亞蘇爾 (形點) (已結業)

曾幾何時，每個月都會幫襯亞蘇爾最少2次以上，無論係堂食或經OpenRice外賣自取都好，我同家人都會期待下次再幫襯。記得疫情嚴峻的時候，亞蘇爾有一段時間需要暫停營業。由嗰刻起，我同家人亦轉往其他繼續營業的餐廳，就算恢復營業後，都甚少幫襯。今日星期日，同家人出去買嘢前，特別先到Yoho Mall亞蘇爾幫襯午餐。菜式的選擇較過往少咗好多，另外，我地到達餐廳的時間為下午2點半至3點，當時亦無任何下午茶的選擇。最後我地揀咗2款澳門豬扒包，加咗個馬介休炒椰菜，及一杯飲品。經典豬扒包及葡國腸松露芝士豬扒包，份量都好足夠，豬扒都夠晒大塊，加埋蕃茄生菜，而豬仔包亦好夠脆，而伴菜薯角亦都好味。馬介休炒椰菜，本身呢道菜的馬介休魚係有小小咸，整體夠香亦美味。雖然食品選擇少咗，不過食物的味道及質素保持，希望亞蘇爾可以慢慢加強食物的選擇。