影片
港鐵大圍站 A 出口, 步行約5分鐘
繼續閱讀
電話號碼
28840886
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
🗿今日同魷魚妹一齊返工，咁開心一齊返工緊係食吓好西先喇。其實熊妹一早都聽聞過大圍積存街有好多好吃小店，一於去覓食下😋。📌成日食西餐Cafe，發現有馬來西亞菜《捌哥 · 馬拉籽》，又真係好少食，可以一試。📌店鋪唔算好大，望落去有3-4張二人枱，不過燈光鮮明💡，感覺好亮麗✨。📌原來有樓上雅座，估唔到有兩層喎！樓上無左廚房位，感覺就闊落啲。📌牆身畫左幅好靚的黑白素描畫🎨，畫出古時年代的生活紀載📝。📌餐牌有多款星馬泰菜式，喇沙🍜、串燒🍢、小食🍤、肉骨茶🍗、咖哩飯🍛、海鮮🦀等等，林林總總，花多眼亂👀，價錢仲要非常親民，$4-50就有一款，又唔使加一，好簡單就可以食到馬拉西亞菜，夠晒平民抵食🤑！鮮牛油咖央多士，$38馬來西亞菜必點小食，咖央多士，簡簡單單的馬來西亞特產咖央醬甜甜地，夾埋塊黃甘甘的鮮牛油🧈，烘熱了的多士熱力🔥令牛油少少溶化，食落去，脆得來又鹹又甜，真係油脂爆燈💥！玻璃魷魚蕹菜，$58蕹菜類似番薯葉🍃，菜葉多菜莖少，面頭仲鋪滿一大堆玻璃魷魚🦑，份量都幾多，咬落去爽口又唔韌，仲有炸蒜、胡椒同豉油調味，調味方味做得幾好。我知你啦薄餅配娘惹咖喱雞，$68星馬菜緊係有咖哩雞，咖哩雞🐥一碗有3-4舊連薯仔🥔，辣度適中，雞肉唔算好鞋口，成舊咖哩雞點薄餅🫓食真係好滋味！魚仔醬啦啦，$54好特別的一款小食。就係秘製魚仔醬撈蜆，蜆肉一碗份量都幾多，係細蜆肉size，中間放上一大堆魚肉醬，味道濃烈帶點甜辣🌶，撈埋蜆肉好惹味！值得推介！一字骨肉骨茶，$86食星馬菜點少得肉骨茶？一字骨🦴最好不過。一個熱盅呈上，原來係一人份量，三大舊一字骨🍖，大舊到好分明咁睇到一層肥肉脂肪跟一層瘦肉的間距，然後就係一條骨，肉骨茶鹹得來又濃藥材味🪵，仲有幾粒紀籽的酸甜中和返味蕾，身體頓時感覺到行氣和血🩸的感覺，相信冬天飲的時候一定好取暖養生💆🏻。娘惹喇沙，$84顏色非常鮮豔的一碗喇沙，色彩繽紛到真係有七款顏色，紅色辣椒🌶、橙色大蝦🦐、黃色豆卜同魚片🍞、綠色青瓜絲🥒、藍色碗邊圖案❄️及紫色洋蔥絲，就咁望到都興奮😝！配料來説，大蝦的做法頗為驚喜，係有油炸過，令到蝦肉爆出來，食落蝦殼都好脆口，呢份蝦做得幾有試意！值得一讚 👍🏻！選了米線做喇油麵底🍜，滑嘟嘟的米線浸入喇沙湯底，索哂湯汁，驚喜地喇沙湯充滿椰奶味道，所以無咁辣，連埋多款配料食，真係大滿足。馬來西亞茶（凍），$22魷魚妹好鐘意飲泰國奶茶，當然都唔會放過馬來西亞茶🧋，點了少甜少冰，唔算太甜，馬來西亞的茶葉茶味🍂都幾濃郁同出，就算加了糖，都仍然好出茶味道，果然係招牌飲品。📌簡單的小吃到主食都充滿馬來西亞菜的特色，成日食西餐，再轉食下其他異國菜式，確實有另一番風味🍁！
繼續閱讀
深水埗起家嘅捌哥原來喺大圍都有分店，同總店一樣好有人氣星期三晚七點半未到已經坐滿餐牌選擇超多有啲花多眼亂，招牌菜喇沙同肉骨茶係必嗌✨肉骨茶 (三層肉)肉骨茶比較深色藥材味突出，飲完成身暖晒可以免費續湯，兩個人嗌一份細嘅都夠飲有多款豬肉部位選擇，懶得噒骨所以揀咗三層肉✨娘惹喇沙湯麵有三款喇沙、蝦麵同白咖喱麵揀，好pro好講究👍🏻娘惹喇沙加入大量椰奶，香料味道香濃辣度適中麵有得揀米粉、油麵、老鼠粉、米線，就連大光麵都有😆跟地道食法揀滲滲(油麵米粉兩溝)，油麵米粉索晒湯汁精華✨馬拉沙嗲串燒雞、牛、豬肉可以自由配搭，三款都燒得香口唔會鞋沙嗲醬微辣偏甜花生味濃郁，非常惹味！✨仁噹牛肉辣死加多 (轉黃薑飯)辣死nasi意思係飯，同辣唔辣係無關😆不過配仁噹牛肉同參巴醬的確係辣嘅仁噹牛肉香料椰漿辣味濃郁，煮得軟腍入味✨咖央多士食馬拉菜一定嗌咖央多士當做甜品先夠滿足估唔到連麵包都係來自馬來西亞多士烘得鬆脆，咖央醬斑蘭味濃郁椰香十足🤤✨美祿恐龍食辣嘢飲好啱飲美祿，有種解辣嘅感覺聽到隔離枱都飲馬拉茶，下次晏畫嚟試下
