同朋友去慶祝生日，佢話想食海鮮，我就帶佢去呢間之前都食過嘅Mr Crab慶祝下，今晚有海鮮又有酒，第二次嚟幫襯食物都無失望🧛‍♂️ 今次食咗佢個Set for two，好抵食喎！ 前菜我哋要咗crab cake，係餐廳嘅招牌菜。淡淡都係蟹肉，外脆內軟，一啖咬落去滿滿嘅蟹肉，好滿足好好味🧛‍♂️ Seafood Combo就好玩好食！海鮮袋可以揀三款海鮮，我哋要咗海蝦翡翠螺同海蜆，全部都好Fresh海水味好濃好新鮮🧞‍♂️ 我最鍾意佢每樣海鮮嘅份量都會標明清楚，好足料唔怕份量不一。除咗海鮮，佢仲有一些薯仔、德國腸、粟米做配菜，唔驚唔夠飽，配菜連個粟米都特別甜 海鮮配埋佢個秘製辣汁，別有一番滋味！翡翠螺真係特別好味，又大粒又鮮甜爽口！ 食套餐仲配埋兩杯餐酒，食海鮮就梗係要白酒啦，好抵好夾，真係飲酒食醉🧞‍♂️ 最後主菜仲要埋個蟹肉卡邦尼意粉，因為黎得Mr. Crab就當然係食蟹啦！叫蟹肉卡邦尼意粉實冇錯！🧚 芝士加埋煙肉，每一啖意粉都被creamy嘅忌廉汁包住，好滿足！佢呢度嘅卡邦尼意粉係creamy濃郁而不膩，食到停唔到口 第二次來都冇失望，食物keep住有水準，同朋友慶祝或者想食得好少少都好推介🧚

幸好趕得及晚市禁堂食前book到omakase，太幸福了，今晚一於開懷大吃😋 第一道菜已經係白子，很夠份量😍 白子伴蘭王蛋黃XO醬 蘭王蛋黃好濃郁，配上滑溜的白子，再加XO醬料的脆口，口感和味道都好豐富 鱈場蟹刺身配柚子啫喱 蟹肉好像微微烹煮過，柚子啫喱好fresh，清新口腔，與剛剛濃郁的蛋黃形成強烈對比🧛‍♂️ 金目鯛配上淡淡的酸汁，入口彈牙幼滑，皮好煙韌，頗有口感，可見廚師對食材部分既充份掌握，美中不足的是碟略嫌未夠精緻🧜‍♂️ 室津真蠔配蕃茄蓉 溫度夠凍，呈現出蠔本身既爽身質感，比起其他omakase店更出色！味道好鮮甜，一入口蠔味湧出嚟🧚 煙燻鰆魚 配炸蒜紫洋蔥增加味道，同時柚子汁既base中和解膩👍 煮咗三個小時嘅磯煮南非鮑魚，汁好清甜昆布味都好突出，入口好稔，實而不華 估唔到平時鐵板燒店先食到既炸日本金鯛，呢度都食到，仲炸得好酥脆。金鯛表面灑上少少鹽，提升個鮮味 日本水芹菜配綿濃掛口嘅魚湯，好有誠意既一道菜🧚 飲湯後就開始食壽司 鮫鰈魚，内含火炙過嘅裙邊，柚子啫喱減輕油膩感，但仍然食到火炙香味 白蝦配上檸檬皮竹炭鹽wasabi，檸檬皮好香，白蝦好稔口清甜。壽司飯好煙韌，不重酸味，十分符合我既口味🧛‍♂️ 剝皮魚配肝醬，估唔到剝皮魚嘅肝醬咁好食，濃郁而帶有少少甜味🧞‍♂️ 蒸蛋黑松露 一打開已經聞到黑松露嘅香味，隨之係清新嘅檸檬皮。平時食開嘅蒸蛋都可能係蟹肉，但師傅呢個用黑松露同檸檬皮，兩者可以平衡中和返個味道，比較有創意。 紫海膽配文革魷魚，魷魚下埋藏着珍貴的海膽好鮮甜 ，𠝹花魷魚的刀工好仔細🧞‍♂️ 壽司的味道漸濃，所以師傅附上薑片，清潔味蕾使味覺保持清新🧚 煙燻銀雪魚炸蒜同埋生蒜，銀雪魚好滑溜，食到個煙熏味。 拖羅手卷，拌有酸蘿蔔，但我覺得拖羅味道未夠突出。 愛里魚春菊湯，春菊即係像中式的唐萵，將春菊打成菜湯很特別🧞‍♂️ 最後的江户前玉子好濕潤，今晚一頓omakase真的十分滿意。

