裕鵝莊 (已結業)

細佬話公司升職，話想買點餸加料「食好D」！我剛剛在尖沙咀放工，就去買點燒味加餸！原來深井的裕記燒鵝在尖沙咀開了新分店，裝修時尚年輕化，屋企人一直都未試過深井燒鵝，今次可以試一次了！燒味部掛住油光閃閃的靚燒鵝和叉燒！除了燒味，還有特色小食和其他菜式，如果不外賣，在這裏吃也很不錯！我買了燒鵝例牌，燒味雙拼，有叉燒和燒腩仔，另外，再買了滷水雙拼，海蜇和腸衣，加一個小菜百花炸蝦丸，四個人晚餐，剛剛好！每樣食物都有配醬汁！每樣都非常吸引，大讚燒鵝，果然名不虛傳，肉味非常濃郁，雖然是外賣，但燒鵝的皮仍然帶鬆化，不會很膩，肉質好稔！加甜酸醬一流！鵝胸都好滑！叉燒燒得好夠火喉，有少少燶邊，好香，肉好多汁嫩，高質！燒腩仔皮鬆脆，加芥辣食好惹味，食多2碗飯！還有不是常見的滷水腸衣，見到推介，所以試一下，原來是鵝的喉嚨，另外有滷水汁帶回家，好香滷水味，口感煙煙韌韌，送酒一流！海蜇好香麻油味，好爽口！炸蝦球大大粒，外層有麵包粒，炸到脆卜卜，回家還是脆的！啖啖蝦肉好足料，加上咕嚕汁，開胃！