64
4
8
港鐵旺角站 E1 出口, 港鐵旺角東站 B 出口 繼續閱讀
所有分店 (3)
電話號碼
28851910
開飯介紹
由香港星級主廚張錦祥全力打造,並以惹味香辣元素作主題登陸旺角。主廚以一菜一格,百菜百味的川辣為基礎,再巧妙揉合世界各地特色香料,完美演繹蜀菜香鮮麻辣的層次口感,讓饕客們嚐味穿越地域的味覺享受,重新定義「辣」味饗宴的豪華體驗。 繼續閱讀
營業時間
今日營業
12:00 - 15:00
18:00 - 22:30
星期一至四
12:00 - 15:00
18:00 - 22:30
星期五至六
12:00 - 15:00
18:00 - 23:00
星期日
12:00 - 15:00
18:00 - 22:30
付款方式
Visa Master AlipayHK 支付寶 現金 銀聯 Apple Pay Google Pay 微信支付
座位數目
140
其他資料
網上訂座
VIP房
有關獎賞計劃
食評 (80)
等級4 2020-07-13
116 瀏覽
同好姊妹好好好耐無見, 點都要聚一聚! 選定一個中間位置 “旺角”! 由香港星級主廚 Ricky 張錦祥打造的川菜餐廳 ~ 祥仔辣辣! 我哋唔係會員, 不過有恒生咭, 套餐優惠價 $288/2人餐, 唔駛煩唔駛諗! 前菜: 惹火山木耳 + 川味口水雞! 主菜 (招牌菜): 水煮牛肉 or 祥仔招牌酸菜魚! (我哋選牛肉) 特色菜品: 噴火小籠包 (我哋去到賣晒, 轉成水餃) + 乾煸四季豆 + 香芹豬肉水餃 (原本2粒, 因為無小籠包變成4粒) 甜品: 黃金南瓜露木耳 ~ 好辣, 酸酸哋, 好爽口開胃! 口水雞 ~ 份量不少, 麻香辣汁唔會嗆喉, 雞肉嫩滑! 水煮牛肉 ~ 牛肉嫩滑無筋, 無鬆肉粉, 份量超多! 有中辣及大辣可選擇, 為免成日扮食得辣嗰個又唔舒服, 我哋要中辣, 辣道剛剛好, 下次可試大辣! 碗底有大量芽菜及蓮藕, 爽脆解辣! 乾煸四季豆 ~ 好好食, 有蒜香味, 豆爽脆, 甜甜哋, 有鑊氣! 香芹豬肉水餃 ~ 由最辣食到完全唔辣…水餃皮煙靭而薄, 香芹味唔重, 好適合我!南瓜露 ~ 香滑有小小碎粒, 配上亞塔子, 清潤而不膩, 唔太甜, 更有濃濃的椰香味! 我哋再加一楂檸檬薏米水, 清涼解渴, 份量十足! 註: 招呼非常慇勤友善, 坐位寬闊舒適, 讚!  繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-09
146 瀏覽
2020年6月27日 星期六呢排見疫症稍有緩和既跡象,大眾市民都似乎安心左出街食飯,我同女朋友都終於可以喺週末出旺角搵野食,試下新餐廳今晚去既餐廳應該係新開無幾耐,不過門口已經好多人排隊,好彩我地預先book左枱,如果唔係相信有排等入到去發現裝修得好有中式風格,以紅色為主調,同呢間餐廳既主題不謀而合餐牌上面主要當然係麻辣既菜式,每一款睇落都好似好吸引咁,由於實在係唔知點揀好,最後決定要個精選套餐,貪佢乜都有等咗一陣就有前菜到,首先係川味口水雞,就咁睇落去全部都係紅色,諗住一定係好辣,點知食落去麻味比較重,喺口腔裏面揮之不去,夠晒過癮之後有惹火山木耳,反而呢一個冇咁辣,咬落木耳到脆脆地,幾有口感跟住有主菜招牌酸菜魚,份量好大,而裏面魚肉嘅份量都唔少,至少都有10片以上,魚肉食落去唔腥之餘,仲好嫩滑,同酸菜嘅味道好配合。另外不得不提呢道菜裏面嘅芽菜,因為佢吸收晒湯底嘅精華,食上嚟會辣得好起勁呢個係乾煸四季豆,相比起其他菜式之下會冇咁辣,可以中和返味蕾。四季豆喺其他配料一齊炒之下,感覺更加惹味然後有噴火小籠包,顧名思義呢個小籠包裏面既餡料應該有辣既元素,果然一咬落去見到餡料係紅色嘅,食完之後真係好似噴火咁,連啲湯汁都係辣嘅,嗜辣既人一定要試最後仲有香芹水餃,反而呢一個辣味唔太重,香芹味蓋過辣味,水餃既餡料都有咬口因為有會員優惠,每人百幾蚊左右就可以嘗試呢一間餐廳幾個主要既菜式,性價比都幾高 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-01
