一直都bookmark咗好耐呢間餐廳，事關佢個環境真係好浪漫，除咗每個位隔離有水母可以一邊食飯一邊欣賞之外，仲可以行入啲參觀大啲嘅水母館，成件事勁夢幻🥰 🌟 ARCTIC SET $488/位 我同男友分別嗌咗個set同啲a la carte，即刻睇下我哋嗌咗啲咩👇🏻 ✨ 芝士番茄田園沙律 呢個沙律食落好新鮮，以去皮番茄仔、無花果、芝士同沙律菜組成，加上黑醋點綴，令沙律味道更加豐富，清新又開胃。 ✨ 蟹肉龍蝦湯 以四小時熬製嘅超濃郁龍蝦湯，湯底濃郁鮮甜，蟹肉同龍蝦湯味道好夾，仲配上意大利香草包，包身鬆軟，點湯一齊食增添口感同層次☺️ ✨ 軟殼蟹意大利飯 一上到嚟我哋都嚇親，冇諗過佢嘅軟殼蟹咁大份🤤 軟殼蟹少有地炸得好香脆，配上意大利飯好開胃，入面仲加咗唔少西芹粒，另個飯食落更香，不過唔食西芹嘅朋友仔就要小心嗌啦🤪 ✨ 精選甜品 另外，個餐仲包咗精選甜品，今次嘅甜品係咖啡奶凍，賣相好靚，咖啡同奶味混合得剛剛好，唔錯！ 🌟 香煎法式鵝肝配紅莓醬 $188 除咗個set之外，我哋另外嗌咗鵝肝做appitezer，呢個價錢嚟講有少少貴，不過好彩都非常好食，鵝肝煎得啱啱好，外脆內軟。紅莓醬嘅酸甜味同鵝肝嘅濃郁相輔相成，非常夾🤤 🌟 香煎比目魚配法式雜菜 $298 比目魚外層煎得金黃酥脆，魚肉超級鮮嫩。配上煎到超脆嘅魚皮一齊食，超級好食😋 法式雜菜平時較少食，全部都好新鮮，同魚肉搭配得恰到好處，好滿意👍🏻

前幾日同姐妹去咗位於海港城嘅靚靚泰國餐廳食晚飯，呢間泰菜出咗名打卡一流📸 餐廳內有一個好靚嘅千秋位比人坐上去打卡😍 另外，如果被安排坐窗邊嘅話，仲可以睇到出面嘅海景添，下次要日頭再嚟望真啲個海先得😌

✨ 炸蝦片

呢個係開胃小食嚟，每枱都會有一客，炸蝦片炸得好香脆，食落蝦味濃郁，外層炸得金黃酥脆，非常惹味！


✨ 泰式椰子雞湯 $128

椰子雞湯係呢度嘅熱門菜，飲落椰香濃郁，雞肉煮得啱啱好，肉質鮮嫩，而且份量夠哂多！湯入面仲有一啲泰國香料嘅香氣，令成煲湯味道更加有層次，冬天飲一流，超暖胃🤤


✨ 黃咖喱珍寶蟹肉 配蒜蓉包 $328

呢道菜性價比唔算高，但勝在蟹肉非常多，肉質鮮甜軟嫩，配上濃郁嘅黃咖喱汁，甜甜哋又幾開胃！而蒜蓉包都幾多，每塊都好脆，點上黃咖喱汁一齊食，更加正！😚


✨ 印度薄餅 $40

見到份黃咖喱都幾大份，所以都嗌咗薄餅一齊點嚟食，薄餅好酥脆，一定要趁熱食先好味🤤


✨ 泰式炒通菜 $88

炒通菜炒得好爽口，通菜保持咗蔬菜嘅脆度，食起上嚟辣辣哋，越食越惹味！


✨ 烤杏仁泰式奶茶 $50

烤杏仁泰式奶茶飲落有濃濃嘅茶香同香濃嘅杏仁牛奶味，飲落仲有烤杏仁嘅香氣，甜度適中，非常唔錯！

新年快樂🧧🥳 今次同大家分享下尖沙咀一間新開嘅潮州菜館，裏面嘅裝潢非常新潮，竟然潮州菜餐廳會有吧枱比人坐🤣 而環境寬敞，坐得好舒服，啱晒一大班朋友嚟食飯聚舊兼吹水😌

