364
31
12
港鐵油麻地站 A2 出口 繼續閱讀
電話號碼
65344336
54000841
營業時間
今日營業
12:00 - 00:00
星期一至日
12:00 - 00:00
付款方式
AlipayHK 支付寶 現金
其他資料
網上訂座
Wi-Fi
VIP房
加一服務費
電視播放
當面支付
有關獎賞計劃
食評 (440)
今日返工淨係返上晝,收工後想同男友過一個悠閒既下午,所以我地揀左去旺角既樓上Cafe hea,跟住再去按摩😆講到旺角既Cafe我即刻諗起登打士廣場呢棟大廈,見到呢間Cafe有自家制手打burger同手拉pizza好似有D特色所以揀左呢間~由於唔想點太多麵包類既野食😅 所以我地今次叫左自家制手打burger試下先,另外仲叫左香辣虎蝦海鮮意粉(少意粉)同一杯黑森林mocha~Burger係set lunch黎,好大個,伴菜既薯角都非常多!麵包烘過黎外脆內軟,生菜🍅爽脆新鮮👍 牛肉有返咗上下厚度,非常juicy,口感鬆化但唔多肥膏,睇得出同食得出係好花心機既handmade😋 薯角香脆唔油膩,面頭灑左少少辣粉所以更滋味😁香辣虎蝦海鮮意粉雖然叫左少意粉,份量都仲係好多😂 可能因為淨係配料都已經落足本,虎蝦大大舊好爽口,加埋青椒同洋蔥就仲香口👍 不過如果可以換走我唔中意既青口變做我中意既帶子就更好🤣黑森林mocha唔只賣相靚,仲好好飲👏🏻👏🏻 朱古力既甜味中和左咖啡既苦味,但係同時擁有朱古力同咖啡嘅香味😍 加埋啲cream口感更滑,因為有個朱古力雪糕球係面,所以就算飲到尾聲啲冰溶左都唔會覺得淡🤤🤤 啲野食同野飲係負責睇舖果兩個後生女整既,又要顧樓面又要顧廚房都有呢個水準,俾個like佢地👍👏 繼續閱讀
(以上食評乃用戶個人意見 , 並不代表OpenRice之觀點。)
等級4 2020-09-05
186 瀏覽
旺角登打士街廣場成幢都有好多好嘢食,之前嚟咗食雞煲,今次去12樓搵間Café坐,呢間café分開咗兩個鋪位,每個舖位大概有五至六張枱,細細地,坐得都幾舒服。而且又可以望到窗外嘅風景。我同我阿媽兩個人叫咗個二人餐,分別有一個飯、Pizza、蝦餅、同埋兩杯飲品。首先一嚟嘅就係個飯,我叫咗一個係黑松露意大利飯,黑松露味非常香,而且意大利飯佢標榜着係用意大利米,每一粒都粒粒分明,非常有咬口。醬汁亦都好濃。之後就係嚟咗個夏威夷pizza,夏威夷pizza上面有濃厚嘅沙律醬,而且亦都有好多菠蘿,再配埋非常重嘅芝士,新鮮焗出嚟,所以都幾好食。再之後就係個蝦餅,蝦餅會配埋泰式辣汁,都係新鮮炸起,好香,好好食。飲品我哋叫咗一個呢度出名嘅水果茶,水果茶並唔係普通嘅茶底,而係混和咗好多唔同嘅果汁,再配埋生果🍎,餐廳仲會比細細嘅杯慢慢品嚐,所以都零瀉有格調。最後就係叫咗杯綠茶紅豆,杯飲品綠茶味比較重,但稍微甜,這點需要注意一下。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-07
876 瀏覽
