影片
更多
2021-10-11
244 瀏覽
紅伶飯店歷史悠久唔使多介紹，真係由我阿爸個年代食到而家，諗落因為疫情，都有兩年冇幫襯，今日就專程嚟食個打冷。轉眼間佢哋都已經搬咗去新舖位，面積大咗，環境企理咗，裝修格局部份仍保留原有特色。食物款式應有盡有，除咗有最傳統嘅潮州菜式之外，亦有加入一啲比較新穎嘅元素。食打冷有幾道菜係一定要嗌嘅，其中一樣就係潮州靚鵝片，師傅刀工一流，鵝片切得夠晒薄，下面仲有滷水豆腐同大量花生墊底，甚有口感。冰鎮芥辣墨魚片係一個冷盤，落咗麻油口感分外香滑。雖然話係冰鎮，但入面墊底嘅並唔係冰粒，而係酸中帶甜嘅酸菜，非常惹味。餐廳入面基本上每一枱都有叫馳名煎蠔餅，蠔仔粒粒飽滿，蠔餅嘅蛋炸得夠香口，沾少少魚露真係冇得彈！潮州春菜煲唔會過鹹，仲啖啖充滿蒜蓉味，完全去除到芥菜嘅苦澀味。今日重遊夠地，完全尋回回憶嘅味道！
轉眼間佢哋都已經搬咗去新舖位，面積大咗，環境企理咗，裝修格局部份仍保留原有特色。
食物款式應有盡有，除咗有最傳統嘅潮州菜式之外，亦有加入一啲比較新穎嘅元素。
食打冷有幾道菜係一定要嗌嘅，其中一樣就係潮州靚鵝片，師傅刀工一流，鵝片切得夠晒薄，下面仲有滷水豆腐同大量花生墊底，甚有口感。
冰鎮芥辣墨魚片係一個冷盤，落咗麻油口感分外香滑。
冰鎮芥辣墨魚片
$108
22 瀏覽
0 讚好
0 留言
餐廳入面基本上每一枱都有叫馳名煎蠔餅，蠔仔粒粒飽滿，蠔餅嘅蛋炸得夠香口，沾少少魚露真係冇得彈！
馳名煎蠔餅
$80
11 瀏覽
0 讚好
0 留言
今日重遊夠地，完全尋回回憶嘅味道！
張貼
