蘇媽.蘇媽馬來西亞茶餐室

營業中

休息中

今日我舆友人途經荃灣，又到了晚餐時間，在食肆林立的大壩街見到有間叫蘇媽蘇媽食馬來食品的餐廳，由於朋友平時都少光顧此類食肆，於是兩人入去試一吓。 店裏的面積雖小，但已見有很多食客在進餐，而且隔幾間舖位還有一間分舖，我想應該都有一定的捧場客吧。 今日點了一個仁當牛肉撈油麵和一個大雜錦。由於是馬來的食品所以先來一碗肉骨茶，肉骨茶其獨特的口味相當有特色，而且還可以無限加添十分不錯。 首先是仁當牛肉撈麵上枱，見到金黃黃的賣相，油麵底上面鋪滿了微辣咖哩的牛肉，再拌以蘿蔔和薯仔。牛肉炆得夠腍入口不會韌，蘿蔔蕃薯仔都同樣夠入味和腍;但最遺憾的是連油面都煮得太過腍了，失去了油麵應有的硬身咬口感，扣了分…… 到大雜錦上枱，果真是如其名整個㷛内全是肉的集合，而且分量更是不少。內裏計有一字骨、雞腳、豬手和腩肉，下面用豆腐卜墊底。豬手和腩肉等都已經炆得夠淋和入味， 一字骨肉質還算結實有咬口感，而雞腳就稍嫌未炆得到腍身，醮上酸甜汁來吃更加滋味。這個雜錦還跟有幾塊油條和響鈴，不過油條就不似廣東式的，有點似脆麻花的硬口感覺。 總括今次是都不錯的一餐，而且又沒有加一收費，性價比都相當高，下次還會來一試其他的食品。

6點幾唔係話好多人，經過就打算入去試下喊咗一個馬拉咖喱雞撈麵，望落去配搭左啲炸蒜同埋香蔥，好似份量都唔少。食落去薯仔同雞肉醃得好入味，有少少辣，但就好香好惹味，麵就冇話有咩特別。另外見佢推介，就喊咗一份椰香咖央多士，多士烘到香脆，中間既餡料適中，唔係薄薄一層，食落去甜甜地，但係個人就覺得冇乜特別，而且價格偏貴，下次唔會再試。

🇲🇾馬來西亞菜 🚹1-4人 💛——————🐻🐻‍❄️睇星馬飲食片睇到好肚餓🤣既然無得即刻飛去食🛫，唯有喺香港搵星馬菜餐廳醫肚🤣🍖馬拉沙爹串燒3串 (豬/牛/雞)3串 $48豬牛雞豬各叫咗一串。串燒沙爹醬多花生粒，食落甜味重🐻：雞肉最嫩、同醬最夾👍🏽豬比較有咬口、牛本身有少少肉味，所以豬牛食落就無雞肉咁驚喜百吉爹肉骨茶：豬腳彎$68肉骨茶熱辣辣，上到枱仲滾緊♨️湯嘅藥材味唔算濃，就算唔鍾意藥材味都接受到～肉本身只有淡淡肉骨茶嘅味道，餐廳有介紹用辣椒、蒜頭、黑醬油(海南雞鼓油)同頭抽撈埋整成醬，用嚟點肉就會更加惹味🤤不過豬皮部分就比較有咬口🍗辣死你嗎配烤雞髀$68斑斕飯有輕微椰汁香，飯本身偏軟爛。烤雞髀好大塊🍗，但本身好淡味，要點「辣死你嗎醬」🤣先有味，而醬偏辣🌶。另外有蝦片、魚乾、花生等配料，整體比較乾，叫埋飲品一齊食會好啲。如果唔鍾意食辣就建議叫其他，因為走醬食會更乾🙈🦖美碌恐龍$38美碌粉多到浮喺冰面，一杯美碌恐龍就可以上菜😝味道同一般茶餐廳美碌相似，正常發揮😬👍🏽🐻🐻‍❄️兩個小鳥胃叫咁嘅🫃份量🤰啱啱好～結論：肉骨茶值得encore，不過會想試吓其他腍啲嘅肉🐻🐻‍❄️：唔知大家有無推薦？😆

深水埗除了保留很多港式美食，大南街近年更變成文青區，開了很多咖啡店，各國特色美食在區內也開了不小。今天天氣冷，咖啡的熱力還不夠我取暖，想起基隆街有家馬拉茶室，來喝碗白骨地 （肉骨茶）暖一暖身☺️肉骨茶未到就先來一份椰香咖央多士（吐司），一口入滿滿的椰香味，吐司脆脆的但很乾，如果吐司再薄一半就可以解決乾的問題，又能更突岀咖央的味道。個人喜好，如果那片黃油再厚一點就更好😋。吃咖央吐司必配拉茶，茶味奶味配搭得剛剛好，第一口巨甜，再喝第二口又覺得得順滑。因為拉茶都是用煉奶的，所以怕甜的可以點小甜。來到今天的主角肉骨茶，點了三層肉略嫌肉比較柴，但湯底真的無可挑剔。馬拉肉骨茶藥材味會比較濃，喝下去感覺身體立即暖了☺️。很快的喝完一碗連飯都沒開始吃，免費添飲，再來一碗🥳。店員給我一直加都快滿了，我不說停她真的不停。又喝完一碗，鍋底還是熱的😁。喝完兩碗湯身體一天都是暖的。