旺角有唔少樓上cafe,除左有野食之外仲有好多唔同種類嘅board game玩,啱晒一大班年輕人聚聚舊聊聊天。想當年讀書嘅時候經常嚟旺角呢一類嘅樓上Cafe,皆因價錢相宜又可以玩一整晚。今次黎呢間部屋咖啡室,啲童年嘅回憶返晒黎!估唔到食物嘅水準依然保持到,環境仲好舒適添!我同有人點左一個二人套餐($308) 套餐包一個10吋pizza、一客飯或意粉、一個炸蟹餅小食同埋兩杯嘢飲🧃,分量夠晒飽肚!但由於我哋都好肚餓嘅關係,另外點左一客蜜糖雞翼😇。西西里pizza材料非常豐富,除咗有香口嘅辣肉腸之外,仲有蘑菇、肉粒、火箭菜同埋大量嘅芝士,一睇個芝士拉絲就知道個Pizza有幾好味啦!意粉方面揀咗烤雞闊條麵,意大利麵軟硬度適中,醬汁有香濃嘅忌廉味,烤雞肉粒份量多而且好入味。🥰💙佢嘅小食水準真係好高,每款都即叫即做,熱辣辣之餘味道好好。炸蟹餅外脆內軟,口感彈牙,充滿蟹嘅鮮味。蜜糖雞翼都係外脆內軟而且有肉汁,唔會overcooked!見到呢度嘅特飲咁吸引,我哋忍唔住每人加咗$20轉特飲😆!翡翠朱古力碎雪芭同埋朱古力沙漠,綠色嗰杯帶有清甜嘅薄荷味,飲落好清新,配埋炸嘢一齊食可以中和一下油膩感。朱古力特飲嘅朱古力味非常香濃,賣相同味道都係滿分嘅!👏🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-10
1548 瀏覽
今日晏晝約咗舊同事食飯,諗來諗去決定去Cafe。搵咗幾間,見到登打士街近廣華醫院有一間叫做部屋咖啡室。上到嚟見到每張沙發都好舒服甘,因為疫情關係,每張枱就用圍板隔開。見到set lunch非常抵食!因為可以一個主餐加小食再加嘢飲。即刻叫嘢食先,叫左黑松露雜菇,蕃薯角漢堡包為主食。黑松露雜菇飯份量非常多一入口,口感好creamy,有淡淡的忌廉同黑松露味道。飯嘅口感好軟熟同濕潤,吾同平時食開嘅意大利粉口感偏硬。上面仲有我最鍾意嘅雜菇!呢個漢堡包真係不得了上面嘅包皮明顯烘過,一入口口感香脆。牛肉係自家製手打,濃濃既牛肉香,成個漢堡都好大份,真係要搵人一齊share仲另外配有厚切薯角,抵食!小食配左椒鹽魷魚酥同芝士西蘭花。椒鹽魷魚酥好新鮮彈牙,外表嘅粉皮唔厚,真係令人食唔停口。芝士西蘭花上面鋪滿口口嘅芝士,以為好漏,點知食落係淡淡的忌廉同芝士香,吾驚過漏。嘢飲我哋就帶咗水蜜桃椰果紅茶同埋翡翠朱古力碎雪芭。野飲賣相一流,可以影相呃like😍食完正餐梗係留返個胃嚟食甜品,我哋嗌左雪糕朱古力厚多士。多士好厚身,上面鋪滿朱古力醬,好邪惡😌食到捧住個肚走先至平均每人$200,又可以坐到舒舒服服咁樣同舊同事吹水聚舊,呢間Cafe下次都可以再幫襯。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-02
993 瀏覽
今日行開登打士街,咁我同朋友一齊去掃樓想搵下一啲新口味。 見到呢一間Homemade cafe 之前未試過,咁就上去睇下咩狀況, 見到呢間cafe其實都幾warm,因為有幾多人喺度玩緊一啲桌上小遊戲。 幾適合gathering。我地叫左二人套餐。包括以下:我哋叫咗西西里pizza,咁材料有辣肉腸、腸肉粒、蘑菇同火箭菜, 咁其實個pizza size就識中嘅雖然唔好睇佢好似唔係好大個咁 其實都幾飽肚因為都落重咗芝士所以芝士味都幾濃郁。意粉叫左烤雞磨菇寬條麵,裏面咁有烤雞肉、蘑菇、洋蔥同青椒, 咁我覺得呢個寬條麵真係幾好食因為佢雖然都有少少creamy但係都整得幾清, 清得係幾fresh。 D材料係新鮮。 而且佢個雞肉都幾嫩滑。另外個小食咗個炸蟹餅, 個炸蟹餅我覺得炸得都幾香脆,同埋蟹餅我會食到有蟹肉係入面,所以感覺良好,唔係淨係齋食咗啲麵粉。 而我自己就比較貪食所以我哋叫咗多個椒鹽魷魚, 呢個椒鹽魷魚我覺得真係有少少似以前喺茶樓炸嗰啲椒鹽魷魚,以前懷舊嘅感覺返曬嚟。最後如果大家行開呢頭,呢間homemade cafe大家可以嚟試下。 啲嘢飲都唔錯。 繼續閱讀
(以上食評乃用戶個人意見 , 並不代表OpenRice之觀點。)