Le Viet (已結業)

平時都係去尖沙咀食午飯，今日嚟旺角行街，印象中都好似係第一次食佢哋嘅晚餐，估唔到晚市價錢都大眾化，$60左右都已經有越式湯河及檬粉等，雖然唔會好似午市包飲品，性價比都10分高。除咗食湯可檬粉等，今日想試吓啲特色菜，原來其他特色小菜都要煮超過30分鐘，所以點完特色菜先至嗌其他主食。生牛肉湯河，仍然保持一貫水準，牛肉嫩滑，湯汁清甜，份量亦足夠一個人。燒豬頸肉檬粉，豬頸肉厚身，唔會太肥，豬頸肉加上檬粉汁，亦可以減少肥膩感覺。香茅燒烏頭-$173，時間過得好快，食完兩款主食後便煮好，一上枱已經好香香茅味，感覺新鮮，亦特登俾咗刀叉去分解魚身，好方便將魚分兩半，魚身肉質仍然保持濕潤，加上特色辣香草醬，更能突出魚嘅鮮味。