之前一直想來試吓新加坡過江龍 - 天天海南雞飯，今晚一試果然唔錯，原來仲係新加坡米芝蓮推介餐廳，來頭不小🧛‍♂️ 先講地點喺銅鑼灣夠晒方便，餐廳嘅座位都好闊落，幾個朋友聚會都唔怕迫夾。 食物嘅種類好多選擇，單看餐牌已經好吸引，由小食正餐到甜品都好豐富🧛‍♂️ 冬天最適合飲湯，我哋叫咗個椰子燉湯滋潤一下。 椰子燉湯擺盆精緻，上枱時職員還會用火槍燒一燒椰子外殼，視覺效果一流。份量其實都夠二至三人分享🧞‍♂️ 燉湯好清不油膩，味道好濃郁清甜。椰子嘅味道都好突出，整體都好好飲。 至於主菜海南雞都有三款主打，包括正宗海南雞、天天海南雞、天天燒雞，我就試咗新加坡米芝蓮推薦嘅天天海南雞🧞‍♂️ 賣相一看都已經好吸引，不得不稱讚這餐廳的擺盤都非常別致。除了平時食開的三款醬汁，淋在海南雞的醬汁味道好特別，甜甜的帶點檸檬香氣。肉質就好嫩滑，配上醬汁非常好吃🧚 食完雞想要少少辣的刺激一下味蕾，酸菜石斑必點！石斑啖啖肉，唔食魚嘅朋友都盛讚！除了酸菜，還有一點麻辣在口腔蔓延，超正！$138 仲食到石班性價比超高🧞‍♂️ 最後當然要叫返個甜品作結尾，「花好月圓」菜式名稱改得都很有意境。一吃原來是豆漿花，好清甜香滑，豆味非常濃郁🧚

今日喺路德圍試咗間台式飲品店，地點好方便👍 ➡️ 招牌重量級水果茶 $45 真係超有份量好大杯，根本兩個人share都夠🤣 水果茶好清爽，仲有熱情果幾有咬口，飲完仲可以加梅子粉食埋啲生果👍 當飯後果，飲完一啲罪惡感都冇😝 ➡️ 咖啡髒髒星球(M) $37 見到係熱賣推介，即刻要左杯試吓先！ 咖啡鮮奶做個底，仲有黑糖珍珠加寒天，超多配料超豐富！原來仲有個芝士奶蓋添，$37 性價比超高😝 一開始都驚好甜，會蓋過左咖啡嘅味道。但佢個咖啡入口仲係好香濃，估唔到寒天配咖啡都幾夾喎。再加埋個芝士奶蓋好多層次，台式同西式飲品既味道，比例做得相當好😜 ➡️ 奶蓋炭燒烏龍 $28 媽咪怕甜，所以淨係要杯炭燒烏龍加咗個芝士奶蓋☺️ 飲品店仲可以走甜，好欣賞呢個服務，因為出邊有啲係固定甜度，相對來講都係太甜。。 奶蓋都打得好綿好厚，烏龍都好甘鮮，回甘嘅時候會有淡淡奶蓋嘅甜味😋

