部屋咖啡室

營業中

休息中

而家想約朋友食飯並非易事，難得約到好耐無見嘅朋友，偶爾都想搵個坐得耐啲嘅地方食飯吹下水。即日有位book嘅cafe唔多，所以無過多考慮就決定試呢間。烤雞蘑菇闊條麵 $82闊條麵食落未夠鹹香，即使加入咗黑椒同青椒，味道仍然略淡。不過勝在夠creamy，韌度尚可。烤雞同蘑菇表現唔錯，口感同味道都正常。不得不提擺盤，睇落都幾頹，同行朋友都一致認同似係煮完求其掉上碟。綠茶紅豆奶茶 $54頂層雖有超厚身忌廉，可惜味道完全無奶香甜味，似廉價忌廉。飲唔到奶茶茶香，只有紅豆蜜甜較可取。整體而言，大部分食物味道雖然係正常發揮，但唔太感受到餐廳係用心去經營。由餐廳設計、店員態度，以至食物質素同擺盤等，都好影響客人會唔會再次幫襯。至少今次唔太感覺到有做好餐廳嘅熱誠，希望餐廳可以再投放多啲時間去改善。