焱丸水產

今日周年紀念，老公專登過嚟搵我食晏，帶我去咗呢間好有日本feel嘅日本餐廳。食完真係好想去日本😂呢度好近我返工，屬於內街我都好少行入嚟，估唔到有一間隱世餐廳，仲要俾我老公搵到！首先我哋兩個人每人嗌咗一個set！我就叫咗個北海道海鮮丼，真係乜嘢海鮮都有，貪心嘅揀呢個就滿足晒，刺身很新鮮鋪滿晒整個碗，反而覺得啲飯唔夠，想添飯！我老公就叫咗天婦羅丼，呢個超值$78，勁大碗！有成五隻蝦，南瓜茄子等，又係鋪滿成個碗！真係好滿足。亦都好好味。套餐包埋麵豉湯，沙律！食咗兩個已經好飽。但係我哋周年紀念，老公話一定要食豪D,我哋仲叫咗佢嘅招牌菜式活貝大盛，同埋兩種口味嘅甲羅燒！呢兩個菜式都係有員工由好新鮮識得郁，喺我哋面前燒好俾我哋食，大盛有大大隻鮑魚，新鮮生蠔，扇貝同埋蜆。全部都新鮮，員工真係好有經驗，燒出嚟嘅熟度剛剛好！值得一讚甲羅燒我哋今次就試咗兩隻口味，一隻係黑松露蟹肉：黑松露同蟹真係好夾，好香好想加飯食！另外一隻係蟹味噌，其實兩個味都係好似，黑松露好味啲❗️今次驚喜周年紀念好滿足，老公加分，餐廳都加分！推介比其他人既老公🤣