肉骨茶是一道以豬骨熬煮而成的湯品，常見於新加坡、馬來西亞等地。它具有濃郁的香氣和獨特的口感，因此備受人喜愛。首先，肉骨茶的湯底通常是由豬骨熬煮數小時而成，因此湯底濃郁醇厚。煮熟的豬骨會釋放出豐富的骨髓和膠原蛋白，使得湯底呈現出濃郁的肉香味。這種味道不僅令人垂涎欲滴，還能讓人感覺到溫暖和滿足。其次，肉骨茶中的豬肉通常是選用豬腩肉或五花肉，因為這些部位的肉質更加嫩滑多汁。煮熟後，豬肉會變得非常鮮嫩，入口即化。肉骨茶中的豬肉與湯底的味道相互融合，使得整道菜品更加美味可口。此外，肉骨茶還常常加入一些香料和草藥，如黨參、當歸、川芎等，以增添風味和藥膳的功效。這些香料和草藥不僅能增添湯底的香氣，還有助於提升肉骨茶的營養價值。總的來說，肉骨茶是一道美味的湯品，具有濃郁的肉香味和獨特的口感。無論是冬天暖身，還是夏天消暑，都是非常受歡迎的一道菜品。無論是在新加坡、馬來西亞的街頭小攤，還是高檔餐廳，都能品嘗到地道的肉骨茶，咁啱我叫咗一杯係馬來西亞嘅口味

話說想食班蘭食品 ， 經過蘇媽就試下個班蘭椰絲卷啦～ 入到去就得一枱客，冷清清咁，諗住嗌個外賣應該都好快啦， 10分鐘過去...未有...向好方面諗...應該即炸..所以要啲時間架姐...再10分鐘過去...um...可能係即刻包？？唔緊要啦等多陣....5分鐘後...終於忍唔住要追問一下..職員回覆係‘‘差唔多架喇’’.....er....好啦....等到第28分鐘 .終於有喇， 可惜...滿心歡喜同期待 換黎一塊膠！ blacklist , thank you 🤝🏽

同平時一樣都係食我最鍾意嘅下午茶今次就嗌咗三份餐第一份就係多士小食下午茶我揀咗拼三串沙嗲小食加杯馬來西亞拉茶佢嘅咖央多相當之好食，上下兩層嘅麵包比佢哋烘到相當之鬆脆，脆到直頭好似搵油炸過咁樣，配搭埋入面甜甜地嘅咖央醬，絕對唔會輸蝕比香港嘅奶油多。至於串燒方面佢嘅沙嗲醬真係相當之好食，好食到我直頭問咗阿姐一句有冇得就咁買個醬拎走，佢同平時一般界外買嘅唔同，可以食得出佢用嘅配料相當豐富，令到個層次好複雜。第二份就係雞翼蛋淮山麵喺呢度可以同大家講雞翼絕對唔係主角，佢個淮山麵相當之彈牙，唔會好淋，配合埋個佢個蝦湯底，每一啖都好似食緊蝦頭，每一啖都有蝦嘅精華喺度第三份就係最基本嘅百吉爹肉骨茶 - 三層肉食過咁多間肉骨茶呢一間始終係最出色最出色嘅一間。唔單止茶味香濃，有藥膳嘅感覺。單單係佢嘅汁已經可以送到幾碗飯。呢度仲要有個好處可以俾你無限添飲。而佢每一舊肉都相當之入味，但又唔會煮得太老、太硬。雖然未去到入口即化嘅感覺，但以佢嘅味道來講已經係相當之出色。

