影片
更多
2021-10-23
148 瀏覽
前排心血來潮突然間想食韓國嘢，所以就book咗呢一間幾出名嘅真。韓國餐廳嚟試一試🙌🏻 入到去我哋被安排坐喺好得意嘅書枱位置，有盞書枱燈，前面黐住好多好得意、幾玩味嘅卡紙/人像圖，枱上面放咗啲公仔同埋一個迷你課室模型，第一次出街食飯坐呢啲咁得意嘅位，都幾特別，好似返咗去學生時代咁🙆🏻♀️聞說佢嘅炸雞都幾出名下，所以叫咗半份炸雞嚟試吓。炸雞外皮炸得非常香脆，唔會好多油，夠乾身👍🏻 上面加咗蜜糖粉末，甜甜地，加上雞肉極其嫩滑，又夠juicy，真係幾唔錯😳 不過佢啲雞件都幾大舊下，食起上嚟有少少唔方便🤭另外店員亦都推介咗韓國幾出名嘅Teppan，佢有好多款唔同嘅肉揀，由於我哋唔太食得辣嘅關係，我就揀咗呢一款秘製燉雞🐥 原來佢入面都有好多配菜，有煙煙韌韌嘅冬粉同埋少少韓式年糕，成個醬汁帶甜味，而雞肉好大舊，但稍嫌煮得太耐，唔夠嫩滑。但整體個味道都唔錯，特別係個年糕同冬粉，超入味😋之後我哋亦都問咗店員有冇其他特別嘅推介，佢就介紹咗呢一個勁道麵🤨 呢個麵好特別，未聽過，亦都未食過🤣 上到嚟，幾乎係同圖片嘅係一樣，中間嗰隻係勁大隻炸魷魚，上面有好多芝士覆蓋晒整隻魷魚😝 店員之後會喺你面前用鉸剪幫你剪開
蜂蜜黃油炸雞
$130
13 瀏覽
0 讚好
0 留言
鐵板秘製調味燉雞
$228
4 瀏覽
0 讚好
0 留言
炸魷魚勁道麵
$158
5 瀏覽
0 讚好
0 留言
柚子鮮果米酒
$78
2 瀏覽
0 讚好
0 留言
水蜜桃碳酸水
$56
5 瀏覽
0 讚好
0 留言
總括而言，呢間餐不論嘢食同環境都幾唔錯，特別係佢啲超地道韓國嘢食，例如勁道麵，真係喺香港咁耐第一次食🙈 環境裝修得好靚，佢既二人位有唔同嘅主題，我哋今次就坐咗喺校園風嘅座位，感覺自己即刻young咗咁🤪
張貼
