更多
2019-06-29
254 瀏覽
一年一度嘅母親節慶典揀咗呢間美國菜，本身我哋好少試呢類的餐廳。今次竟然係母親大人自己提出試新野，我哋當然奉陪到底啦！長長嘅bar枱為食客調製各式各樣的飲品及酒，應有盡有，绝對不會令食客失望。呢間食店的裝修簡约得嚟又好有特色，唔怪得吸引咁多年輕人光顧啦！厠所都裝修到好似工場咁，又有一排長洗手盆供食客洗手，唔洗排隊，非常方便。呢種工業風的裝修近年大行其道！墊枱纸的印刷非常可愛，纸質一流，看來成本不菲。我真的不好意思開口叫侍應给我一套新的作留念，的確有點遺憾！嚟呢度最大賣點係combo，有各款的配搭任君選擇，人少可以試signature combo $390。我哋一行五人揀咗ultimate combo $988，内有小龍蝦丶松葉蟹腳、蜆、海蝦、青口、大扇貝及翡翠螺。記得揀埋 Mr. Crab Cajun sauce，辣辣哋同海鮮好夾配，非常惹味。侍應好專業讓食客影哂相，才熟練地替大家打開個海鮮球。看着大家的面容，一臉緊張，十分搞笑。萬眾期待嘅海鮮球终於展現眼前，松葉蟹腳份量不少，而且隻隻蟹腳都好肥美。大扇貝非常大隻，啖啖肉，鲜嫩無比。可有看到當中有一段段的肉腸，想不到美式的肉腸都很出色呢！
長長嘅bar枱為食客調製各式各樣的飲品及酒，應有盡有，绝對不會令食客失望。
呢間食店的裝修簡约得嚟又好有特色，唔怪得吸引咁多年輕人光顧啦！厠所都裝修到好似工場咁，又有一排長洗手盆供食客洗手，唔洗排隊，非常方便。呢種工業風的裝修近年大行其道！
墊枱纸的印刷非常可愛，纸質一流，看來成本不菲。我真的不好意思開口叫侍應给我一套新的作留念，的確有點遺憾！
嚟呢度最大賣點係combo，有各款的配搭任君選擇，人少可以試signature combo $390。我哋一行五人揀咗ultimate combo $988，内有小龍蝦丶松葉蟹腳、蜆、海蝦、青口、大扇貝及翡翠螺。記得揀埋 Mr. Crab Cajun sauce，辣辣哋同海鮮好夾配，非常惹味。
侍應好專業讓食客影哂相，才熟練地替大家打開個海鮮球。看着大家的面容，一臉緊張，十分搞笑。
ultimate combo
$988
39 瀏覽
0 讚好
0 留言
萬眾期待嘅海鮮球终於展現眼前，松葉蟹腳份量不少，而且隻隻蟹腳都好肥美。
大扇貝非常大隻，啖啖肉，鲜嫩無比。
可有看到當中有一段段的肉腸，想不到美式的肉腸都很出色呢！
還有红色的小龍蝦，雖然較细小，但肉質嫩滑，而且是非常新鲜，食店選用的都是上乘的食材。讚！
翡翠螺很大隻，份量很足，食味不錯。厨師選用的是大號的青口，食嘅時候較有口感，又夠飽肚。
餐廳提供膠手套和圍肩给食客使用，以防食用海鮮球時弄污雙手和衣服，可見餐廳的安排非常细心，而且對衞生都很注重。讚！
巴馬火腿瑪格麗特披薩
$128
16 瀏覽
0 讚好
0 留言
作為薄餅控的我，對真正的薄餅當然不會放過（意指正宗“薄”餅，並非那些厚批、芝心批……等）。呢個薄餅嘅名堂係巴馬火腿瑪格麗特披薩，批底是非常薄脆那一類，食落唔會太飽肚。
由於製法似意大利薄餅，着重批面嘅茄醬及香料，肉餡只有少量的巴馬火腿，绝對適合女士們，少咗那份油膩感，添上清爽清新的感覺。讚！
水牛城雞翼
$88
39 瀏覽
0 讚好
0 留言
我哋一行五人啱啱好，大家都抱住樣樣試吓，唔想咁易飽肚嘅諗法。水牛城雞翼好開胃，味道酸酸的帶點微辣。
雞皮外的炸漿唔算厚，所以食落唔會太油膩，炸起嘅雞肉仍然嫩滑，不妨一試！
南部式“污糟”飯
$108
27 瀏覽
0 讚好
0 留言
呢個飯名好特别叫“污糟”飯，坦白講我哋真係俾佢個名吸引而點架！當上菜後，大家都明白箇中的原因: 其實似生炒生肉飯，當然有加入一些香料，再加上用鐵板熱上，令人有一種烏卒卒一團“污污糟糟”的感覺。
事實上呢碟飯真係炒得很香，可能用鐵板上菜的關係，大家都覺得好有鑊氣及夠熱度，食起來特别可口美味！牛肉的肉香在鐵板上顯得更加惹味，的確是一碟水準高及不可多得嘅炒飯。讚！
大蜆蕃茄汁扁意粉
$148
22 瀏覽
0 讚好
0 留言
老實講: 我本身是不喜歡食意粉類，因為大多的食店將意粉不是煮得過稔就是太硬，加上醬汁一般都弄得像漿糊，所以我一向對意粉類都無好感。
但係呢度嘅大蜆蕃茄汁扁意粉真係令我有極意外嘅驚喜。首先，扁意粉的軟硬恰到好處，不會過火，食落很有口感。大蜆非常新鲜，沒有“腥”的味道，而且份量很多，真係可以吃過痛快。最重要的蕃茄汁，應該係茄蓉至真，非常出色，好似食緊新鲜蕃茄咁，將整碟意粉的食味提升到淋漓盡致。高手！
最後，我哋以士多啤梨青瓜菠菜沙律$78作结。整體的蔬果都非常新鲜，食店採用上乘嘅食材配上自家醃製的果醋，既健康又可以中和飽餐一頓的油膩，令人再三回味！
雖然這是一間美國式的食店，但無論選用的食材、自家醃製的醬料及獨特的烹調技巧，均能將飲食的文化和智慧發揮得淋漓盡致！
張貼
