今年的周年紀念晚餐決定試下位於元朗富達廣場的Chef's Stage Kitchen。 訂枱及上網揾menu遇到小小問題，FB揾唔到menu，打去訂位問原來IG有full set menu。但無論於FB或IG查詢，都係無回覆，呢方面相信餐廳係可以做得更加好。 至於晚餐當晚，整體的體驗係滿意的，我地點咗個2人餐，然後再加咗個藍青口頭盤，主菜方面就upgrade要12oz US ribeye。 黑松露磨菇湯都算香濃 煎帶子煙三文魚OK 藍青口肉質較細，味道OK Main course: Ribeye要medium well, 肉質都算夠嫩，12oz份量滿足 Main course: 鮮藍蟹肉露筍risotto, 陣陣香味撲鼻，份量亦OK 正價叫甜品，餐廳可因應要求而準備朱古力慶祝句語於碟上，整得好靚。甜品的質素都算OK。 餐廳整體的服務亦滿意，我訂枱時有註明2人再加1架BB車，而餐廳亦預留一個較為寬敞的位置。另外，上菜時間方面亦算用心。 對於晚餐整體的體驗係滿意，會繼續支持！ 希望餐廳於social media方面的溝通會做得更加完善。 備註：周末務必訂枱

今次自己係第二次幫襯海景，當然其他長輩過往已經幫襯過好多次。 過往入流浮山長輩通常會選擇另一間，不過呢排長輩偏向想食海景。 一行12人，食材方面，魚，龍蝦，蟹，瀬尿蝦及蝦係自帶外，其餘於酒樓直接點。 本身自己對海鮮一般，而根據眾人的意見，食物美味，份量都算合理。 龍蝦3隻，12人分享都尚算足夠。 瀬尿蝦雖然並唔係大隻，但十分新鮮。 今次的金蠔好大隻，好味。 唯獨是蟹的質素一般，新鮮程度麻麻。 值得一提，非海鮮類食物的品質，例如生炒骨，炒飯亦屬滿意。 服務方面今次較為OK。 價錢方面，12個人份量，包括自帶及直接酒樓點，大約4000，大家都認為係合理，性價比唔錯。

星期六下午4點同太太及BB幫襯，雖然並非繁忙時間，但餐廳都係擠迫。 太太食魚介豚肉拉麵，我食石燒牛油玉子豚角飯，另外再加玉子，煎餃子，及2件炸雞。 拉麵的麵質一般，較淋及稍欠彈性。麵湯唔會太咸，都算夠香。拉麵並非風雲丸的主打，較為一般。 我的玉子豚角飯，一來份量較少，對於男士來講應該唔夠。豚角亦只約有4 - 5件，份量方面可以豐富啲。 其餘餃子太淋，口感普通。 炸雞同樣太淋，如果可以質感脆啲會較好。 職員服務方面OK，主動幫我地安置BB車。 環境真係太迫，下次帶BB要揾空間多啲嘅

今晚同太太幾位朋友晚飯，慶祝生日。 朋友選擇粵軒，坦白講，平時真係好少幫襯。7點到達時基本上已經full house, 雖然係星期六，但今時今日未必可以有好多餐廳可以做到。 陳村粉焗龍蝦煲，色香味俱全。 蜜汁叉燒，半肥瘦，肉質鬆軟而有口感。 椒鹽焗肉排，較為一般，肉質相對較韌。 竹笙上素，蔬菜的比例可以多啲。 瑤柱蛋白炒飯，炒得好香，瑤柱的香味出晒來，如果可以少啲油就好。 壽包如果可以大隻啲就好。 免費的陳皮紅豆沙都绝不馬虎。 如果菜色的份量可以略為增加少許，賣相及性價比會更好。 職員的服務主動殷勤，滿意！

今次的百日晚宴，合共有5圍，食品方面整體其實不錯，唯獨炆伊麵過咸，有啲可惜。 場地環境都算滿意，雖然空間並唔算太大，但勝在擺到5圍後仲放到6枱麻雀。 服務整體不過不失，負責的幾位職員都算有禮。 不過，我地本身係每圍額外加多1人份量，但到第三度菜發覺並無加到份量，即時向職員反映後，廚房亦即刻改番。 另一方面，我地有啲特別要求 (例如要一張放蛋糕枱 / 想安排開席前切蛋糕)，回應或行動就較為慢。 整體如果以晚宴的評分，我認為係合格。

午飯時間，同老婆，姨姐及老婆的好友於中環食飯。 姨姐於中環返工，所以由佢提議食Kikusan。 初時見到個餐廳名，仲以為係日式餐廳，後來見到menu先知原來係中菜crossover日本菜。 位於中環Landmark內，價錢就預咗會較為高，不過Kikusan的CP值確實係高，收費合理及滿意。 食物方面，無論前菜及主菜都好好味，份量亦夠。 當中以苦瓜炒豚肉，Iberico叉燒蛋飯，炒椰菜花較為特別。 服務OK但並無特別。 環境舒適，空間足夠。

平時入流浮山通常都係食海鮮，今日舅仔話帶路入來飲茶。 原來皇庭的位置係較為自成一角，有別於其他海鮮酒家。 酒樓外面有足夠的泊車位，對駕車人士好方便。 由於有差唔多10個人，酒樓安排我地到較僻靜的位置。 食物方面，點心的選擇，味道及份量都算唔錯。 雖然並無個別一款食品特別吸引，不過整體都滿意。 服務方面，啲姨姨都好helpful，留意到我地有需要幫手都主動。 環境舒適，枱與枱之間都有足夠的空間。唔嫌太遠都算係一個飲茶的好地方。

今晚一家三口加埋姨姐到尖東欣賞燈飾，順道食埋晚飯再返屋企。 現時夜晚大約9點要揾餐廳其實唔係咁容易，因好多餐廳都定於10點關門，即last order或早於9點截單。 最後我地揾到位於尖東海邊的Namo Avant，如果坐露天座位可以欣賞維港夜景。 職員雖然大部分外藉，但相信居港已有不短時間，所以廣東話絕對無問題，整體helpful. 食物質素滿意，份量係較為小，所以可能要點多幾款。 價錢方面，當考慮到餐廳地理，食物品質等，都算合理。

都有一段時間無幫襯過芭堤雅。 今日放半日，坐車返元朗途中就已經用外賣平台落定order自取。 到達後喺正門問職員，門口的姨姨叫我行過去後門嗰邊度，感覺唔係咁好。反而入到去另一位後生的就好好多，挽回唔少分數。 泰國船河配海南雞 雞的份量都幾多，個湯亦唔算太咸，河粉OK，烹調得啱啱好。 泰式乾炒肉片河粉 打開的時候，仲以為份量好似唔夠，食落都啱啱好。 河粉的口感唔錯，肉片厚度適中。 馬拉盞炒通菜OK 整體食物美味，份量亦算滿意。

今日放工約咗老婆於尖沙咀會合lunch。 其實10月黃金週喺尖沙咀要揾個地方，舒舒服服食嘢絕對唔容易。 俾我喺Google Map揾到平和拉麵，趁老婆未到有時間行過去睇下。雖然麵家地方唔大，但環境舒服，就決定幫襯支持下！ 老婆叫咗黑蒜油赤味噌拉麵，麵湯香味濃郁。 我就叫咗醬油拉麵，試一啖湯都算幾清香，我另外追加一份麵後上。 小食網餃子口感唔錯，香味撲鼻。 炒筍的醬汁幾啱我口味。 小店人手唔多，服務方面亦算用心。 我地於非午餐繁忙時間幫襯，食到中途係滿座。 小店要加油💪💪