喜記避風塘炒辣蟹 (謝斐道)

營業中

休息中

屋企人一家五口個個都返shift，好難夾時間食飯，所以我哋就喺上個星期六去咗喜記避風塘炒辣蟹提早慶祝父親節。好彩我哋有訂枱，入面真係座無虛席。揀呢度係因為貪佢嘅海鮮夠新鮮生猛，靚蟹隻隻都咁肥美。仲有賴尿蝦都好新鮮。一家人各自有想食嘅菜式，最後決定單點。避風塘炒辣蟹係佢哋嘅招牌菜，一定係冇得輸，真係啖啖肉又惹味。蒜蓉粉絲蒸蟶子味道校得啱啱好，唔會搶咗蟶子嘅鮮味，粉絲都好好食。椒鹽賴尿蝦好香口，成家人真係爭住食。豉椒炒蜆都好有大排檔嘅水準。薑蔥美國生蠔煲嘅蠔仲係脹卜卜，唔會過熟。菠蘿咕嚕肉唔會剩係得啲骨，菠蘿青椒等配菜都好好食。滑蛋炒蝦球啲蝦勁大隻，蛋亦炒得好滑。清炒白菜仔一樣咁正。最後再食佢嘅蟹油炒麵，一家五口飽到捧住個肚咁離開。