更多
2017-12-11
472 瀏覽
知道餐廳新開之後一直想搵機會黎試，但上網睇見話晚晚都好多人等好耐位，真係令我有啲卻步。今晚終於抽到時間早放工黎碰碰運氣，8點去到，結果唔使等就即刻入得！我地2個人點左一個三色丼同埋九洲風海鮮蕃茄意粉。之後仲點左2個甜品，稍後再補充。唔好以係三色丼睇落好細碗，其實碗碗都好足料，正常男仔份量。特別要一讚其中嘅蔥花吞拿魚蓉丼，食落好鮮甜好好味！燒牛肉丼嘅醬汁都好有水準，值得一試海鮮蕃茄意粉都好好食，意粉加左黑椒，醬汁亦都係辣辣地嘅，呢種酸酸地辣辣地嘅口感對我黎講好新鮮，好少西日餐廳會有呢款口感。意粉軔度亦都岩岩好，唔會太硬，爽口彈牙。其實食完主菜都已經稱心滿意，試埋甜品更加係不得了！我地分別嗌左焦糖布丁芭菲，和風抺茶法式吐司。芭菲外表果層焦糖布丁好脆好甜，配埋底層嘅雪糕同埋香蕉，多重口感，食得好滿足！法式吐司嘅綠茶雪糕都好好食，茶味好濃，吐司外脆內軟，每一口配埋綠茶雪糕同紅豆蓉食，唔使一陣就比我地2個清哂！不過今次因為兩個甜品都同時間上，食完芭菲時吐司個雪糕已經溶溶地，如果點多款甜品嘅話可以叫佢分開上，咁就唔怕溶啦
我地2個人點左一個三色丼同埋九洲風海鮮蕃茄意粉。之後仲點左2個甜品，稍後再補充。
三色丼
82 瀏覽
0 讚好
0 留言
唔好以係三色丼睇落好細碗，其實碗碗都好足料，正常男仔份量。特別要一讚其中嘅蔥花吞拿魚蓉丼，食落好鮮甜好好味！燒牛肉丼嘅醬汁都好有水準，值得一試
海鮮蕃茄意粉都好好食，意粉加左黑椒，醬汁亦都係辣辣地嘅，呢種酸酸地辣辣地嘅口感對我黎講好新鮮，好少西日餐廳會有呢款口感。意粉軔度亦都岩岩好，唔會太硬，爽口彈牙。
九洲風海鮮蕃茄意粉
29 瀏覽
0 讚好
0 留言
其實食完主菜都已經稱心滿意，試埋甜品更加係不得了！我地分別嗌左焦糖布丁芭菲，和風抺茶法式吐司。芭菲外表果層焦糖布丁好脆好甜，配埋底層嘅雪糕同埋香蕉，多重口感，食得好滿足！
焦糖布丁芭菲
49 瀏覽
0 讚好
0 留言
法式吐司嘅綠茶雪糕都好好食，茶味好濃，吐司外脆內軟，每一口配埋綠茶雪糕同紅豆蓉食，唔使一陣就比我地2個清哂！
抺茶法式吐司
34 瀏覽
0 讚好
0 留言
不過今次因為兩個甜品都同時間上，食完芭菲時吐司個雪糕已經溶溶地，如果點多款甜品嘅話可以叫佢分開上，咁就唔怕溶啦
張貼
