好湯好麵

營業中

休息中

呢間米芝蓮推介的湯麵一向一條隊係門口，最近終於同飯腳去一試，果然有料到海龍皇湯麵 - 個湯基本上係超濃的西式龍蝦海鮮湯咁，加上蝦頭油，十分之香。雖然有層油係面，但都忍唔住要飲個湯棉花雞我覺得超驚喜。個湯完全係之前去某名店食的魚翅雞煲的湯底一樣，非常濃郁又背點膠質感覺的雞湯。雞肉鮮嫩，魚肚吸晒湯汁超正😋😋😋。個湯真係唔飲晒都唔得冬旬雙羊加上支竹，味道是羊腩煲咁，但羊肉係薄切，我個人比較鐘意好似羊腩煲咁一塊塊，更有口感。三款湯麵我個人覺得最正係棉花雞。去食咗三次，三次食完飲埋湯都唔會覺得口渴👍🏻，好明顯係真材實料無味精。食日本拉麵我都只會飲少少湯，因為大部分太油又咸，但呢個湯麵一試真係唔飲湯唔得。下次可能會買外賣，免卻排隊等候。