鱻潮手工私房鍋 (已結業)

朋友聚會推介左依間餐廳，餐廳係屋邨入邊，如果唔係有人介紹好小會發現到，唔洗三百一個人，半自助，超抵食，本身唔食豬紅鴨血依啲野，但依到既鴨血好好食，本身自選幾樣火鍋小菜都好大碟，炸魚皮超大塊，自選小菜食完都已經飽肚

由屋邨大排擋改變成特別邊爐店，聽就聽得多，試就第一次～門面仲以為會好似之前大排擋咁熱辣辣，打邊爐咁熱點得！點知無喎，有冷氣仲夠涼～MENU有唔同套餐，心思思想試蟹又想食其他海鮮⋯⋯最後生日壽星選了海鮮鴛鴦鍋，連前菜都有埋，好OK！食物前菜是皮蛋（凍），無特別。個湯底都OK，夠味。其他野食不過不失~ D手打丸OK，有口感。

好耐無食過大排檔，去咗呢間近沙田圍嘅菜館試試！呢度環境都幾乾淨，而且好近馬鐵站！.椒鹽鮮魷 $98金黃嘅賣相，魷魚好彈牙有嚼勁，幾新鮮，炸粉都算薄身，口感唔錯，而且椒鹽都炒得好香口。.鱻潮海鮮豆腐煲 $128呢個幾抵食又足料！有蝦、蜆、花枝同雜菇，海鮮方面都幾新鮮，蜆都洗得幾乾淨，份量都算多。豆腐口感都幾滑，芡汁都調得好香濃，送飯一流！.大澳蝦醬炒飯 $78蝦醬味都幾濃，咸香味剛好，炒飯粒粒分明，好有鍋氣，仲有蝦肉同花枝，都幾新鮮，尤其係花枝片幾爽口。.呢度每碟小菜份量都幾多，兩個人每人比百幾元，已經食到好飽。下次一定會再黎食！

是日同honey去到博康附近熱熱的天氣也無損我地去大排檔食飯的決心去到博康，好多不同的大排檔見到哩間鱻潮，除左火鍋 都有小菜仲有雞煲，因為好熱，所以都系食小菜吧哈哈連小菜都抗疫價 哈哈同honey點左椒鹽九肚魚楊洲炒飯啫啫通菜煲干鍋薯仔蓮藕同埋叫左支青島啤一啤啫啫通菜煲啫啫排通菜煲真系好惹味送飯真系一流，幸好唔太重味，加埋肉碎蝦米真唔錯椒鹽九肚魚香口野永遠系大排檔一定要點的九肚魚炸得唔錯香口無比楊洲炒飯炒得夠鑊氣，加埋餸食真係好出色干鍋薯仔蓮藕大排檔真的少有的干鍋有少少胡椒粉，辛辣粉，真係送酒一流美味又可口唔少得的青島，是日晚餐熱到滿足！

今晚父親節關係，九個人所以預早訂位，心想試吓大排檔風味，叫咗九個餸，味道及份量一般，仲有漏單情況，漏單連加單追問多次，每次都話差唔多到，等咗半小時，最後放棄埋單，先發現根本無落單，一定無下次。

大概6點15分去到冇人等位即入坐兩個人 叫左個每人248火鍋。有肉有海鮮有前菜。仲有60樣火鍋配料。冇任飲。叫左姐姐落單。10分鐘黎個爐。爐後10分鐘黎個響鈴4大條(唔錯既) 跟手再等左15分鐘黎肉。 份量唔多。跟住加埋叫左少少配料。跟住等左45分鐘先黎配料,中途吹左3-4次海鮮同前菜都未到。最後差唔多坐左2個鐘都係冇到。跟手叫丫姐唔好整。埋單走人。埋單556(中途拎左兩罐汽水 十蚊一罐) 姐姐話收返平d 550喎。多謝曬 我以後唔嚟啦