蘇媽馬來西亞茶餐室☕位於香港深水埗區🍴，一直以來都以其正宗的馬來西亞美食而聞名。無論是當地居民還是遠道而來的食客，都愛來這裡品味那獨特的肉骨茶和馬來西亞茶餐美食🍽️。蘇媽茶餐室最受歡迎的招牌美食之一當屬肉骨茶。它的風味獨特, 食客都一致稱讚蘇媽的肉骨茶風味獨特👅。這道湯品融合了香港和馬來西亞的風味，具有濃郁的香料和香草香氣。👍👍👍肉骨茶湯底通常由豬骨熬製而成，搭配各種香料如八角、丁香和肉桂，味道濃郁而美味。今次新裝修之後第一次來到, 肉質仍舊鮮嫩，蘇媽的肉骨茶中的肉質非常鮮嫩。經過長時間的燉煮，肉片和骨頭之間的肉質融合，讓每一口都充滿了風味🔥。而且它的湯底濃郁, 這裡出名的肉骨茶湯底🥄被讚譽為濃郁且具有層次感👅。食客可以品嚐到各種香料的風味，同時還能感受到肉的甜美。除了肉骨茶湯底，蘇媽的肉骨茶套餐還包括配菜，如油條🥢、白飯和豆腐。這些配菜與肉骨茶湯相輔相成，增添了整體的美味。 今次我同樣點了肉骨茶套餐口味仍舊出色!!🥄👅肉骨茶的相關知識👅肉骨茶是馬來西亞的經典美食之一，起源於中國福建地區，後來傳入馬來西亞，成為當地特色。🍽️ 肉骨茶的湯底通常由豬骨和各種香料熬製而成。香料包括八角、肉桂、丁

現時擁有5間分店的「蘇媽、蘇媽」是最早進駐深水埗的少數馬來食店之一。經營多年後，食物慢慢獲得大眾欣賞。其後，在一街之隔出現另一間馬來食店「捌哥、捌哥」。無論在裝修、食物都極為接近，令人誤會是同一個連鎖餐廳。在OpenRice的食評中，椰香咖央多士是最多食家讚賞，當然要試一試😄，而細肉骨茶一字骨也是最感興趣的，飲品是熱檸檬薏米水和熱怡保白咖啡。椰香咖央多士的賣相非常吸引，烘焙多士中間一層草綠色的咖央醬，多士面有少少燶，恰到好處。多士是分開4分，拿起其中之一分時感覺得有點厚。正想放入口，發覺要再將口張開一些，才可入口。脆脆加上厚身的口感，特別。這個優點也是缺點，因為咀嚼時口腔需要比平時張得大，牙鉸有點攰。肉骨茶藥味濃，兩條一字骨加6個豆卜，還有少量金菇，可以加多些伴菜，提升滿足感。一字骨肉質很硬，用盡牙力才能夠咬幾口，咀嚼幾次後，放棄😩熱檸檬薏米水（少甜）仍覺超甜，而且非常酸，唉😔，熱怡保白咖啡算是滿意，苦味可以接受，但無特別之處。

深水埗間蘇媽幾年之間開咗幾間分店, 價錢愈食愈貴, 但都冇阻我間唔中返啅返佢～肉骨茶一定要堂食，因為可以無限添飲，同自己調製辣椒黑醬油。每次都會叫豬腳灣，半肥瘦，份量啱啱好。 最好加埋油炸鬼，索埋啲肉骨茶。辣死你媽椰漿飯個咖哩雞肉好入味，不過真係好辣。 福建蝦麵個蝦湯底超濃郁 ，係我嘅最愛！ 馬來西亞拉茶就偏甜，話梅柑桔水都係，飲落好似好濃縮嘅柑桔汁。如果咖央多士可以加塊鮮油就更加好。耐冇食間唔中食一兩次還可，因為價錢越嚟越貴了。

.#foodie #hk #hkfoodie #HTB美食推介【深水埗任添肉骨茶🍖｜馬來西亞風味茶餐室】🐨椰香咖央多士 $35推薦度：⭐️⭐️⭐️⭐️⭐️必食推介，小編每次黎都必叫嘅～係烘脆咗嘅多士入面夾住厚厚啲牛油同咖央醬，香味十足，真係好好食😍🥰影相影耐咗，職員仲會提襯熱食，費事放耐咗會唔脆添。.🐨招牌砂鍋老鼠粉 $92推薦度：⭐⭐️️⭐️⭐️⭐️️️️️️️️️️砂鍋上熱哄哄嘅，入面夠足料，有魚仔、肉碎、辣椒等，撈埋銀針粉食都好惹味😋.🐨辣死你嗎配仁噹牛肉 $58推薦度：⭐️⭐️⭐️由於飯係用椰奶蒸煮而成，太軟食唔到一粒粒嘅口感，咖喱汁就偏辛辣，有少少搶味...不過應該岩鍾意食辣嘅朋友，同埋佢牛肉味都好濃，仲有花生、蝦餅等增添爽脆感🥜.🐨棒棒骨肉骨茶 $84推薦度：⭐️⭐️⭐️️️️️️️️️️️⭐️肉骨茶好濃郁，可以做到暖胃作用。而且肉味同藥材互相平衡，仲可以無限添飲，令到小編杯奶茶都冇飲過🫣🫣-----☼-----☼-----☼-----☼-----☼-----蘇媽．蘇媽馬來西亞茶餐室 (深水埗) @semuasemuahkg📍地址：深水埗基隆街251號地下🐨推薦度：😋😋😋😋😋/5💰人均價格：$100-150📸打卡度：💡💡/5🛠️分類：#HTB深水