687 瀏覽
我喜歡吃辣但係平少很少機會吃到,因為另一半是不能吃辣的。今晚難得與同是喜歡吃辣的朋友一聚,當然要吃辣啊!首選是川菜,而且地點要就腳,地方要坐得舒服,這間位於旺角雅蘭中心的祥仔辣辣就合晒要求了。因為是新開不久,所以人流還不算多。看到桌上有這個「辣到噴火精選套餐 $288/2位」推廣,覺得十分抵食,兩男亦不想浪費時間去看餐牌,於是就點這個。辣到可以選擇我們點了中辣。前菜有「惹火山木耳」和「川味口水雞」,很入味,麻辣開胃,雞肉亦都嫩滑。招牌菜當然要吃「祥仔招牌酸菜魚」。一鍋熱辣辣送上好吸引魚肉十分嫩滑可口,而且份量比預期中多,酸菜湯亦很有酸香,湯內的芽菜很掛湯亦好吃。最後有特色菜品三款:噴火小籠包、乾煸四季豆和香芹豬肉水餃。噴火小籠包第一次吃到有辣味的小籠包,皮薄之餘湯汁亦多,入口有麻辣香,好吃但不是噴火那種,可能要選吃大辣。乾煸四季豆炒得香口,下飯一流。香芹豬肉水餃即是紅油炒手,掛上麻辣醬汁有肉香又有麻香。甜品是「黃金南瓜露」,但可能職員太忙碌而忘記送上。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-21
1710 瀏覽
這間位於旺角雅蘭中心新開二樓中菜店舖!店舖裝修都算唔錯!坐落感都好舒適!地方都算好寬閥!。食物方面店舖特別優惠!會員或者恆生信佣咭優惠套餐!十分之唔錯!食物又有質素!款式又多都算唔錯之選!。祥仔酸菜魚:鱸魚魚肉相當唔錯!非常之滑身!咬入口啖啖肉!又冇魚骨非常之正!味道適中又唔會好辣!賣相都好吸引😋😋😋!。川味口水雞:係凍食前菜食物!雞肉都算好嫩滑!味道帶有小小辣的味道!食入口感覺好好味!值得試吓!。乾扁四季豆:味道好特別!四季豆軟硬適中!食入口感覺味道恰恰好!又唔會好咸入哂味!十分之正👍👍👍!。四川担担麵:先講担担麵個湯底味道香濃!好香蔴醬味道!喝入口感覺好香滑!相當之唔錯!担担麵都算好滑身!配埋湯底十分之夾!。香芹豬肉水餃:外皮好軟滑!味道唔錯!加埋D蒜香味都算唔錯好好食!。惹火山木耳:木耳軟硬適中!食入口味道唔錯都好有咬口!都係凍食帶有小小辣!。黃金南瓜露:飲入口味道唔錯好軟滑!南瓜味道好香甜!味道適中!。至於價錢方面一般價錢! 繼續閱讀
(以上食評乃用戶個人意見 , 並不代表OpenRice之觀點。)
限聚令已經放寬, 唔少人放假都外出用餐, 旺角食肆多選擇, 經開雅蘭中心, 發現新開左一間主打川菜餐廳, 由經驗川菜廚Ricky主理, 雖然唔知佢邊位, 但新開食肆, 亦有興趣試試。餐廳新開, 地方都很整潔, Menu上款式唔少多, 另外一款係持有恒生信用卡專享既二人套餐HK$288/兩位,款式都係餐廳精選, 比起單點更加抵食, 所以就order左個二人餐。兩款冷盤先上檯:惹火山木耳: 爽脆, 而且極之麻辣, 吃後舌頭上還殘留麻味感覺好一段時間辣味口水雞: 肉質鮮嫩冇雪味, 辣辣地, 雞皮還是帶爽套餐其中一款為自選菜式, 揀左 酸菜魚湯底唔算好辣, 可能頭盤食左木耳, 果種麻味還未平息, 有大量酸菜、芽菜, 魚塊平均每人3-4件, 無骨魚塊好嫩滑, 一夾即散。乾煸四季豆: 炒得幾有穫氣, 唔知係咪之前既辣對比下, 呢款菜式辣度已經唔明顯, 什至覺得唔辣香茜豬肉餃: 莞茜好香, 有豬肉鮮味原本的噴火小籠包因當晚缺貨, 餐廳安排擔擔麵取代。嫌湯底太淡, 淡如滾水, 反映後, 侍應協助更換。湯底稍為濃左少少, 有少少鹹, 但完全唔辣, 而且麵線都係好淡,唔知係咪廚師特意安排, 食完辣, 就食碗清清地既麵, 中和口腔呢~最後送上甜品南瓜露, 只有微甜, 入口很滑, 有少少南瓜幼粒 繼續閱讀
(以上食評乃用戶個人意見 , 並不代表OpenRice之觀點。)