作為街坊，見證此店開張，一直到幾多人幫襯 ，卻從未有機會進去品嘗，今晚終於選擇此店作為晚餐。 店內的半開放式的空間裡，有一排開闊的窗，可以欣賞到繁華黃埔街頭的風景。 今日選擇了海鮮與牛肉的二人盛宴。包括海膽及象拔蚌刺身，牛肉，肉丸等，性價比幾高。 一匙的海膽，其實都幾多，又可以加紫菜一齊食，象拔蚌刺身夠新鮮、爽口。 海鮮拼盤上，鮑魚、澳洲藍龍蝦、蜆以及貴妃蚌各自獨佔一角。鮑魚生猛新鮮，就連上桌烹煮火鍋時，都還在蠕動。澳洲藍龍蝦的肉質堅實，口感絕佳。蜆和貴妃蚌都唔錯。 手工丸餃拼盤中的蝦丸和墨魚丸，能夠清楚地品嘗到手工製作的獨特口感，肉質緊實，彈牙，且鮮甜。 佢哋選擇騸牯牛肉，網上查看後才知道是一種新興的牛肉品種，牛頸脊的肥美，以及邊肉的香醇，都極具特色。 餐後甜品為香港品牌雪糕，味道都唔錯。

九龍城出名多好嘢食，這間日式串揚料理"北斗"， 很有特色，非一般的 omakase。 廚師發板，我個人最重視係 total experience。 這家日本懷石料理，畀足曬分， 這個住咗香港30年+的廚師，用他半咸半淡的廣東話，很有誠意地解釋 懷石料理 串揚 的分別，當奉上每一道 菜的時候，除了講述菜式的特點，來自地區之外，還會講述哪個地方是最有名，菜式的起源， 一見到我個樣聽唔明，會用紙筆寫給我，真係眼界大開，有講有笑，未開始食，已經好滿足呀! 首先上來的是磯煮鮑魚加紫蘇花，磯香味加上紫蘇花的清香，讓整道菜的口感更加豐富。 接著是深海池魚刺身，鮮度十足。 姬松石垣鯛魚湯，這一道菜湯味清香，還有肥美 鮮甜的大蜆。 燒赤陸魚是這次用餐中的另一道精彩之作，魚肉烤得恰到好處，讓口感更加豐富。 宮城生蠔的鮮甜程度更是讓人驚艷，每一口都能感受到蠔肉的鮮美。 我仲同廚師分享咗我剛剛去仙台松島， 食生蠔的體驗呢。 京都萬願寺炸唐辛子是一道非常特別的料理，唐辛子即係辣椒，廚師半講笑話只有1%是辣的，非常鮮甜多汁， 炸皮非常鬆脆，不是一般的tempura，廚師好有誠意解釋tempura 和串揚的分別和起源。 脆炸金雕魚和炸油錐魚都是店家的招牌料理，魚肉的鮮嫩程度和外皮的酥脆度讓人忍不住一再稱贊。 炸魷魚筒中間的松葉蟹膏搭配上魷魚的口感，味道十分獨特，正。 炸紫菜上面鋪滿北海道海膽，這道菜的味道讓人印象深刻，紫菜的酥脆和海膽的鮮美相得益彰。 燒神戶牛粒讓人回味無窮。 最後是明太子茶飯漬和靜崗皇冠蜜瓜，是結束這頓豐盛用餐的。 整餐的味道非常好，滿足了我對日本菜的期望，餐廳座位有限度，一定要預先訂位。

好耐無食印度菜，係東大街食方便門口可以泊車，呢度裝修有印度色彩，亦會播放一些印度歌曲，員工好熱情。 香炸蝦球$75，原隻大蝦，肉質結實，炸得香脆，加上印度特色醬汁，好有風味。 傳統印度咖喱飯雞$102，香料味道濃郁，只係少少辣，雞肉用雞脾肉為主，比較滑，咖喱飯汁配上印度薄餅，夠特色。 椰奶咖喱羊肉$128，此款椰子味更濃，咖喱亦比較濃厚，加上羊肉本身騷味，令咖喱層次更豐富。 第一次嘗試印度甜品，香濃奶球，甜度比較高，但食落都幾有特色。

⛩️ 同朋友食飯傾計，最緊要坐得舒服，餐廳大部份係卡位，仲有幾個榻榻米包廂，裝修夠曬日本風。 🎗 女生食量唔多，今餐主要點，刺身，壽司，沙律，飽肚野就唔啱我啦。 🐟 雜錦刺身 (上) $380 海膽，立魚，吞拿魚，油甘魚，三文魚，帶子，牡丹蝦 上碟沒有花巧的擺設，更加著重食物的質素，我個人特別喜歡立魚，帶子是厚切的， 牡丹蝦大大隻，鮮甜爽彈，這個價錢包海膽，性價比幾高，刺身相當新鮮肥美。 🍅 日本凍蕃茄 零捨甜美，清清味蕾，再嚟下一道菜。 🍣 雜錦壽司(上) $350 海膽，蟹肉，吞拿魚腩，帶子蟹子，青瓜 等等 🦈 脆炸右口魚 有驚喜，右口魚肉質非常嫩滑，起骨後砌開幾件小小的。另外，主骨連同魚鰭一起炸，非常酥脆，連骨都食曬。 🎎 總的來說，餐廳座位不多，因為每個卡位都幾大，坐得舒服，所以要早啲訂位。同時，刺身由日籍師傅主理， 好專業; 服務員人數充足; 整體的用餐體驗唔錯。

