更多
2018-10-01
8295 瀏覽
放假又係食好西時候！熊妹呢幾日返工都唔係訓得好夠，總是攰攰的，窩心的熊大唔想熊妹舟車勞頓咁辛苦，特登走黎熊妹地頭同熊妹揾食🍽，錫錫！黎到熊妹地頭緊係熊妹帶路喇，點知今次竟然俾熊大捷足先登揾到好西門路🥣，熊妹遲左一步喇！主打新加坡馬來西亞菜餐館《蘇媽.蘇媽》呢排係深水埗區真係出名得幾誇張，時時刻刻都有人係門口排隊🚶🏻♂️🚶🏻♂️，咪話唔西利！熊大熊妹係門口都等左十分鐘度就入得。下午茶時段都人頭湧湧，全場滿座。裝潢以懷舊冰室為主題，以綠色的瓦磚配合懷舊花紋的地板，木餐椅木餐桌，有圓的有方型的，鋪滿整間餐館，只剩下中間窄窄的通道走動，正正符合冰室的經濟效益。牆上掛滿一個個木牌扁，用上不同的字型寫著各款美食飲料名稱，當裝飾之餘食客可以抬頭點餐，非常特別。熊大熊妹坐低就慢慢睇餐牌叫野食喇。餐牌有兩款，分別係有圖文並茂的彩色餐牌同可以畫圈點菜用已過膠的黑白文字餐牌，幾環保♻️喎！門口已經貼著告示指導飲肉骨茶4步曲。先混醬，後飲熱湯，再嚐肉骨點醬，最後再添熱湯，係無限添飲的。豐係蒜蓉，福係辣椒🌶️，齊來混醬吧！百吉爹肉骨菜（皇帝骨），$54新加坡菜必點的肉骨茶，熊妹揀了皇帝骨，貪佢夠大塊肉。一個飯碗般大
黎到熊妹地頭緊係熊妹帶路喇，點知今次竟然俾熊大捷足先登揾到好西門路🥣，熊妹遲左一步喇！
主打新加坡馬來西亞菜餐館《蘇媽.蘇媽》呢排係深水埗區真係出名得幾誇張，時時刻刻都有人係門口排隊🚶🏻♂️🚶🏻♂️，咪話唔西利！
熊大熊妹係門口都等左十分鐘度就入得。下午茶時段都人頭湧湧，全場滿座。裝潢以懷舊冰室為主題，以綠色的瓦磚配合懷舊花紋的地板，木餐椅木餐桌，有圓的有方型的，鋪滿整間餐館，只剩下中間窄窄的通道走動，正正符合冰室的經濟效益。
牆上掛滿一個個木牌扁，用上不同的字型寫著各款美食飲料名稱，當裝飾之餘食客可以抬頭點餐，非常特別。
熊大熊妹坐低就慢慢睇餐牌叫野食喇。餐牌有兩款，分別係有圖文並茂的彩色餐牌同可以畫圈點菜用已過膠的黑白文字餐牌，幾環保♻️喎！
門口已經貼著告示指導飲肉骨茶4步曲。先混醬，後飲熱湯，再嚐肉骨點醬，最後再添熱湯，係無限添飲的。
豐係蒜蓉，福係辣椒🌶️，齊來混醬吧！
百吉爹肉骨茶（皇帝骨）
$54
164 瀏覽
0 讚好
0 留言
新加坡菜必點的肉骨茶，熊妹揀了皇帝骨，貪佢夠大塊肉。一個飯碗般大的小小黑色瓦煲裝上3大塊皇帝骨，但一啲骨頭都無，簡單啲黎講只有豬肉。肉質都煮得淋，但有啲部位又有少少鞋，要浸返湯入面就無咁乾。肉骨茶即係濃味啲的排骨湯🍲，都多油下，又少了正宗肉骨茶的胡椒味，失望左啲。
椰香咖央多士
$22
211 瀏覽
0 讚好
0 留言
新加坡馬來西亞菜又點少得點咖央多士呢？熊妹曾經去新加坡時食過地道咖央多士，好鍾情咖央醬的味道，仲會買咖央醬返香港自己整多士食架。兩片簡單的白麵包🍞烘底，搽上薄薄一層的綠色咖央醬，就係著名的新加坡地道小吃。椰子味🥥唔算好香，咖央醬甜甜地，份量適中，多士脆脆，一開四份，方便客人分享。
椰漿飯
$15
177 瀏覽
0 讚好
0 留言
飯桶來了，有肉骨茶當然可以用來送飯喇。熊大好鐘意椰子🥥的香味，又一定要食米飯🍚，椰漿飯真係岩哂。馬來西亞式的椰漿飯係綠色的，熊大就好奇怪綠色的，熊妹就知道喇，好多時佢地的飲品菜式好似珍多冰等都會架啲色素顏色吸引啲。熊大話都幾重椰香味，一個飯碗份量剛剛好，食哂。
炸香蕉配雪糕（朱古力）
$48
134 瀏覽
2 讚好
0 留言
食完飯就到飯後甜品🍮。熊大見呢個炸香蕉🍌幾特別，一定要試下喎。有4條炸香蕉，配上可可朱古力波，同一球朱古力雪糕🍦，香蕉最夾配朱古力🍫。炸香蕉都算大條，係用春卷皮包起香蕉炸成的，但內裡的香蕉唔多，好細一片，熱的炸物配冷的冰淇淋，冰火交容，百感交集。
埋單$139，係好抵食的。熊妹肚仔飽飽濟濟，無咩點食，就係添飲左兩碗肉骨茶，熊大就咩都清哂。食黎食去都係西餐，閒時食下另類啲的異國菜，名堂就係咁一時冒起了！
張貼