係沙田返工的我，收工後同同事好想食下大排檔，於是兩丁友就去咗呢間喺博康邨的菜館試下～呢道有得打邊爐同食唔同小菜，價錢都算平民化~環境好乾淨，同事都話估唔到熟食市場內大排檔都咁乾淨又光猛。▪️椒鹽鮮魷 $98魷魚咬落好新鮮又好彈牙，椒鹽份量剛好唔會太咸太搶味，粉都算薄身又平均，兩個人好快清哂一碟🤟🏻▪️西蘭花炒花枝 （$78）份量都算多，西蘭花🥦好新鮮，花枝都薄身適中，咀嚼起黎唔會韌。▪️鱻潮雞煲 (半隻）$158揀咗麻中辣，雞煲醬整得好濃郁又惹味，麻味都好平均，就咁聞已經好香，雞塊醃得好入味，而且雞肉幾嫩滑。▪️手工特長魚皮 （+$1）呢個必點！只係加$1就有～～～真係勁長！高過支飲管！佢比起一般魚皮更脆卜卜，好香口，唔怕浸幾秒就好快淋。而且調味調得唔錯，唔會過咸，就咁食口感都幾好。

怕人多，提早慶祝父親節，本訂下沙田區一間很有名的火鍋店，可惜疫情就在這店附近。臨時上網才搵才找到這店，驚喜啊，有蟹宴，蟹火鍋，有雞煲，呢個係雞湯底啫，海鮮餐等等……最後揀左海鮮火鍋，每位計算，本來$250都啊算好平，但也不怉什麼期望，驚喜啊，每款都很用心準備，尤其手工魚皮，脆到我回味左成晚，牛肉，黑毛豬全部都唔錯，号外丸子全部有驚晒，當然海鮮每人一份，5款都可以，只係再加就要格外比錢啫，總之，都無咩叫佢有張60款任叫既菜單都飽左9成，值得再去。

前排已經食過呢間，朋友話想食有大排檔，我就帶佢試試呢間，係好食㗎！估唔到仲keep到水準呀！雖然呢到係大排檔，但係環境係好乾淨，又有冷氣，係幾舒服㗎。而且好多人，係信心保證，哈哈！得2個人，叫左兩個餸同啤酒。呢款係水煮魚，勁大碗。裡面除左魚仲有粉麵，再加碗飯都好夠飽。睇隻色就知有幾辣啦，夏天食食到流汗好爽，哈哈。另外叫左碟炒菜，真係好夠穫氣！炒蝦醬既菜係無得輸～再同友一人一枝青島啤酒，都係$25枝，都算平啊。

香港特色的大排檔，現在越嚟越罕有了，不過這個風味是我最喜愛的，今晚便來到沙田的屋村內，懐緬一下過去。大排檔內，正待播出賽馬實況，氣氛十足，又是大排檔內的另一種風格。抗疫套餐$128 ，包兩款小菜，另加粉面飯$48。生炒排骨，酸甜味道適中，如果肉的部份多一點更好。啫啫通菜煲，香氣四溢，內有蝦乾、肉碎和蒜頭，令到通菜變得一點都不簡單，是個人最喜歡的一道菜色。青島啤酒$25，冰凍的啤酒，在大排檔內吃飯必點的一道飲品。

朋友最近煩惱多多，想找我傾訴一番，我當然二話不說出來，朋友相約我去她家附近的鱻朝手工私房鍋吃晚飯，她覺得熟食市場吃飯，說話也能說得開懷些。沒來鱻朝手工私房鍋一段時間，沒想到這裡多了糖水，糕餅和熬製飲品售賣，對食客來說是一件好事，多了食物的選擇。天氣炎熱，我們最愛喝檸檬薏米水，薏米水呈現淡黃色，底層薏米挺有彈性，喝起來酸酸的，冰涼爽快又解渴。在等待小菜的時候，我們點了一份南瓜餅嚐嚐。喜歡南瓜餅的人，這裡的南瓜餅值得一試，餅體夠軟糯彈勁，咬在嘴裡會有淡淡的南瓜香。三色蒸水蛋上頭以青蔥點綴，黃澄澄的蒸水蛋淋上些許豉油，且用料不心軟，裡頭蘊含不少鹹蛋黃和皮蛋，多了幾分香氣。蒸水蛋滑溜無比，味道層次豐富，一碟水蛋吃到三種蛋滋味，相當耐吃。因為朋友嘴饞，所以想吃個咖哩海鮮炒飯。炒飯沾滿咖哩粉，香噴噴的，且飯粒粒分明，口口都是咖哩的惹味。炒飯使用大量海鮮拌炒，如蝦仁，魷魚，蟹柳等，整體好不下飯，不論風味或是配料均令人滿意。黑椒安格斯牛柳粒油脂香氣實在是太正點，完美的熟度，並以洋蔥，大蔥，紅椒，雜菌和黑椒汁爆香，好吃到讓人停不下來。這安格斯牛柳太軟嫩多汁吧，脂肪部份不令人討厭，濃郁的牛油香反而增添牛柳