繼續閱讀
大圍站附近都幾多抵食嘅餐廳，今次行入少少食咗間馬拉菜，主打肉骨茶，質素好唔錯，價錢合理，想試吓正宗馬拉菜，可以去try try😆🔸細滲 $106呢度有好多款肉骨茶，想每樣試吓揀細滲就啱晒！材料有一字骨、豬手、雞腳、三層肉、豬肚、豆卜、金菇等，都幾豐富！馬來西亞肉骨茶係黑湯，藥膳味明顯～ 呢度嘅肉骨茶湯頭濃厚，好易入喉，而且個湯仲係任添👍🏻 推介一字骨，肉質有咬口又唔嚡！🔸砂煲老鼠粉 $98呢個老鼠粉好惹味好好食！而且份量好多！入面有魚乾仔增加口感，調味係偏濃，但又唔會太鹹，老鼠粉條條分明，少少煙韌口感，撈埋蛋一齊食好正！🔸咖央多士 $33麵包烘到好脆好香口，咖央味稍為不足，多啲醬就好！🔸馬拉沙嗲串燒 （3串） $64揀咗雞牛豬各一，即燒幾惹味，沙嗲醬好多，但唔會好鹹，有啲青瓜解吓膩，幾好！推介雞肉！🔸玻璃魷魚蕹茶 $58又係要叫個菜食吓先得😂 應該係第一次食蕹菜，口感幾爽口！魷魚都幾彈牙！但個醬有啲辣，唔食得辣可以叫醬另上～🔸桔仔話梅水 $30叫咗走冰，少少凍啱啱好！呢杯飲品有啲驚喜，好好飲，唔太酸又唔太甜，味道剛好！又解渴！
繼續閱讀
之前已經知道大圍有間食肉骨茶的餐廳，生完小朋友終於可以黎試下!餐廳共有兩層，上層的座位較多!餐牌上有多款馬拉美食可以選擇，我們點了幾款不同的食物試試!細滲，來到這裡當然要試下他們的肉骨茶，在香港第一次飲到這麼濃郁的肉骨茶，令人一試愛上!肉骨茶味道濃郁，而且帶有回甘味!細滲既材料包括有一字骨、豬手仔、雞腳、三層肉、豆卜金菇、豬肚等，材料十足，而且肉骨茶還可以無添加呢!我知你啦簿餅配仁噹牛肉，咖喱味道濃郁，而且味道都幾辣，牛肉煮得入味而且鬆軟，除了牛肉，還有薯仔!而薄餅共有2塊，烤到脆身，用黎點咖喱食非常正!芽菜雞配黃薑飯，雞件啖啖肉，而且雞肉嫩滑juicy，再跟爽脆的芽菜一齊食十分清新!而黃薑飯味道香濃，不錯!老鼠粉，第一次食這隻味道的老鼠粉，醬汁好似湯一樣，味道甜甜地好特別!而材料包括有肉碎、冬菇、三層肉、魚片、油渣!魚片彈牙，腩肉同肉碎都吸收了醬汁的味道，幾惹味!而老鼠粉爽口，醬汁微微辣辣，不錯!魚仔醬啦啦，啦啦即是蜆肉，魚仔醬咸咸辣辣，加上脆卜卜，味道甜甜辣辣的魚仔，口感豐富又惹味!鮮牛油咖央多士，多士有滿滿的咖央醬，加上厚厚的牛油，食落味道不會太甜，口感豐富!茶啡滲，這杯飲品混合了奶茶同咖啡，咖啡味香濃，口感幾幼滑!美祿恐龍，味道濃郁，又唔會太甜，面層有美祿粉和星星脆脆，飲落口感豐富!
繼續閱讀
【肉骨茶。正宗馬拉茶啡廳】大圍一直都是美食臥虎藏龍的地方，區內有很多小店。這次來吃一家聞名已久的馬拉菜，店內分開上下兩層，牆上畫有巨型壁畫，是一個很舒服的環境。入座後就會送上一碗暖呼呼的肉骨茶，之後還可以免費續喝。❈ 一字骨肉骨茶 HK$86肉骨茶有10款供以選擇，一字骨肉質有彈性，令肉骨茶添加了一點肉香味，湯頭濃郁滲出淡淡的藥材香，真材實料。❈ 油炸鬼 HK$18不油膩、滲入肉骨茶裡吸滿湯汁，絕配。❈ 淨蕹菜 HK$32蕹菜是通菜，配上特製辣醬，很惹味。❈ 馬拉沙嗲串燒（3串） HK$64可以自由搭配豬，牛或雞。3種肉類都很滑嫩，沙嗲香口入味。❈ 鮮牛油咖央多士 HK$38多士很鬆脆，咖央椰味香濃不會過甜配上一塊厚厚的鮮牛油很邪惡但很好吃。❈ 我知你啦薄餅配娘惹咖喱雞 HK$68薄餅很酥脆，牛油味香濃，咖喱味道香濃，很開胃，雞肉和馬鈴薯都很入味。❈ 仁噹牛肉撈老鼠粉 HK$70牛肉軟嫩，吸滿了香料和椰奶的香氣，帶點點辣味。可自由搭配：油麵、米粉、滲滲（油麵加米粉）、米線或老鼠粉。❈ 魚仔醬蘿蔔糕 HK$46魚仔醬有點點鹹香，蘿蔔糕外脆內軟，很香口。
繼續閱讀