上星期同朋友嚟咗深水埗嘅蘇媽蘇媽食，之前都聽過呢間食馬來西亞野嘅餐廳，好有特色，畢竟香港嘅馬來西亞餐廳唔多～辣死你嗎配參巴魷魚怕辣嘅我專登問咗職員，佢話啲辣醬喺隔籬，可以選擇撈唔撈，不過嚟到之後，就升無撈辣醬我覺得都係有啲辣⋯⋯不過辣還辣，係惹味嘅，飯就唔太重椰漿味，可以再重啲，魷魚爽，但份量可以多啲。招牌老鼠粉好好食，勁香！每啖都食到好多唔同配料，而且份量好足，食完超飽。另外叫咗個用蜆整嘅小食，名唔記得左，但啲蜆隻隻都好肥美新鮮，鮮甜！配埋佢地特製嘅醬好香好甜，超好食呀！價錢偏貴，不過味道絕對唔差，仲好有特色！

前幾日失驚無神想飲肉骨茶，就試吓用新嘅外賣平台，因為頭一次有$50優惠，就即管試吓。外賣方面，包裝送遞速度完全沒有問題，大熱天時，真係辛苦晒。因為唔想食豬肉，所以叫咗肉骨茶雞腳，肉骨茶豆卜金菇，飲落個湯一定係有肉嘅好味啲，層次複雜濃厚啲。而金菇豆卜就勝在清清地。雞腳大大隻，食落竟然有雞味有鮮味，配埋個豉油好香，蒜味香料味辣味，點咗味道即刻提升。食肉骨茶，又點可以冇油炸鬼呢？索晒肉骨茶嘅油炸鬼冇得輸。怡寶寶芽菜都唔錯，不過唔夠肥嘟嘟，個人覺得捌哥捌哥好食啲。整體保持水準，好滿足，不過咁嘅天時食，第二日起身，的確係有啲熱氣。

約左朋友去深水埗呢頭附近食飯，咁見蘇媽蘇媽唔使等可以直入我地就簡左佢。我地叫咗幾個照牌菜。分別係肉骨茶，斑斕多士同埋煲仔老鼠粉，諗住第一次黎試曬d照牌菜佢🥴如果叫咗肉骨茶嘅話呢佢會另外浸湯俾你飲，飲完可以再叫佢加湯。老鼠粉呢其實就同我哋狗仔粉差唔多，特別係啲肉碎比較香啲調味料比較香咁樣樣。多士整到好香脆嘅入口都幾香口2個人食就啱啱好。肉骨茶叫左百搭所以咩餸都有d，又有雞腳啦五花腩啦豬腳啦一字骨啦各樣嘅肉都有d。另外佢仲跟咗油炸鬼送，我自己就比較鍾意食五花腩因為啖啖肉😋整體來講，味道唔錯正常發揮👍🏻👍🏻

一直想試呢間餐廳好耐 不過到宜家先試到蘇媽·蘇媽！期待左咁耐先食到 果然冇令我失望😆🤍椰香咖央多士 $38咖央甜度適中而且椰香味好重 配埋烤得好脆嘅多士真係一流！食完好多叫多份食🥹🍞💚辣死你嗎配參巴魷魚 $81呢個飯除左個名勁 個顏色都好吸睛！唔洗驚 雖然個飯係綠色嘅 不過食落就冇咩特別😂😂而且都幾足料 有魷魚、魚乾仔、花生、蝦片同埋蛋 魷魚亦都好彈牙 加埋魚乾仔好好餸飯😆馬拉咖哩雞翼鎚撈麵 $67咖哩雞翼鎚同埋薯仔都好入味 薯仔仲好淋添🤍麵質軟硬適中👍🏼不過都有啲辣 如果唔食得辣嘅foodie就要注意下～檳城福建蝦麵 $63因為睇左I told sunset about you係咁睇住BKPP佢地食福建麵 搞到我一直想試福建麵好耐！！！所以一見到menu有就即刻叫左😂😂麵煮得軟硬適中 而且除左蝦 仲有五花肉、魚片同埋蛋另外湯底好濃蝦味 我呢個食蝦狂人超中意🥹👍🏼👍🏼(˶‾᷄ ⁻̫ ‾᷅˵)砂煲老鼠粉 $105一開頭仲諗緊咩係老鼠粉 原來係銀針粉🤣老鼠粉好入味！！而且面頭有窩蛋、炸蒜、肉碎同埋魚乾仔增添左唔同口感🥰不過會好似煲仔飯咁 有少少黐底～*溫馨提示：呢個真係好大煲！份量好多！叫呢個嘅