捌哥‧馬拉籽

營業中

休息中

今日俾朋友啦咗入大圍食＂捌哥．馬松籽＂馬來西亞菜。坐低見餐牌好多菜式😋但只有一個肚，只能選擇最想食嘅食咗先。先來個肉骨茶細滲，湯頭濃郁帶點藥膳香，豬肉味濃，肉質肥瘦相間，食到絲絲嫩肉，另外豬肚、豬手、雞腳一樣入味，豆卜金針茹索哂湯汁更加係正添啦！跟著叫左個，我知你啦薄餅配仁噹牛肉：薄餅點上咖喱汁非常惹味，唔算好辣，牛肉薯仔都幾淋身，沾下沾下好快食晒。而辣死你嗎配生炸全雞髀真心好食，上台顏色奪目，當然相機食先😋飯粒入口有斑斕嘅香味，配上魚仔同花生更有口感，而且雞髀好大塊，醃製入味，皮炸得好脆，肉質香口嫩滑。最後朋友話呢度啲雞好好味，又嗌多半隻馬拉籽芽菜雞：雞肉真的夠嫰滑，雞皮唔肥帶點爽爽地，而芽菜亦夠肥厚清甜。