影片
更多
2021-11-16
2957 瀏覽
近排去咗Staycation足一個月，夜晚最好嘅節目當然係飲返杯～酒鬼就是這樣練成的！晚晚調酒玩到悶，當然想搵下啲新玩意！最近除咗有Wine and Dine 之外，仲見到有由JFOODO舉辦嘅大型清酒活動-SEAFOOD LOVES SAKE.～全港約有100間餐廳參與，每款「清酒x海鮮」都係由國際唎酒師Ivan Sean親自配搭～平時食中菜又真係未試過用清酒去配搭！一於去試下有幾特別！咁多間餐廳入面，今次去咗間多次獲米芝蓮星級推介嘅川粵菜廳-駿景軒～當晚嘅菜式會有薰酒、爽酒、熟酒、醇酒，4款唔同嘅清酒配搭。當中最令人意外嘅係，竟然連水煮魚咁濃味嘅菜式都配到清酒！即刻同大家分享吓當日嘅配搭～！黃金炸魚皮、椒鹽田雞腿、蒜泥白五卷（薰酒-月桂冠 愛說話的鯨魚 純米酒 ）第一款配有清酒嘅菜式係黃金炸魚皮，黃金炸魚皮入口鬆脆，加上滿滿嘅鹹蛋黃，香脆非常！而「愛說話的鯨魚」入口香甜，感覺清新，平衡返魚皮嘅鹹香同油膩感，濃淡相易，食多幾件都唔怕～另外，仲試咗佢地嘅椒鹽田雞腿同蒜泥白五卷，田雞腿帶微辣，肉質嫩滑，隻脾仔都幾肥美～而蒜泥白五卷就比想像中辣，食落非常惹味刺激！杏汁白肺湯奶白色嘅杏汁白肺
近排去咗Staycation足一個月，夜晚最好嘅節目當然係飲返杯～酒鬼就是這樣練成的！晚晚調酒玩到悶，當然想搵下啲新玩意！最近除咗有Wine and Dine 之外，仲見到有由JFOODO舉辦嘅大型清酒活動-SEAFOOD LOVES SAKE.～全港約有100間餐廳參與，每款「清酒x海鮮」都係由國際唎酒師Ivan Sean親自配搭～平時食中菜又真係未試過用清酒去配搭！一於去試下有幾特別！
咁多間餐廳入面，今次去咗間多次獲米芝蓮星級推介嘅川粵菜廳-駿景軒～當晚嘅菜式會有薰酒、爽酒、熟酒、醇酒，4款唔同嘅清酒配搭。當中最令人意外嘅係，竟然連水煮魚咁濃味嘅菜式都配到清酒！即刻同大家分享吓當日嘅配搭～！
黃金炸魚皮、椒鹽田雞腿、蒜泥白五卷（薰酒-月桂冠 愛說話的鯨魚 純米酒 ）
第一款配有清酒嘅菜式係黃金炸魚皮，黃金炸魚皮入口鬆脆，加上滿滿嘅鹹蛋黃，香脆非常！而「愛說話的鯨魚」入口香甜，感覺清新，平衡返魚皮嘅鹹香同油膩感，濃淡相易，食多幾件都唔怕～
另外，仲試咗佢地嘅椒鹽田雞腿同蒜泥白五卷，田雞腿帶微辣，肉質嫩滑，隻脾仔都幾肥美～而蒜泥白五卷就比想像中辣，食落非常惹味刺激！
杏汁白肺湯奶白色嘅杏汁白肺湯，好少地方做到咁出色，一入口已經飲到濃濃嘅杏仁香，但又唔會過濃，豬肺唔會有腥味，鮮甜非常！
金銀蒜粉絲蒸元貝（爽酒-嘉美心 備中流 純米大吟釀）
第二款配有清酒嘅係金銀蒜粉絲蒸元貝～作為
爽酒嘅備中流 純米大吟釀，味道同樣輕盈清新，少咗第一款嘅甜味，但帶有淡淡米香。元貝大大粒，鮮甜彈牙，呷完一啖再食，令元貝嘅鮮味更加突出～
瓦罉胡椒蝦（醇酒-真野鶴 鶴 辛口 本釀造）
第三款配有清酒嘅係瓦罉胡椒蝦，打開瓦罉後，立即傳來濃濃的胡椒香！刺激嘅胡椒香同大蝦味道好夾，而醇酒嘅酒香相對濃郁，唔會俾胡椒味蓋過，既能令海鮮提鮮，更多添了一份酒香。
拔絲咕嚕肉餐廳用咗豬頸肉去代替一般嘅排骨，外層由一層又薄又脆嘅糖衣包住，拉起時，表面嘅糖衣仲會拉起絲~入口肉質嫩滑，外脆內軟，配上酸甜醬汁，非常醒胃！
水煮桂魚片（ 熟酒- 達磨正宗三年）
睇到紅噹噹嘅顏色就知道一定惹味非常！大大塊嘅桂魚片，口感十足，魚片入口嫩滑帶點麻辣，如果想刺激一啲，底下嘅粉條絕對能夠滿足到你！4款清酒當中，以依款味道最女濃厚，熟酒嘅年份越高，顏色會較深。而3年嘅熟酒顏色為金黃色，味道有點像中式的花雕，熟酒的濃醇配上麻辣的感覺，令味道變得更加豐富，刺激非常！
黑松露手撕炸子雞松露手撕炸子雞的精髓，絕對是上方薄薄的脆皮，雞皮炸得金黃香脆，而手撕雞則混入了黑松露，令味道大大提升了！
生炒糯米飯臨近尾聲，再來一個生炒糯米飯！糯米飯加入了大量臘腸、臘肉、蝦米、蛋花及蔥花等，飯粒口感煙韌，粒粒分明。每啖也充滿著臘味的香味。清酒唔一定只能海鮮！達磨正宗三年同生炒糯米飯嘅味道都非當配合呢！
芋蓉煎堆仔最後當然係甜品！其實食完以上咁多款菜式已經飽飽，但最後都想食啲甜品作結～芋蓉煎堆仔入口香脆，帶點軟糯口感，入面包裹著少量芋蓉，帶點芋頭香，整體唔會太甜，為一餐豐盛嘅晚餐畫上完美嘅句號。
📍📍📍📍📍📍📍📍
駿景軒 (灣仔)
灣仔皇后大道東373號英皇駿景酒店1樓
📍📍📍📍📍📍📍📍
張貼
