更多
2018-08-29
298 瀏覽
今日入左沙田圍探個朋友，諗住話一齊食個飯敘下舊。朋友知我一向鐘意食蟹，連個名都改到成隻蟹咁，於是佢帶我去左附近博康邨個熟食市場，話呢度有個好地方，包我食蟹食到夠皮咁話。去到望到個名”鱻潮”，三條魚，唔係好識讀。好彩朋友係中文系出身，即刻上身咁講書話 鱻字 讀鮮，係鮮嘅異體字，就係字面咁解，新鮮呀。 我都即時應左句 : 梳突S呢！入到去坐低，原來都幾多選擇，有散叫又有套餐，套餐有兩款，一款係私房蒸鍋($198)，主要係粥底+蒸海鮮。另一款係蟹宴手工私房鍋($288)，有凍蟹、有炒蟹、仲有蟹鍋半自助打邊爐。今日黎得就係為左食蟹食到夠，所以都唔洗點諗，即刻叫左兩位蟹宴手工私房鍋！首先出場，一人一隻凍蟹。一隻凍蟹唔難整，好簡單嘅整法，清蒸再雪凍就係。但一隻好食嘅凍蟹就唔易有，原汁原味，唔加調味先最能夠食到蟹嘅鮮味，但新唔新鮮一食就知。 凍蟹黎到賣相唔錯，顏色都好鮮色，最難得嘅係，一聞落去仲有陣淡淡嘅海水咸鮮味，證明蟹係新鮮貨，唔係用雪蟹。單以用料計，已經足以比滿分。蟹食落肉質結實，一梳梳，而且薄殻厚肉，仲有少少蟹膏，非常鮮甜，一d腥味都無，非常有驚喜。之後就係第二道蟹，星洲黑胡椒炒蟹，呢隻係肉
去到望到個名”鱻潮”，三條魚，唔係好識讀。好彩朋友係中文系出身，即刻上身咁講書話 鱻字 讀鮮，係鮮嘅異體字，就係字面咁解，新鮮呀。 我都即時應左句 : 梳突S呢！
入到去坐低，原來都幾多選擇，有散叫又有套餐，套餐有兩款，一款係私房蒸鍋($198)，主要係粥底+蒸海鮮。另一款係蟹宴手工私房鍋($288)，有凍蟹、有炒蟹、仲有蟹鍋半自助打邊爐。今日黎得就係為左食蟹食到夠，所以都唔洗點諗，即刻叫左兩位蟹宴手工私房鍋！
首先出場，一人一隻凍蟹。一隻凍蟹唔難整，好簡單嘅整法，清蒸再雪凍就係。但一隻好食嘅凍蟹就唔易有，原汁原味，唔加調味先最能夠食到蟹嘅鮮味，但新唔新鮮一食就知。
凍蟹
21 瀏覽
0 讚好
0 留言
凍蟹黎到賣相唔錯，顏色都好鮮色，最難得嘅係，一聞落去仲有陣淡淡嘅海水咸鮮味，證明蟹係新鮮貨，唔係用雪蟹。單以用料計，已經足以比滿分。蟹食落肉質結實，一梳梳，而且薄殻厚肉，仲有少少蟹膏，非常鮮甜，一d腥味都無，非常有驚喜。
星洲黑胡椒炒蟹
32 瀏覽
0 讚好
0 留言
星洲黑胡椒炒蟹
13 瀏覽
0 讚好
0 留言
之後就係第二道蟹，星洲黑胡椒炒蟹，呢隻係肉蟹，老闆娘話有成斤重，個鉗都成個殼咁大。食落有別於一般坊間黑胡椒炒蟹，略帶甜味，係個汁仲見到微粒黑胡椒碎，唔係普通開粉嘅汁，唔會話食落只得黑胡椒，無晒蟹味。蟹肉亦非常鮮甜，而且肉都好多下，朋友果然無介紹錯。
花甲蟹鍋
15 瀏覽
0 讚好
0 留言
花甲蟹鍋
23 瀏覽
0 讚好
0 留言
花甲蟹鍋
17 瀏覽
0 讚好
0 留言
跟住就第三道菜，花甲蟹鍋打邊爐！龍頭鍋好有氣勢，湯面鋪滿娃娃菜，而蟹同花甲都係生嘅，唔係整好先上枱，起碼唔會煲到老晒先，通常材料新鮮先會敢咁做，亦睇得出老闆對自己材料嘅信心。蟹鍋非常足料，用左2隻蟹做湯底，又有蟹食之餘，個湯亦好鮮味。
安格斯牛頸脊
7 瀏覽
0 讚好
0 留言
套餐會跟一碟肉，我地揀左安格斯牛頸脊，雖然係有少少肥，但肉質唔錯，亦好重油香，可以一戰。
之後有幾款特色配料都幾有趣，食完問老闆娘先知原來係自家出品，出面食唔到架。
八寸皇帝蟹棒、招牌手工蟹子蟹肉珍寶珠同黑白墨魚磚
17 瀏覽
0 讚好
0 留言
第一碟分別有八寸皇帝蟹棒、招牌手工蟹子蟹肉珍寶珠同黑白墨魚磚。八寸皇帝蟹棒咁長固然有特色，但比較值得一講嘅係招牌手工蟹子蟹肉珍寶珠同黑白墨魚𥖁。蟹子蟹肉珍寶珠係用蟹子、蟹肉碎同蝦膠打成，每日新鮮做，食落非常彈牙爽口，好似食緊新鮮蝦咁有口感，非常重蝦味，唔會好似出面個d溝左粉。 至於黑白墨魚𥖁就更有趣，底個塊食落似紅腸，問老闆娘先知原來係台式墨魚腸，面頭配搭自己打嘅墨魚膠，非常好味，一人一舊有d唔夠喉添。
手工魚皮
11 瀏覽
0 讚好
0 留言
手工魚皮
10 瀏覽
0 讚好
0 留言
之後呢個手工魚皮又係出色，塊魚皮成隻手掌咁長，原條魚皮無切開。呢個魚皮食到中段先黎，原來魚皮係新鮮人手即叫即炸，比起出面一般加工個d碎魚皮，香口好多，而且粉無咁厚，好好食！
另外亦有幾十款火鍋配料任食，比張紙大家睇下。
總括來講，非常滿足嘅一晚，蟹非常新鮮，用料有質素，單單食蟹已經開心死。而且呢度有幾樣自家製火鍋配料，亦睇得出老闆娘用心經營，肯花時間去做d平常少見嘅好野食出黎。有機會會同朋友再黎試下個蒸鍋，睇下會唔會又有驚喜！
張貼