🔸 瑰荔堂皇 $38/位

呢款茶係由荔枝同玫瑰組成，飲落有淡淡嘅荔枝香，玫瑰花味就較重，係一款相當解膩嘅花茶😌 仲有個火爐喺下面暖住啲茶，好貼心！

🔸 獅頭鵝件 $298

獅頭鵝眾所週知都係較肥美嘅，食落肉質好嫩滑，鵝油好香，加上餐廳嘅秘製滷水汁，令鵝件食落非常入味😝 仲有啲滷豆腐墊底，同樣好入味！

🔸 碧綠川椒雞 $188

呢款川椒雞雞肉嫩滑，而味道夠哂惹味，食落辣得嚟有少少麻，嗜辣人士食就啱哂，絕對係開胃小菜嘅不二之選！

🔸 鹹菜豬肚湯 $138

鹹菜豬肚本身就已經係perfect match，再加上非常重嘅胡椒調味，個湯飲落熱辣辣，非常暖胃！而豬肚嘅份量都幾多，食落得好軟腍，唔會過韌😌

🔸 酥炸鮮蟲草花

冇諗過潮州菜有得食炸蟲草花，呢道小食竟然令我最驚喜🥰 餐廳將蟲草花炸到口感好酥脆，而且落咗啲淮鹽調味，越食越滋味！

🔸 濃湯蠔仔肉碎泡飯 $168

雖然呢個泡飯係嗌例牌，但份量都唔少，絕對夠四個人食🤣 啲料嘅份量非常多，蠔仔每粒都幾鮮甜飽滿，肉碎都頗多，唔錯！

🔸 綠豆清心丸 $48

最後，以清心丸作為飯後甜點，綠豆食落清甜，清心丸則好煙韌，成個甜品嘅甜度適中，非常唔錯！

前排天氣凍冰冰，最啱就係去食啲熱辣辣暖笠笠嘅嘢，我自己除咗打邊爐之外，第二就係最鍾意食燒肉😌 之前試咗一間幾唔錯嘅燒肉店，有和牛食之餘，性價比亦都極高，食唔同部位嘅和牛拼盤都係$388😝 而家佢哋仲推出午餐同埋宵夜優惠，折咗都係59折咋🤑

✨ 上。九宮格 $388

呢個和牛九宮格係呢度嘅signature item😌 一次過可以試到9款唔同嘅牛🤤 包括有：

。和牛三角腩
。和牛五花
。和牛赤身
。極黑和牛
。和牛三筋
。一口和牛
。厚切牛舌芯
。韓式護心肉
。壺漬牛肋肉

當中最鍾意係和牛三角腩、厚切牛舌芯同埋壺漬牛肋肉😌 和牛三角腩油脂滿滿，食落非有入口即溶嘅感覺；而牛舌芯好厚身，食落好爽好彈牙；牛肋肉醃咗好耐，好入味，同時亦非常軟腍！


✨ 和牛壽喜燒 $98

呢個和牛壽喜燒係由店員幫我哋親手燒嘅，呢塊和牛油花好靚，燒至5成熟左右，配上自家製嘅壽喜燒蛋汁同軟熟嘅日本米，100分嘅配搭🤤


✨ 柚子漬雞肉山 $28/半份

雖然嗌咗半份雞肉，但份量都唔少，雞肉食落有淡淡嘅柚子香味，雞件亦好嫩滑，就算燒得耐都唔會太嚡👍🏻


✨ 蔥香月見飯 $28

另外我哋嗌咗兩個飯，其中一個係以生洋蔥同蔥粒為主嘅月見飯，食落有少許辛辣味，但撈埋隻靚靚生蛋一齊食，又幾惹味！


✨ 紫菜月見飯 $28

另一個就係紫菜月見飯，以大量紫菜同靚靚生蛋鋪面而成，如果唔太好生洋蔥嘅朋友仔就可以揀呢一個飯啦😌

✨ 驚安水果茶 $38

水果茶係呢度嘅招牌飲品，入面果肉好多，飲落非常清新，食燒肉解膩一流！

✨ Sapporo生啤 $48

另外食燒肉點可以少得啤酒？咁啱見佢哋嘅Sapporo生啤買一送一，所以都嗌返杯啤啤佢！

前排經朋友介紹，試咗喺銅鑼灣較隱蔽嘅一間omakase，我同男友喺食前幾日book咗位諗住去happy Friday下😌 而家二人同行去食omakase，仲送清酒一樽添！
《霞 KASUMI》 $1580/pax✨ 先付