朋友今晚有開心事請食飯，係尖沙咀搵左間有seafood platter既bar & restaurant 一邊飲酒一邊慶祝🧞‍♂️ 一開始嚟到6:30pm左右，見個場都唔係好full，仲擔心海鮮去留會唔夠快。點知到7pm左右，開始好旺場，見到seafood platter超豐富又新鮮🧞‍♂️ Platter賣相超igable，大珍珠蚌型的碟承載着多種海鮮 eg. 生蠔、雞尾凍蝦、翡翠螺、青口、蜆🧛 生蠔好新鮮，海水味都幾濃，platter來説size都算適中🧛‍♂️蜆沾上紅酒醋，鮮味好突出，酸酸地好開胃。 食完咁好味既海鮮頭盤，就叫番啲肉🧞‍♂️ 德國腸拼盤 $128 份量好多，絕對抵食！有啲有煙燻smoke過嘅香味，有啲帶啲胡椒香，配芥茉醬/茄汁就層次感更加重。🧚‍♂️ 原隻麵包蟹海膽意大利飯 賣相非常漂亮，好豐富好吸引！估唔到廚師將海膽意大利飯釀入原隻麵包蟹內，將蟹肉、芝士、海膽拌均，令到意大利飯嘅味道提昇咗唔少🧚‍♂️

之前喺電視見過介紹呢間餐廳嘅卷物，豐富得來好有創意，今晚即刻同另一半黎試吓先🧞‍♂️

卷物既款式有好多，每個名都好新奇有趣，火山、相撲力士、午夜牛郎、忘不了你，每個菜色名都好有創意🧚‍♂️

我哋叫咗兩款，一款係火山，另一款係蜘蛛🧛‍♂️

份量都幾多，火山賣相好吸引。材料原來包括青瓜、牛油果、蟹柳、帶子，面頭仲加咗唔少蟹籽🧚‍♂️

入口味道十分豐富，甜酸為主，再加少少辣混合個醬汁，好有層次好惹味！

蜘蛛原來係炸軟殼蟹配蟹柳，而卷物大部份都有牛油果，健康又飽肚。不過個人喜歡火山多啲，有醬汁濃味啲🧛‍♂️


柚想蝦你

柚子沙律好甜，仲有好多蔬果。原來仲有三隻甜蝦，雖然細隻啲但係肉質細綿，味道比起牡丹蝦更加鮮甜🧞‍♂️

除咗卷物，我哋仲叫咗兩款串燒試下

網燒牛舌好厚身，食落有口感得多，肉質比較爽口。
我都係第一次食落櫻花蝦嘅原條茄子燒，櫻花蝦滿佈成條茄子，好足料！比起平時用肉碎，呢個冇咁膩，清爽好多🧚‍♂️

飽肚得來又健康又好食，難怪咁多人排隊食呢間🧛‍♂️

經過餐廳門外，見裝修幾chill，晚市dinner又唔算好貴，就同朋友試吓🧞‍♂️ 餐廳好貼心咁提供一次性口罩套，第一印象非常好。望吓餐牌，前菜頭盤既款式都幾多元化🧚‍♂️ 我哋先叫個客 香煎日本北海道帶子甘蘭藜麥沙律🧞‍♂️ 呢道既甘蘭味道唔會好草青味，可能配左白提子酒醋汁甜甜地，好易入口🧛‍♂️甘蘭比藜麥更多，呢個價錢上質素相當有誠意。食埋大大粒既香煎日本北海道刺身帶子，可以稱得上化算添啊🧚‍♂️ 刺身帶子面頭煎得好香口，內𥚃又keep到juicy嫩滑，好推薦🧛‍♂️ 西班牙辣肉腸炒鮮蝦，充滿西班牙風味既一道前菜。辣肉腸就比較少，得薄薄兩三片。蝦就好大隻好爽口，蒜頭好香夠哂味，好想配份法包點汁🧚‍♂️ 一邊食既時候，侍應加水速度都好快，服務好好🧞‍♂️ 主菜 蘋果木煙燻黃油雞 配薯仔蓉炒雜菜，上菜嘅時候侍應將煙燻住嘅黃油雞揭蓋放上碟，一揭開就聞到好香。 黃油雞煮到色澤金黃油亮，肉質脆肉嫩，切開雞胸部位都仲算幾滑。 Side dish加左個自家製羊肉腸，夠哂濃郁，又唔會太膩🧚‍♂️ 整體食物都幾好食，坐得又舒服，唔錯！

