影片
更多
2017-03-09
1131 瀏覽
甫走入「會所一號」就知係專搞婚宴！主色係Frozen 公主的Tiffany blue，又有花花、燭台、貝殼等瑰麗優雅的擺設，都是女孩子大愛的夢幻裝瑝。餐廳的地方不大，然而，枱與枱之間都闊落，座位舒適，好適合一家老少。餐廳中午12時開始營業，我們是頭一批食客！我安頓好2個小B，就馬上叫嘢食。等嘅時候就四圍參觀和影相。小Bs同太陽伯伯好Friend，2個直奔戶外地方-大露台，大到可以有Backdrop，幾張戶外用的茶几及椅子。小孩可以跑跳一陣子也不影響其他人，蠻好！影完相，玩完一輪，過左超過30分鐘都未有嘢食。和店員反映一下，他們都很有禮貌地説去跟進。最後，要再過15分鐘先有第一碟㸃心。幸好，之後的㸃心都陸續送上，安撫了雷鳴的肚子！冷盤小食橙冬瓜 - 圓圓的冬瓜波波，有36mm車厘子般大，浸在橙汁裡也染成了橙色，看上去似生日蛋糕上的哈蜜瓜波！食落冰涼，冬瓜不似慣常的冬瓜被煮淋，感覺真的似哈蜜瓜，只是換成橙味矣已！甜甜地，似食水果，幾好味，直覺認為應加一球雪糕或涼粉襯底😜咸㸃色色蝦條 - 服務員拿著銀色的調酒杯走到我們的枱邊，介紹完這是「色色蝦條」，就好似食M記Shake Shake 薯條咁
餐廳中午12時開始營業，我們是頭一批食客！我安頓好2個小B，就馬上叫嘢食。等嘅時候就四圍參觀和影相。小Bs同太陽伯伯好Friend，2個直奔戶外地方-大露台，大到可以有Backdrop，幾張戶外用的茶几及椅子。小孩可以跑跳一陣子也不影響其他人，蠻好！影完相，玩完一輪，過左超過30分鐘都未有嘢食。和店員反映一下，他們都很有禮貌地説去跟進。最後，要再過15分鐘先有第一碟㸃心。幸好，之後的㸃心都陸續送上，安撫了雷鳴的肚子！
冷盤小食
橙冬瓜 - 圓圓的冬瓜波波，有36mm車厘子般大，浸在橙汁裡也染成了橙色，看上去似生日蛋糕上的哈蜜瓜波！食落冰涼，冬瓜不似慣常的冬瓜被煮淋，感覺真的似哈蜜瓜，只是換成橙味矣已！甜甜地，似食水果，幾好味，直覺認為應加一球雪糕或涼粉襯底😜
咸㸃
色色蝦條 - 服務員拿著銀色的調酒杯走到我們的枱邊，介紹完這是「色色蝦條」，就好似食M記Shake Shake 薯條咁上下上下Chok個杯。內裡其實係蝦膠春卷，約8－9條，每條有手指般粗幼長短。春卷外皮卜脆，shake shake 完沾了紫菜碎更加惹味，而蝦膠都香囗彈牙，加埋係食客面前表演shake shake，小朋友尤其興奮，好睇好食。
有排餃 - 係4粒蝦餃加配不同裝飾，如黑松露、三文魚子等。4款餃的味道差不多，而饀料略嫌鬆散。本人就較喜歡傳統脹卜卜，大大隻的蝦餃。真的假不了 • 假的真不了 - 好有綽頭的點心名！其實係山竹牛肉和义燒包。义燒包的外皮是黑白花斑，好似雲石咁，除此之外，就跟一般义燒包無異，冇乜特別。「真的假不了」就有啲特色，牛肉球中央藏了一粒牛柳粒，味道不俗，但感覺還是花臣居多😝
白裡透紅 - 即鮮竹卷，蛋白茄汁底。賣相精緻，味道合乎與期。
主食全部都係雞 - 金字塔形的糯米雞。有別於一般的做法，這個糯米雞係一層飯一層餸，又再一層飯一層餸咁疊上去。另配一小樽汁醬on side，要唔要汁，要幾多汁，你有得揀！唔淋汁食一啖，飯係軟滑的，餡料的汁稀稠適中，甜甜地，又有啲咸香，唔錯！又淋汁試吓。小樽內的汁和餡料的汁是相同的。加左汁食固然更濕潤滑溜，加倍好味！
貴花蟹肉炒粉絲 - 全餐最好味的菜式！粉絲炒得乾爽，其他配料如：蟹肉芽菜等份量恰到好處。調味又濃淡得宜，好想Encore！2個小朋友唔洗叫都食左2碗，味道可想而知。
原個芝士南瓜飯 - 另一精緻出品。將整個南瓜𢱑空，盛了海鮮芝士焗飯。焗飯似西式煮法，味道達標，南瓜肉才是重點，非常香甜！
甜點 - 青頭仔 · 紅豬豬 - 為2個小B而設的！好似三眼仔嘅奶皇包和箭豬形的豆沙包。造型有趣，逗得大人細路都好開心！奶皇饀和豆沙饀幼滑，好味😋
總結 - 食吓傾吓玩吓，不經不覺就過左3小時。餐廳的環境一流，座位寛濶，枱與枱之間有充足的空位，既不會太嘈，又不怕自己的小孩會容易碰撞到其他食客而不便（這是很多家長的煩惱😔)。食物質素中上，可以感受到廚師的心思設計。加上店員服務友善，值得Encore!!
張貼
