋：8/10抵食🥳：7/10環境🥂：8/10地址: 祥仔辣辣 (雅蘭中心) (旺角)旺角彌敦道639號雅蘭中心2樓201號舖

“辣辣烤魚(鉗魚)”($388)“牛柏葉/鴨血/水魷”($48)“豬皮/午餐肉”($38)“川味口水雞”($58)之前去過嚟海港城嘅祥仔辣辣覺得質素好唔錯最近先發現原來旺角店有烤魚食😍即刻忍唔住過咗去食😛呢道嘅烤魚有3款魚可以揀,我地揀咗嘅係鉗魚🐟湯底方面要咗我地都超鍾意嘅鮮青椒味🤤烤魚大大一條😍魚肉厚實又嫩滑🤤上面舖滿芫荽同青花椒😍愈食愈麻🤤呢道個湯底仲標榜用上秘製膠原濃湯用上鯊魚骨,雞骨同豬骨精熬而成唔怪得飲落口感咁豐富醇厚🥰真心正🤤配料方面叫咗5款分別係牛柏葉,鴨血,水魷,豬皮同午餐肉每樣配料份量都夠哂多!感覺係4個人食都夠🤣而且食得出全部都幾新鮮,唔係雪得太耐嗰種午餐肉仲預先煎過,就咁食定放落湯煮都得😝叫烤魚仲可以用優惠價加配前菜我地就要咗川味口水雞🌶🐔食落幾香幾惹味😋不過略嫌啲雞肉唔夠嫩滑😝如果唔係就更加正😚

天氣突然間跌左十幾度，啱晒食辣啦～所以約咗朋友嚟旺角祥仔辣辣食辣辣烤魚，因為呢度烤魚做緊會員限定$328，真係好鬼抵食試左好多間烤魚店，大部份環境都唔太討好又坐得唔舒服；但祥仔辣辣嘅裝修有格調，坐得舒服又唔迫，環境同服務態度仲非常好添！我地叫咗個鮮青椒味烤鉗魚（中辣）因為廚師係大陸師父，所以唔敢叫大辣，烤魚上枱賣相超掂，味濃又好香。好多配料鮮青椒，花椒，紅椒，蒜頭，大蔥，薯粉， 好野味。鉗魚都幾大條，啖啖肉又冇咩骨好好食😋愈食愈辣，真係好刺激。*呢度嘅中辣其實同出面既大辣差不多，偏辣的。攪到我要叫杯火龍果多多沙冰幫我降降溫，沙冰唔太甜幾好飲，仲有粒粒火龍果肉係底，真係真材實料食到咁上下慢慢加埋其他火鍋配料，大腸，祥仔自家製午餐肉，鴨血，竹笙，皇帝蟹柳都好新鮮。原來呢度加湯係用秘製膠原濃湯 , 仲可以揀魚種類添! 我地仲有叫左個口水雞，呢度個味道好特別，係其他地方係食唔到架烤魚份量都幾大，基本上我地係食唔晒架，飽到呢～食完成個人暖晒祥仔辣辣 (雅蘭中心)𝙈𝙤𝙣𝙜 𝙆𝙤𝙠 𝙍𝙞𝙘𝙠𝙮'𝙨 𝙎𝙥𝙞𝙘𝙮 𝙆𝙞𝙩𝙘𝙝𝙚𝙣旺角彌敦道639號雅蘭中心2樓201號電話：2885 1910#spicyr

天氣開始涼🍁🍂❄️又係時候食啲熱辣辣嘅嘢🔥今次又來到祥仔辣辣☺️試嘅係麻辣烤魚🐠用嘅魚係鉗魚揀咗係酸辣湯底鉗魚勁大條同埋煎得好香😋而且肉質勁滑勁鮮甜🤤酸辣湯底又酸又辣😝同條魚勁夾勁香口😍仲有酸菜萵筍粉等等嘅配料😉加湯係用左秘製膠原濃湯👍🏻非常滋味呀！🤤🤤🤤前菜叫左雲南白切肉卷🐷勁香蒜味同辣味🧄🌶肉卷包住青瓜🥒食落感覺好清新好滋味😍配料揀咗牛柏葉-勁爽口，淥一淥就食得🤩水魷-爽口彈牙，份量又多好鮮甜🤤鴨血-肉質厚實 ，配湯一流😋皇帝蟹柳-都幾大條！索晒啲湯好正👍🏻白沙蜆-正常份量，都幾鮮甜🥰

呢間祥仔辣辣好多分店，一直都想試吓。雅蘭中心呢間分店好舒服，一坐低服務員就比一壺熱水好貼心，餐具亦都好精緻、好乾淨。午市套餐十分抵食，我就選擇左足料嘅海鮮湯泡飯，湯底鮮甜亦十分足料，有絲瓜、八爪魚、新鮮魚片及蝦仁。新鮮魚片好滑又唔腥，份量又足，六十幾蚊真係好抵食。另外叫左杯鹹青檸梳打，係無糖嘅，亦好醒胃。由於質素咁好，我外賣左一個香酥豬扒菜飯俾屋企人，家人都話豬扒香脆不油膩，好有質素。餐廳仲可以用app登記做會員，然後每次食飯可以累積分數。又可以利用Apps訂位，又可以食好嘢，又可以儲分玩獎賞，確係唔錯。