影片
更多
2020-08-17
138 瀏覽
2020年8月13日 星期四見疫情放緩左唔少，所以今日專登出到去旺角行吓街，行咗一陣見個肚有啲肚餓，就諗住搵吓附近有咩好嘢食咁啱就比我見到呢一座大廈嘅2樓有呢一間舖頭，招牌寫住主打魚麵同魚烏冬，之前完全未食過，所以就直接入去睇吓係咩嚟嚟到嘅時候已經係下午茶時間，所以有下午茶餐嘅餐牌，同時間亦可以叫其他餐牌嘅嘢食，大部份食物都好吸引，而且因為我哋太肚餓嘅關係，所以決定每人叫一個正餐之外，再叫多個下午茶餐首先嚟嘅係我叫嘅凍朱古力，上面仲有一層忌廉添，飲落好幼滑，仲有好濃嘅朱古力味，完全飲唔到朱古力粉，代表已經融化晒之後就有主菜附送嘅特色前菜小食，有浸蘿蔔、蕃薯仔、同麻醬海帶，全部食完之後都好開胃，特別係浸蘿蔔，煮得好腍同入味呢個係我叫嘅魚之戀，全部都係要魚肉整成嘅食品，有魚蛋、魚皮餃、魚腐等等，當中我覺得最出色嘅係魚肉春卷，因為外皮炸得好脆，而裡面仲有好多魚肉。另外魚烏冬當然係舖頭既招牌，因為食落去真係好彈牙，而且有魚味，好快就已經食晒，好想再叫多一碗至於老婆就叫咗秘製脆烤雞扒魚烏冬，雞扒烤得好香脆，但係裏面嘅雞肉仲係好嫩滑。其中佢最欣賞嘅就係個湯底，花膠豚骨濃魚湯，因為湯底好鮮甜，充滿魚
見疫情放緩左唔少，所以今日專登出到去旺角行吓街，行咗一陣見個肚有啲肚餓，就諗住搵吓附近有咩好嘢食
咁啱就比我見到呢一座大廈嘅2樓有呢一間舖頭，招牌寫住主打魚麵同魚烏冬，之前完全未食過，所以就直接入去睇吓係咩嚟
嚟到嘅時候已經係下午茶時間，所以有下午茶餐嘅餐牌，同時間亦可以叫其他餐牌嘅嘢食，大部份食物都好吸引，而且因為我哋太肚餓嘅關係，所以決定每人叫一個正餐之外，再叫多個下午茶餐
首先嚟嘅係我叫嘅凍朱古力，上面仲有一層忌廉添，飲落好幼滑，仲有好濃嘅朱古力味，完全飲唔到朱古力粉，代表已經融化晒
之後就有主菜附送嘅特色前菜小食，有浸蘿蔔、蕃薯仔、同麻醬海帶，全部食完之後都好開胃，特別係浸蘿蔔，煮得好腍同入味
呢個係我叫嘅魚之戀，全部都係要魚肉整成嘅食品，有魚蛋、魚皮餃、魚腐等等，當中我覺得最出色嘅係魚肉春卷，因為外皮炸得好脆，而裡面仲有好多魚肉。另外魚烏冬當然係舖頭既招牌，因為食落去真係好彈牙，而且有魚味，好快就已經食晒，好想再叫多一碗
至於老婆就叫咗秘製脆烤雞扒魚烏冬，雞扒烤得好香脆，但係裏面嘅雞肉仲係好嫩滑。其中佢最欣賞嘅就係個湯底，花膠豚骨濃魚湯，因為湯底好鮮甜，充滿魚味，佢用超快嘅速度飲晒碗湯添
至於另外一份下午茶套餐嘅主菜係fish nachos on the boat，其實即係炸魚皮上面加咗蕃茄粒同牛油果醬，仲鋪滿左芝士添，比起用粟米片更加脆口同惹味
最後仲有一杯芒果沙冰，啲冰打得好碎，每一啖都食到芒果嘅味道，而且融得唔太快，夏天食簡直係一流
冇諗過呢間餐廳咁有驚喜，最衰今次店員話魚麵已經賣晒，希望下次嚟嘅時候可以嘗試
張貼
