Mr. Crab by The Captain's House (已結業)

同朋友去慶祝生日，佢話想食海鮮，我就帶佢去呢間之前都食過嘅Mr Crab慶祝下，今晚有海鮮又有酒，第二次嚟幫襯食物都無失望🧛‍♂️今次食咗佢個Set for two，好抵食喎！前菜我哋要咗crab cake，係餐廳嘅招牌菜。淡淡都係蟹肉，外脆內軟，一啖咬落去滿滿嘅蟹肉，好滿足好好味🧛‍♂️Seafood Combo就好玩好食！海鮮袋可以揀三款海鮮，我哋要咗海蝦翡翠螺同海蜆，全部都好Fresh海水味好濃好新鮮🧞‍♂️我最鍾意佢每樣海鮮嘅份量都會標明清楚，好足料唔怕份量不一。除咗海鮮，佢仲有一些薯仔、德國腸、粟米做配菜，唔驚唔夠飽，配菜連個粟米都特別甜海鮮配埋佢個秘製辣汁，別有一番滋味！翡翠螺真係特別好味，又大粒又鮮甜爽口！食套餐仲配埋兩杯餐酒，食海鮮就梗係要白酒啦，好抵好夾，真係飲酒食醉🧞‍♂️最後主菜仲要埋個蟹肉卡邦尼意粉，因為黎得Mr. Crab就當然係食蟹啦！叫蟹肉卡邦尼意粉實冇錯！🧚芝士加埋煙肉，每一啖意粉都被creamy嘅忌廉汁包住，好滿足！佢呢度嘅卡邦尼意粉係creamy濃郁而不膩，食到停唔到口第二次來都冇失望，食物keep住有水準，同朋友慶祝或者想食得好少少都好推介🧚