呢一間餐廳，可以打邊爐，又可以嗌小菜，座位好闊落，食物大大碟，份量好足夠， 晚餐打邊爐7折，抵食! Xo醬 先畀個貼士大家，餐廳好闊綽，xo醬任取，好高質素，多乾瑤柱多蝦旱， 我唔客氣，攞咗兩大羹，正! 蝦油條 其實係油炸鬼加蝦滑，新鮮炸起，好脆，因為加咗蝦滑，讓油炸鬼提升鮮味和變得彈牙。 可以立即食，又可以放入火鍋沉幾秒才食， 係我食過最好的油炸鬼呀! 🥟 雲吞水餃韭菜餃 饀料好多， 大大粒，餃皮薄薄的，晶瑩通透，好抵食。 🐟 鱔片 手工切得薄薄的，好大片，好味。 🐮 我們點了很多食物 : 滑雞 豬紅 手切肥牛 淮山麵等等， 全部大大碟，仲有7折，性價比好高呀。 🧁 最後的甜品是: 椰汁紅豆桂花糕，清甜好味道。 鹵味小食 餐前點了一碟鹵味小食，質素相當唔錯，豬大腸一啲都唔肥膩，雞腎的軟硬度啱啱好，仲有好入味的雞翼尖，相信餐廳的其他小菜相當唔錯。下次可以再來食小菜㖭。 整體服務非常好，侍應收碟好快，經理同食客好多交流， 會解釋食物的特色，坐位寬闊，光亮，門口仲有個影相打卡位，整體經驗相當不俗。 😀

🏡 結婚週年紀念，老公特意挑選一間浪漫餐廳 ，一早book咗位，坐到一個 private 浪漫的花園"小屋"。未點餐先興奮，立即要打卡，餐廳外面仲有露台，都好浪漫㗎。 今次全程又老公點餐，都真係幾 surprise。 Appetizers 係我的至愛! 🍽 Hokkaido scallop with salmon roe and uni 擺盤好似朵花咁靚，海膽放好多，北海道帶子完全不需要點醬油，配搭上海膽，三文魚子，味道互相配合。 🦐 Red prawn sashimi with Thai sauce 刺身紅蝦有手掌咁大，蝦本身已經非常鮮甜有彈性，配搭泰式醬汁，酸辣適中，不會搶味。好味道。 🍸Earl Grey mango soup 上枱時配上乾冰，煙霧瀰漫，好夢幻呀! 這個凍湯好開胃，原來芒果做湯，好好味，不會太甜太酸，巧妙地配上 earl grey，滲出淡淡的茶香，入口順滑，配上魚子和和牛油果，好有層次感，色香味俱全。 🫖 Tom yum bouillabaisse with crispy rice 冬陰功熱湯，用透明玻璃茶壺盛載，自己倒湯入碗中，提高參與感，有蜆肉 青口 香菇和小蕃茄 ，好暖胃，湯底非常鮮味又濃郁，小辣，啱我胃口。 Main dish 🌮 Thai lettuce wrap in taco style 嘩!隻碟好靚呀! 配上乾冰，又一夢幻打卡位。 老公負責主食 分量好大碟 🐟 Chilean cod fish 黑松露薯蓉，入口軟綿綿同黑松露係最好的配搭，夠香。 🦐 Giant river shrimp with mix cheese pasta 蝦非常大隻。 甜品是另一個亮點 🥥 Coconut mascarpone partfait with Mango Jam 椰子芭菲，真係好好味，椰子味夠香濃又唔甜，配上甜甜酸酸的士多啤梨和芒果，配搭得恰到好處，畀我一個人差不多獨自食曬。 好滿足。 🍮 Pecan Tart with Lime sherbet 合桃撻做得好鬆化。另外嗰件原來不是 macaroon, 係sherbet. 同樣好味。 甜品整體來說，甜度非常適中。 好滿意。 😀 總體來說，前菜和甜品，特別啱我口味，我覺得廚師對顏色 香味 層次感 特別講究， 這間餐廳最啱節慶生日和結婚週年。💐🎊

