128
50
10
港鐵葵芳站 D 出口, 港鐵葵芳站 E 出口 繼續閱讀
所有分店 (5)
電話號碼
35863899
開飯介紹
來自九州的日式cafe品牌,裝修風格走和室簡約,葵芳分店特設西日式洋食菜單。 有日式洋食必備的蛋包飯及傳統日式料理,亦有Ufufu招牌芭菲甜品。 繼續閱讀
營業時間
今日營業
12:00 - 22:00
星期一至四
12:00 - 22:00
星期五至六
12:00 - 22:30
星期日
12:00 - 22:00
*星期一至四及日最後落單時間: 21:00 星期五至六最後落單時間: 21:30
付款方式
Visa Master AlipayHK 支付寶 現金
其他資料
網上訂座
賞訂座積分
加一服務費
當面支付
食評 (239)
等級2 2020-07-18
136 瀏覽
其實呢間餐廳都食過好幾次,九龍灣德福有食過,葵芳都有食過第一次食喺尖沙咀果次覺得尖沙咀嗰間最好食開咗分店之後不過不失啦,不過加上環境坐得舒服,感覺都幾好嘅今次嚟咗個即興放工飯局去咗葵芳我次次都係食豬扒蛋包飯次次都唔會中伏之前會叫埋雞翼食但係葵芳呢間食過幾次,啲雞翼麻麻,炸得太乾身朋友叫咗個鰻魚飯都冇中伏嘅個咖喱甜甜地豬扒炸得幾好食好脆隻蛋又好滑鰻魚都幾大條不過唔算特別出色總括嚟講呢間係坐得幾舒服不過價錢我覺得有啲貴但係同朋友傾吓計環境都係緊要啲 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-17
55 瀏覽
相信每一個女仔都有「甜品胃」就算晚飯食到幾飽都好硬係要食埋個甜品先叫滿足搵左幾間食甜品ge餐廳都係決定揀呢間甜品除左賣相同價錢之外環境都係其中一個考慮因素餐廳以和風式設計座位與座位之間都有一定距離方便同朋友傾計而甜品款式真係花多眼亂樣樣都想食🍽香蕉曲奇法式吐司$88🥪朱古力醬配上香蕉吐司吐司外脆內軟好香🍽宇治抹茶厥餅芭菲 $78 🍨有杏仁片,雲呢拿雪糕,抹茶味厥餅,抹茶啫喱紅豆蓉等.....口感非常豐富不過甜味略重🤏💬食完呢個甜品就真係滿足晒啦🤰🏼 繼續閱讀
(以上食評乃用戶個人意見 , 並不代表OpenRice之觀點。)
等級2 2020-07-04
147 瀏覽
之前經過都見唔少人排隊,好彩今日都唔多人排,都係等兩三張枱。但明明響門口見到有空既枱,但都唔帶位,呢方面感覺麻麻。好鍾意食烏冬既關係,叫左個牛肉壽喜燒烏冬。湯底非常甜,一開始感覺唔錯。有蛋黃溝埋湯底做湯汁,牛肉夠薄,份量夠,仲有d金菇,大蔥咁。烏冬既麵底都好食。不過食到一半就黎料,可能濃味既關係,真係非常非常口渴!食完碗麵,直接飲哂成杯水都唔夠!呢個質素既烏冬我食過平價d既都有,但我從來未試過食完咁口渴。吉豚佐咖喱蛋包飯一食落個醬汁就偏酸,我自己就唔多鍾意,但朋友覺得okay。炸豬扒口感非常脆,但佢為左個脆既效果,其實炸粉非常厚,朋友一開頭都幾鍾意,但食食下都覺得粉太多,要切左豬扒皮黎食,切左就會發現其實舊豬扒並唔係咁大塊。蛋都可以既,幾滑。整體黎講,我覺得價錢偏貴,唔值呢個價。本身想食佢d甜品,但叫個朱古力黑炭蛋糕,七點幾叫,佢已經話賣晒。我相信佢呢度既甜品比較出色既,佢強調材料來自日本又盛咁,不過今次就試唔到。雖然佢呢度裝潢比較靚,但d枱又窄,二人座位大部分同隔離又好近,坐得都唔舒適。食完之後都唔明點解會有咁多人排隊食,基於好口渴既感覺,我唔會再食呢間。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-26
274 瀏覽
平時經過呢間餐廳都見幾多人排隊~今日約咗朋友去葵芳經過見到冇咩人排隊所以決定去幫襯下. 佢係一間西日fusion既餐飯,餐廳Menu都幾多選擇. Lunch 加$20 轉做set有沙律餐湯同飲品👍🏻 唔錯!🦞龍蝦意粉🍝我叫左龍蝦意粉,佢既嘅賣相都幾吸引,有半隻芝士焗既龍蝦係意粉上面😍. 雖然唔係新鮮龍蝦,但龍蝦嘅肉質都算彈牙,而且都幾多膏. 意粉嘅醬汁超級rich, 好香濃,係用龍蝦湯去煮,個汁都幾出色,每一啖意粉都充滿住龍蝦汁嘅味,爽😋 另外朋友仔就叫左「鹿兒島和牛漢堡咖喱蛋包飯」和牛漢堡唔算好出色,睇落個樣有啲乾,我諗係廚師overcook🤔 所以肉質食落有啲硬😟 有點失水準. 蛋包飯算唔錯,個蛋好嫩滑,但係牛油味有點過重,個日式咖喱汁甜甜地幾好食. 但整體來講呢個飯係比較一般而且味道偏鹹. 一個人食唔哂,好膩🤣 繼續閱讀
(以上食評乃用戶個人意見 , 並不代表OpenRice之觀點。)
等級2 2020-06-24
225 瀏覽
公司搬到葵涌區咁耐, 第一次食 Ufufu, 只因價格實在有點貴, 又無午餐, 飲品要另加錢, 部份食品不包括飯或意粉, 對於男同事來講, 有點難處理! 雙重芝士溶岩和牛漢堡 $118 ~ 芝士無溶岩, 無拉絲! 切開漢堡發現芝士在中間像餡料一樣, 有點失望! (飯是另外加錢的)!! 吉列豚肉咖哩飯 $128 ~ 豚肉好瘦, 炸得香脆, 但因肉太瘦所以有點乾! 咖喱甘口, 飯最出色, 粒粒分明飽滿! 三色丼 $138 ~ 包括燒肉丼、吞拿魚腩碎丼 & 帶子三文魚籽飯! 整體質素平均!無午餐, 如要沙律, 湯或飯, 飲品要另加 $20!  繼續閱讀
(以上食評乃用戶個人意見 , 並不代表OpenRice之觀點。)