Fûhn (The L. Square) (已結業)

之前睇見報道提及過呢間鋪頭，知道佢嘅水機係專誠從外地訂購回港，有指湯嘅味道比夠突出。由於今晚得自己一個人食晚餐，所以只點了一個生牛肉湯河粉。當碗粉送上枱時，我即時試了個湯，未知是否水質經過中濾，顏色比較清澈，湯嘅味道比較細緻，都有淡淡的肉味，感覺新鮮，又不會太油。初時店員只提供了芽菜、青檸及辣椒粒，我放入碗粉內，味道好似爭啲啲，最後要加埋啲紫蘇葉、九層塔、薄荷葉及魚腥草等，生牛肉湯粉嘅味道即刻返晒黎，濃郁好多。不過，我嫌啲金邊份有點硬，可能是個人問題啦。比較起錦麗嘅生牛肉湯河粉，係兩種不同嘅味道，前者較清淡，後者比較濃郁。相信有不同捧場客。雖然我只點了一碗湯粉，但店員也有奉上清水一杯，態度亦十分友善，沒有白眼我。