先付有水雲同日本南瓜，水雲係沖繩嘅名物，其實係海藻嘅一種，食落滑捋捋，面頭仲有啲蟹肉，另外仲配咗日本南瓜，寫非常軟腍。✨ 鱈魚白子

白子好大嚿，面頭配上蘿蔔蓉、日本蔥、紫蘇花以及日本辣粉，而另外亦配咗佢哋自家調製嘅醋，食落酸酸哋，又帶有少少紫蘇味，幾有驚喜👍🏻✨ 冰見寒鰤

嚟自富山灣冰見港嘅野生鰤魚，喺冬天達到一定嘅油脂分布，先至可以稱得上冰見寒鰤，食到真係好幸運🤤 隔離配上山桃漬，食完刺身用嚟清清口腔。

✨ 粒貝

粒貝即係香港人所稱嘅海螺，係高級嘅貝類海產，食落爽脆甜美，口感有啲似極爽口嘅象拔蚌刺身。

✨ 池魚

師傅將池魚切成條狀，再加入炸蒜同豉油撈埋一齊，食落有少少油香，肉質亦都較爽口，食完後仲有粒龍珠果清一清口腔。✨ 銀鱈魚BB

聽店員講銀鱈魚係來自養殖場，確保咗肉質唔會被感染😮 師傅加咗黃麵豉醬，食落較普遍鱈魚爽口，因為加咗醬汁，味道甜甜酸酸咁，幾開胃！✨ 香箱蟹

香箱蟹最出名係佢嘅膏同蟹籽，所以師傅混合咗兩者，再加上蟹肉同三文魚籽，面頭有銀箔點綴，成件事勁打卡able，而食落口感亦好豐富，幾鍾意😍

✨ 鮟鱇魚肝

呢個鮟鱇魚肝以最中餅上，入面加咗福岡士多啤梨粒，面頭亦加上少許淡雪鹽，平時食鮟鱇魚肝最怕腥味，但呢個食落完全唔腥，冇諗過同士多啤梨咁夾😆✨ 磯煮鮑魚

呢個鮑魚慢煮咗幾個鐘，食落非常軟腍😋 而個鮑魚肝醬，亦超級濃郁！店家話冇加入牛油去煮，但食落已經非常creamy幼滑，十分推薦😍

✨ 燒吞拿魚下巴

第一次食魚下巴😮 原來燒完十分重油香，食落外脆內軟，可以點上淮鹽輕輕調味，或加檸檬汁及蘿蔔蓉同食。✨ 壽司

。間八及鯖魚

兩者同為白身魚，魚身較嫩滑，食落鮮甜，而鯖魚有簡單調味，食落更美味。

。甜蝦壽司配蝦頭膏

呢個係店內signature嘅壽司，甜蝦鮮甜可口，面頭以好濃郁嘅蝦頭膏作點綴，食落味道更有層次！✨ 手卷

。馬糞海膽

嚟自北海道嘅馬糞海膽，大大嚿，用紫菜包住食，食落先甜後甘，非常滿足😌

。雙色拖羅

呢個真係好有驚喜！以天婦羅海苔包住兩塊拖羅腩，其中一塊係輕輕灼過，係拖羅大腹嚟，食落超肥美🤤 裏面仲夾咗紫蘇葉同柚子胡椒，味蕾上有昇華嘅感覺😆

✨ 魚湯

由好多唔同魚熬製而成，飲落鮮甜，完全唔腥，冬天飲就啱哂，好暖胃😚

✨ 甜品

最後，以岩燒咖啡千層蛋糕作結，咖啡味夠哂rich，中間夾住浸濕咗嘅咖啡味海綿蛋糕，食落好有層次，果然係signature甜品！

今日介紹下銅鑼灣一間打卡勁靚嘅西餐廳，即刻趁前排夜假去試試佢😬 去到環境超級社交媒體網站able，門口有朵好大嘅花花比人打卡，內裡裝修以粉紅色為主調，別致得嚟又充滿少女心🤤