今晚又去荃灣搵食，呢間泰國菜之前喺路德圍食過，原來仲有一間分店喺千色店嗰頭！ ▶️ 青木瓜絲沙律 $88 青木瓜絲好爽口，柚子好甜。最特別嘅係加咗蝦米，帶點鹹香同咬口👍 不過醬汁既味道都幾辣，酸酸辣辣夠哂開胃🧛‍♂️ ▶️燒扇貝 $26/隻 到除咗串燒，仲有燒海鮮！扇貝落咗牛油炸蒜，燒得好香仲好juicy🧞‍♂️ ▶️ 燒羊鞍 $98 份量好多🧛‍♂️估唔到燒羊鞍配沙嗲醬又幾夾wo🧚‍♂️ 燒物都幾出色，燒羊鞍既時間火候控制得好好，大概七八成熟，入口嫩滑無筋。 ▶️ 鐵板比目魚 $112 食明爐烏頭食到厭啦😂 見到呢道鐵板比目魚好似幾特別，一於試吓！ 估唔到幾有驚喜！比目魚比較少骨，食落啖啖肉好方便。鐵板上其實都keep到個溫度，味道似冬陰功加蕃茄調既醬汁，好惹味，大人小朋友都啱食🧞‍♂️ 最後仲有送嘅甜品 - 椰汁大菜糕，抵食又好食嘅一餐泰國菜！

Potluck Eatery 原來係Pom’s Kitchen & Deli既新店，環境舒服咗，整體食物好食左，打卡相文青左又靚左🧞‍♂️ Set dinner價錢好合理，包哂餐湯主菜甜品飲品，款式都多夠吸引🧛‍♂️ 我同朋友因為想試多啲菜式，所以叫咗一個set dinner，再叫幾款前菜share就perfect🧞‍♂️ 湯好creamy，包烘得好脆，一啲都唔馬虎。 香煎法式鵝肝多士$98 真係好抵食，就算買急凍鵝肝返屋企自己煎都唔平啦。鵝肝好厚身，食落好有質感，煎得好香🧞‍♂️蜜桃同黑醋夠解膩，不過我建議配牛油多士就夠，蒜蓉味而家重手左🧛‍♂️ 牛油果醬蟹肉伴脆飽粒，平時都成日食牛油果他他，但呢間好足料，味道好清新，做appetizer非常適合🧞‍♂️ 芝士蟹肉焗大啡菇，切開已經feel到好juicy，雖然造法簡單，但食到原汁原味，又healthy🧚‍♂️ 主菜我哋就要咗炭燒法式豬鞍架伴紅桑子汁，賣相已經好吸引，仲好貼心咁多我哋切開咗幾塊，好方便share食🧚‍♂️炭燒香味好突出，燒完都唔算好乾，配紅桑子汁甜甜地幾好味。仲要讚一讚嘅係個配菜焗薯，有口感得來好香口。 甜品cheesecake就正常，我比較鍾意口感實啲🧛‍♂️。 英式奶茶好精緻，尤其係奶杯，打卡一流！不過味道就正常

今晚收工行完街同朋友一齊去旺角食好西，夜晚又唔想食太heavy，所以揀爆丼屋食番個魚生飯先！ 見到春夏祭special menu，款款都好似好吸引，一於叫黎試吓🧚‍♂️ 丼附送既麵豉湯都好足料 夢之丼 $278 有好多款刺身，有我最鍾意嘅拖羅同帆立貝！ 帆立貝好大粒，厚切得來勁鮮甜。同蟹肉一齊食更加甘甜又有口感🧛‍♂️ 赤貝爽脆，刺身帶燈紅色，色澤亮麗，勁吸引。稍微沾些少醬油入口，海水和鮮甜味濃郁。內裡既貝肉就又軟又嫩，超yummy🧛‍♂️ 拖羅油脂好重，入口即融。雖然有少少筋，但咬落油份更加突出。 三重大極上丼 $398 見到咁多拖羅真係不得了，流晒口水！每一塊拖羅都魚味濃郁，大滿足！配埋海膽同埋蟹肉真係好豐盛，極上嘅享受🧞‍♂️ 最後叫咗罐西柚鹽味既有汽果汁同白桃果汁，西柚鹽味都幾特別，喺出邊未飲過，又可以解吓食拖羅嘅油份，唔錯🧚‍♂️