抗疫要食得好依家安坐家中都食到💓美味雞煲同火鍋啦🤩·佢地推出左 $398 鱻潮雞煲餐🍜🐓2個人開心share，平均每人$100都唔洗，真係好抵食！·我揀左走麻走辣雞煲，雞煲份量有半隻咁多！火鍋配料相當豐富，包括牛頸脊、即炸嚮鈴4件、蟹肉蟹籽珍寶珠及福袋各2粒、我至愛既牛栢葉、台式蝦肉條、田園蔬菜盆及讚岐烏冬兩個🤤🤤·雞煲既份量都好多，雞肉嫩滑惹味，仲啖啖肉添😋 食完雞煲加入雞湯及白蘿蔔，搖身一變成為火鍋🍜 火鍋配料亦相當出色，牛頸脊肉味濃郁，顏色鮮嫩！ 🦀蟹肉蟹仔珍寶珠及福袋大大粒蟹仔食到索索聲，口感非常豐富😚 台式蝦肉條我係第一次食，原來口感係咁爽口Q彈，不錯的👍·總括而言，哩個雞煲火鍋套餐份量剛剛好，質素亦相當不錯，等遲啲疫情解封，約定大家一齊去分店再食過！

疫症期間，當然要盡量避免少出街，但日日食住家餸，總要換一換口味。剛巧有人推薦，沙田有一間鱻潮手工私房鍋，只要是同區就可以免運送費，速遞雞煲上門，所以決定嚐試。一個2-3人雞煲套餐，盛惠398元。除了有半隻雞煲，還有牛頸脊、魚皮、黑白墨魚磗、香莤墨丸、鴨血、蝦肉條及稻庭烏冬。雞煲選了少麻走辣，味道很適合不受辣，但又喜歡過雞煲癮的女友，肉質亦很嫩，不錯。其中一個亮點是炸魚皮，有兩大片，估計是用門鱔皮炮製，很酥脆，絶對是近年最好食的炸魚皮之一。其餘配料亦各有特色，質素不錯，絶對值得一試，份量足夠兩個人食，不失為疫症期間的一個好選擇 鱻潮手工私房鍋 (沙田)沙田博康邨熟食市場8號舖

哩兩星期真係完全無出過街有時自己煮，有時買外賣前排去買外賣料嚟打邊爐發覺Pack好晒4人料超方便今次見到有餐廳做雞煲外賣諗都無諗就嗌咗嗌咗小麻小辣外賣速遞到樓下好企理！配料嗌咗牛頸脊、蝦肉條、鴨血竟然有台灣鴨血😍😍蝦肉條有啲條魚皮餃，都係台式！食過牛頸脊唔想食肥牛😝😝丸類揀咗黑白墨魚磚，超彈牙嘅墨魚下面係黑臘腸，真係好夾，又入味！另一隻揀咗蟹肉蟹籽珍寶珠啖啖啖都係彈牙嘅蝦肉🤪最後我地嗌咗手工特長魚皮同即炸嚮鈴，第一次食咁長兼調咗味嘅魚皮我地臨尾啲汁濃稠之後先加魚超好味！！響鈴都係好大條 嗰啖油脂入口真係不得了蔬菜盆有白菜、油麥菜同生菜份量好多😂😂食菜都食到飽烏冬我地都係臨尾再食好入味☺☺完美收結

想食雞煲+打邊爐好耐，但無奈疫情關係，又唔想出去，出街人多最好都係唔好帶小朋友出去。咁就搵咗幾間有得外賣嘅餐廳啦，發現呢間就有免費速遞嘅，價錢都係四百蚊到。我就果斷訂咗雞煲套餐，連幾款打邊爐嘅配料，連一份牛肉，響鈴，墨丸，鴨血，蝦肉條，素菜盆，讚歧烏冬。每一樣都包裝得好好，排列都整齊，唔會有散或者爛嘅情況，每樣都保持到新鮮。配料就有多款可以自己揀。雞煲味道好惹味，住家飯食得多，好懷念街外嘅重口味，香辣可口，肉質又嫩滑。再配上打邊爐，大家都食得好滿足。