🌟 花廚經典雙人套餐 $1088


✨ 花廚特色菌菇湯（配法包）

湯底creamy濃郁，有好多新鮮嘅雜菌，法包食落普通，點埋湯食就好滋味🤤


✨ “面若桃花”麻辣田螺（佐甜醋）

平時好少食田螺，佢呢隻仲要係麻辣味，食落好辣好惹味，一咬落口，個麻辣味好出！如果唔太食得辣，可以配啲甜醋一齊食，味道更加豐富☺️


✨ 金鎗魚能量沙律（佐蘋果油醋汁）

呢個沙律好清新，配菜非常之多🤤 金鎗魚魚肉好鮮嫩，配埋蘋果油醋汁，酸甜之間好開胃，仲可以撈埋隻溫泉蛋一齊食！


✨ 香草烤三黃雞（配蜂蜜烤南瓜或烤小土豆）（半隻）

三黃雞出名脂肪豐滿，肉質嫩滑🤩 食落好香好嫩，又夠juicy，仲有少少香草香味，配埋烤南瓜同薯仔，味道更加豐富🤤


✨ 壽喜燒牛肉意麵 推❗️

呢個意粉真係幾recommend比中意食壽喜燒 嘅朋友☺️ 個汁好rich，同個意粉異常咁夾，牛肉煮得亦好入味，撈埋隻生蛋一齊食，真係好有食壽喜燒嘅感覺🤩 推介！


✨ 杏仁巧克力椰香蛋糕

第一次試呢款cake，賣相超靚🥰 食落唔會太甜，每啖都食到啲杏仁同椰子碎，口感好豐富，而且椰子同朱古力嘅味道都好搭，值得一試！


✨ 桂花暖手茶

一開始都諗緊咩叫暖手茶，原來係桂花熱奶茶嚟🤣 意外地幾好飲，茶味濃奶味香，再配上清清哋嘅桂花香，整體好唔錯👍🏻


✨ 南非繽紛水果茶

水果茶好清新，有多種水果嘅香甜味道，再配埋本身甘甘地嘅茶底，飲落開胃又解膩😌



同你一齊搵更多好嘢食😋

最近同朋友去咗位於深水埗嘅一間新開嘅cafe食brunch，店舖雖然唔算大，但裝修都幾有歐陸風格，店內仲有唔少綠色植物，weekend過嚟嘆番杯啡都幾chill😌

雖然佢呢個croffle喺深水埗區嚟講都算偏貴，但質素都算對得住佢個價錢！牛角包烘至外脆內軟，炒蛋大大份又夠濕潤，再配埋幼滑嘅牛油果醬，呢個配搭真係冇得輸，好味🤤

呢度嘅明太子意粉食落偏辣，皆因佢啲明太子真係幾足料下，而醬汁嘅份量可以再多返少少，而家就啱啱好做到每條意粉都掛到汁，但我自己就好多汁啲嘅意粉多啲😆


呢杯抹茶拿鐵拉咗棵聖誕樹🎄好有聖誕feel😳八女抹茶飲落帶有強烈鮮味及旨味，濃郁香氣及口感。而拿鐵嘅咖啡香氣同抹茶嘅濃郁味道完美結合，飲落既滑順又有層次感！

而呢杯朱古力就拉咗聖誕老人🎅🏻 飲落非常濃郁香滑，喺呢個凍冰冰嘅冬天飲真係啱哂！

之前見到唔少人食過一個有好多蔥喺面嘅忌廉芝士包，造型相當吸引😌 而且蔥同忌廉芝士呢個組合一直都好想試，所以今次就特意到訪咗呢間位於太子嘅cafe試試佢😆



為咗呢個包慕名而嚟😆 麵包外脆內軟，表面勁多烤到好香嘅蔥，入面仲有厚厚嘅忌廉芝士，而蒜蓉則搽喺包嘅內層，夾埋一齊食，各方面嘅味道都好濃郁，果然不失所望 😋

好少可卡邦尼會配粗管通粉，點知都幾夾🤩 通粉煙韌彈牙，加埋少許合桃同煎香咗嘅香脆煙肉條，口感非常豐富！而醬汁都好creamy，每啖都帶有香濃嘅芝士味，overall 好推薦🥰

