焱丸水產

焱丸水產主打浜燒海鮮，走日式居酒屋風格，木質裝修格調，牆上貼滿懷舊海報，營造出放鬆嘅氛圍，好適合三五知己聚會吹水⋯黑松露蟹肉甲羅燒甲羅燒絕對係必食之選，蟹蓋內放上松葉蟹肉、蟹膏、三文魚子，再加入鵪鶉蛋拌勻，鮮味十足，好食到停唔到口。鮑魚殼燒南非鮑魚非常新鮮，而且都幾大隻！肉質厚實彈牙，唔需要添加任何調味料，食出鮑魚鮮味！清酒煮白蛤鍋新鮮嘅白蛤，配搭清酒，淡淡嘅酒香，清甜鮮味嘅湯，真係好好食！鹽燒三文魚鮫魚皮燒得脆脆，肉質軟嫩，而且一啲都唔腥，魚油甘香，口感層次非常豐富。焱丸號壽司呢個壽司真係好surprise，有多款材料，包括海膽、三文魚籽、呑拿魚蓉、蟹肉、帆立貝。每件都誠意十足，值得一試！本鰭（吞拿魚）盛合結合不同部位/食法，可以一次過品嚐6種不同口感⋯其中最特別係腦天，腦天係吞拿魚頭部嘅肉，口感嫩滑，魚味極濃，同平時食開嘅吞拿魚截然不同！呢個部位好少喺日本餐廳搵到，真係一試難忘⋯總括嚟講，無論環境、服務、食物都非常滿意，估唔到喺香港都可以食到咁新鮮嘅食材，下次同朋友食飯又多一個聚腳點⋯