灣仔係飯局的首選，這間餐廳在地下， 前面有車位，平日行過都會見到。聽講話係全新裝修，坐位幾舒服，預早訂座， 試下預留裏面private 啲的枱。 🐟 香煎龍躉球 好味! 煎得個魚皮好香脆，龍躉肉好厚身，除咗鮮味之外，醬汁好惹味，正! 🐮 紅燒牛臉肉 外脆內軟，外面的脆皮，能夠鎖住醬汁，牛臉肉又滑又淋，好juicy。 侍應推介得唔錯! 🍜 桂花咸魚蓉炒米粉 晚餐唔好食咁多澱粉質，米粉就啱我啦，炒工唔錯，米粉每一條都炒得好分明，簡單一點的米粉，畀我 一個人食曬差不多5-6 碗呀! 🧁 奶皇糯米糍 好大份，皮層薄薄的，奶皇又香又飽滿，重點係唔會好甜，啱曬我! 🫖 香片茶 有小蠟燭保溫，很貼心 最鍾意睇細節，茶壺好優雅 🍽 店舖不大 ，侍應唔多，反而仲特別關顧食客。 今時今日外出食飯，服務質素最重要。👍

在附近看聖誕表現，順便食埋嘢先返屋企，附近西式餐廳比較多，價錢亦比較貴，呢間馬拉餐廳價格相對合理，裝修格局亦唔錯。晚市2人套餐$338起，包小食及甜品，都算吸引。 小食頭盤馬來沙嗲雞髀肉串、馬拉盞一口蝦多士、手打馬來蝦餅， 沙嗲夠正中宗， 用雞髀肉特別滑。一口蝦多士炸得好脆，味道亦特別。手打蝦餅肉質彈牙，加特色醬汁好嘢味。 馬來咖哩滑蛋雞肉蓋飯，日式滑蛋蓋飯加馬來咖哩混合的菜式，咖哩都算幾辣有2隻辣椒度數，雞肉炸得少少脆口。 濃香喇沙煙肉蘑菇長通粉，亦係西馬Fusion 菜，喇沙相對無咖哩咁辣，配合長通粉都算幾夾。整體上2款主食份量都算多，我哋2個都 食唔曬。 自家製咖央多士（榴槤味），多士焗得脆口， 榴槤味咖央唔算太濃味， 就算唔食榴槤嘅人都應該接受得到。 套餐飲品加28蚊已經可以有手工啤酒及特色飲品， 最後叫咗款酒精同麥味都好重嘅啤酒， 中和到啲辣度。

常常去觀塘食飯， 知道此餐廳晚餐又有新套餐，半自助buffet，食物質素拍得住星級酒店，只係一半價錢左右，非常吸引😀 🦐 凍盤海鮮 番本之選 有好大隻的大蝦，大大隻翡翠螺🐚，三文魚刺身高質素肥美，擺放得十分齊整精緻， 高質素。 🥬 沙律蔬菜 新鮮程度同酒店的 a la carte 同級，有冰菜，羽衣甘藍，羅馬生菜，藜麥。還有特色的醃製涼拌， 麻辣蓮藕 青瓜 雲耳 等等，非常好味， 即使我唔食辣的 都食過不停。 🥓 冷肉拼盤有 4-5款，仲有煙三文魚，好齊全。 🍡 香港特色小食 魚蛋燒賣，避風塘蘿蔔糕， 雞翼腸仔等等，唔好以為係一般貨色， 完全有小時候大排檔的風味。 🍰 甜品10+款 一定要試靜岡焙茶蛋糕，茶味香濃， 還有芝士蛋糕，同有我最喜歡的蝴蝶酥 。 🍽 食到這裏 ..... buffet 非常高質素，我差不多每樣食咗兩轉， 已經好飽飽，之後的main course 有啲食唔落 Main course 選擇有十幾款。 包括寶雲酥羊鞍 🐏，伊比利亞 黑毛豬🐽 ，建議七成熟，北海道帶子等等，部分要加少少錢， 款式相當多元化， 一定會揀到啱食的。 這個semi buffet套餐，價錢相當大眾化 自助沙律吧 $268 main 加自助沙律吧 $298+ 🥂 餐廳有一個好大的酒房， 眼見好多客人齋飲酒，十分寫意。餐廳環境座位梳化，都好寬敞舒，坐得好舒服。

朋友知我鍾意食生蠔，佢話呢度最近有生蠔任食套餐再加主菜，都係$468，好似我呢啲食到20隻左右，真係好抵食。 餐廳座位寬敞，大部份位置都可以看到出面銅鑼灣夜景。 頭盤有湯及麵包，仲有煙三文魚，質素都幾好。 每張枱都放了一個火山形狀的底盤，原來係用來放乾冰，上生蠔時加上乾冰的煙霧效果，有氣氛。每盤都有2款生蠔，一款看落大少少，另一款厚身D，2款海水味都濃，我認為大個款比較creamy D。另外同生蠔一齊上還有凍蝦及翡翠螺。 食完生蠔再上主菜，有三款主菜選擇，我點了 牛扒，生熟情度控制得唔錯。 飲品亦包了soft drink，但佢哋都有紅白酒free flow 選擇。