松露油不嬲係我至愛，而貓耳朵亦唔係度度都有得食，所以我哋見到都即刻嗌咗😌 大啡菇質感爽滑，加埋松露油忌廉嘅香味，真係perfect match！每一啖都可以品嚐到菇嘅鮮味同埋松露嘅香氣，好滿足 ！

布甸質地好幼滑，口感較一般布甸實淨少少，面頭仲有一塊焦糖薄脆，好surprised😜 而忌廉芝士亦好creamy，配上焦糖餅乾，口感🆙

焙茶鮮奶嘅茶味幾香濃，茶香同鮮奶嘅結合好順口，而且飲落唔會太甜，性價比嚟講都幾高👍🏻

熱情果梳打賣相好別緻，有半個熱情果喺面頭😳 酸酸甜甜咁，好fresh，消滯一流！

呢間位於銅鑼灣嘅樓上cafe，唔知已經回訪咗第幾次💛 一嚟鍾意佢哋嘅餐廳環境夠晒玩味啱晒打卡，二嚟鍾意佢哋嘅嘢食時不時都會幾創新😆 就好似以下其中一對菜式咁🤟🏻 呢度菜式幾乎每次嚟都會嗌，可以話喺呢度嘅招牌菜！牛舌燒至色澤金黃，食落外皮焦香，內裡嫩滑，加埋啲鹽調味，口感豐富，絕對值得一試🤩 呢個喇沙龍蝦汁配大蝦長通粉係seasonal菜式🙌🏻 喇沙汁辣辣哋，配埋龍蝦汁又好香濃，大蝦夠新鮮，食落非常爽口彈牙，而長通粉煮得剛好，食落al dente，成道菜式整體都好夾😋 南瓜蟹肉燴飯都幾唔錯，個汁夠creamy，份量剛好，唔會太多或太少，令每一啖飯都掛到汁😋 個南瓜汁食落甜甜地，蟹肉夠鮮味，整體好滿足！ 而飲品方面，我哋嗌咗杯mocktail叫Yuzu-U，係由菠蘿、橙同柚子混合而成嘅特飲，味道清新，越飲越開胃😆 我哋仲嗌咗杯桃味嘅1664，飲落幾清爽，口感輕盈微酸，都幾啱女仔飲，值得一試！

前排試咗尖沙咀一間樓上泰式酒吧兼餐廳，內裡環境好chill，靠窗嘅位置仲可以望到維港一片嘅景色，浪漫得嚟又有feel🤤 而我哋就被安排坐吧枱嘅位置，可以望住Bartender調酒嘅過程，可以話係視覺上嘅享受😎

呢個小食拼盤啲嘢食都好多種類下，有泰式魚餅、雞翼、炸蝦球、豬肉串同春卷😆 就連醬汁都有三款咁多，每樣小食都幾惹味，推薦比一大班人過嚟食飯嗌嚟試吓，而且份量都有返咁上下👍🏻

另一款前菜係青口配上Focaccia包，一嚟包嘅香草味好出，幾match青口；二嚟佢配咗隻冬蔭蛋黃醬，食落相當有泰式風味😌


而主菜方面，大推呢個龍蝦pasta，首先龍蝦肉夠新鮮，食落爽口彈牙😋 再嚟係佢個龍蝦醬汁非常濃郁，再配埋佢用Strozzapreti短捲麵，非常之掛汁，每啖都食到好rich嘅龍蝦汁，非常推薦！

平時好少見餐廳有魔鬼魚食，估唔到呢度有，今次就特登嗌咗嚟試一試！魔鬼魚嘅肉質較紮實，有別於平時食開嘅扁身魚😌 而餐廳將魔鬼魚烤得幾香口，食落都幾惹味😆

嚟呢間餐廳最主要都係想嗌呢個勁打卡able嘅cocktail！以一個浴缸仔加上泡泡同玫瑰花瓣，配埋側邊隻鴨仔🐥 勁吸睛！因為加咗熱情果同菠蘿汁，所以飲落酸酸甜甜咁，幾開胃～

而呢杯mocktail係由柚子汁同帶有接骨木花味嘅蘋果汁mix而成，帶有果香同埋飲落清新，幾啱女仔飲！