影片
更多
2022-07-11
819 瀏覽
最近行街見到渝味曉宇宣傳生酮火鍋，身為曾經生酮，而家仍然低碳嘅我，一定要去會一會佢。🪑店舖環境非常光猛企理，枱與枱之間距離亦非常足夠，整體感覺舒服。📒菜單有清楚寫明邊幾種係生酮湯底，豉油都有另一樽酮學專用豉油（睇宣傳係用萬字醬酒）。飲品中嘅糖除咗羅漢果茶係靠原個羅漢果外，梳打或雞尾酒係用allulose + 羅漢果糖製成的糖漿，所以飲落去完全無怪味或aftertaste，非常凡人。🫙店員有特別提醒桌上提供的醋係凡人醋，送的紅棗雪耳糖水都唔適合酮學，呢間餐廳啲員工培訓做得幾好，起碼具備基本生酮知識，唔會老點。🍲生酮鴛鴦湯底（‼️午市普通湯底免費‼️）因為我低碳，朋友唔係酮學，所以一邊叫咗「養生花膠雞鍋」（+$20/位），一邊叫咗普通辣大紅鍋。🐓花膠雞鍋超足料，花膠有6-7條而且有少少厚度，食落去有花膠味，唔係cheap嘢，而且唔覺得同凡人湯底有咩分別。🌶普通辣大紅鍋係非酮湯底，唔算太辣，我都可以食到，但上面啲辣椒真係好嚇人🫣🍝海帶麵(半份) $38我多數食烘乾蒟蒻麵，未食過海帶麵，IHerb自己買又要浸梳打粉又盛，呢度有就試吓，餐廳幫手處理埋乾手淨腳。照指示淥一分鐘的話口感幾爽，隻爽感似粗海
🪑店舖環境非常光猛企理，枱與枱之間距離亦非常足夠，整體感覺舒服。
📒菜單有清楚寫明邊幾種係生酮湯底，豉油都有另一樽酮學專用豉油（睇宣傳係用萬字醬酒）。飲品中嘅糖除咗羅漢果茶係靠原個羅漢果外，梳打或雞尾酒係用allulose + 羅漢果糖製成的糖漿，所以飲落去完全無怪味或aftertaste，非常凡人。
🫙店員有特別提醒桌上提供的醋係凡人醋，送的紅棗雪耳糖水都唔適合酮學，呢間餐廳啲員工培訓做得幾好，起碼具備基本生酮知識，唔會老點。
🍲生酮鴛鴦湯底（‼️午市普通湯底免費‼️）
因為我低碳，朋友唔係酮學，所以一邊叫咗「養生花膠雞鍋」（+$20/位），一邊叫咗普通辣大紅鍋。
🐓花膠雞鍋超足料，花膠有6-7條而且有少少厚度，食落去有花膠味，唔係cheap嘢，而且唔覺得同凡人湯底有咩分別。
🌶普通辣大紅鍋係非酮湯底，唔算太辣，我都可以食到，但上面啲辣椒真係好嚇人🫣
🍝海帶麵(半份) $38
我多數食烘乾蒟蒻麵，未食過海帶麵，IHerb自己買又要浸梳打粉又盛，呢度有就試吓，餐廳幫手處理埋乾手淨腳。照指示淥一分鐘的話口感幾爽，隻爽感似粗海帶一咬即斷嘅感覺，但無蒟蒻回彈嘅膠感。淥耐少少就會比較軟身，更似麵。
🍋青檸梳打 $48
偏酸，不過酮人一般耐甜度會下降，呢個酸度都幾好。無aftertaste 。
🫐生酮雜莓汁雞尾酒 $48
好多莓好足料，而且呢杯真係有白酒果種香味，但飲落又唔覺有酒精，幾易入口。無aftertaste 。
以上係比較有生酮特色嘅食物，以下係火鍋料：
🐠鮮魚膘(半份) $38
呢個超好食，爽脆而且一啲都唔腥！
🐟鰻魚(白鱔)(半份)$58
有鱔魚嘅軟滑鮮甜。
🐂美國Prime牛小排(半份) $128
油花超靚，有牛味同牛油香，而且切得有厚度，保留到口感，推薦👍
🐸牛蛙(一隻) $38
幾大隻，多肉，肉質嫩滑。
🐮稻田毛肚(半份) $78
一份都有四五塊，好大塊，職員教「七上八下」咁淥，或者跟指示淥10秒。口感比較結實，爽，而且好吸汁，唔食得太辣唔好放入辣湯😂
🥗田園菜籃(半份) $48
足夠兩個人食，菜洗得乾淨，而且好新鮮。
🐟鮮龍躉片(半份) $78
勁厚切喎個龍躉片，而且半份份量都唔少，表面有新鮮魚嘅光澤，味道都有魚味，有口感。
🦴牛骨髓(半份) $48
呢個好少食所以點嚟試下，感覺似比較結實嘅豆腐，本身無乜味，適合配濃郁嘅湯底。
🍵茶位+醬料 $20/位
總括而言，呢間係認真做生酮餐嘅餐廳，火鍋材料新鮮有質素，酮學要同凡人聚餐的話十分推薦，絕對可以賓主盡歡。
張貼
