影片
更多
2023-12-29
63 瀏覽
一排無飛台灣，又心思思掛住台灣啲街頭滷味。為左一解思鄉愁緒，上網左搵右搵，終於搵到評語幾好嘅燈籠滷味約埋老友一齊去試下。 餐廳裝修好有台灣風格。食物方面，呢間餐廳主打台灣地道滷味小食，可以散叫，亦都可以叫套餐。唔想令有選擇困難症嘅朋友傷老筋，今次就點個二人餐慢慢品嚐。 燈籠飽飽2人餐 ($208) 套餐包左一份招牌燈籠滷味，一份地道夜市小吃，一份人氣台式小吃，一份餐後甜點同埋兩杯台式特色飲料。 招牌燈籠滷味 滷味包左六款滷味，一款菜同一款麵。牛肚同豬耳滷得好入味，好好食。百頁豆腐吸晒湯汁，每一啖都食到滷水汁。蘿蔔同空心菜都好新鮮，全部都係台灣嘅味道。麵食我地揀左王子麵，勁有台灣特色。 地道夜市小吃 - 師大秘傳滷雞翅膀(4隻) 滷水雞翼好入味，但又唔會煮到好鞋，火喉控制得岩岩好，不錯。 人氣台式小吃 - shake shake海苔鹽酥雞 參考快餐店做法，用shake shake粉為鹽酥雞上味，鹽酥雞同雞翼一樣雞肉好滑身，應該係用雞脾肉做成，海苔嘅味道又唔會搶左鹽酥，比例岩岩好。 餐後甜點 - 九份經典芋圓 甜品除左有芋圓之外，仲有紅豆，珍珠做襯托。唔會好甜，同其他甜品鋪相比真係有過之
餐廳裝修好有台灣風格。食物方面，呢間餐廳主打台灣地道滷味小食，可以散叫，亦都可以叫套餐。唔想令有選擇困難症嘅朋友傷老筋，今次就點個二人餐慢慢品嚐。
燈籠飽飽2人餐 ($208)
套餐包左一份招牌燈籠滷味，一份地道夜市小吃，一份人氣台式小吃，一份餐後甜點同埋兩杯台式特色飲料。
招牌燈籠滷味
滷味包左六款滷味，一款菜同一款麵。牛肚同豬耳滷得好入味，好好食。百頁豆腐吸晒湯汁，每一啖都食到滷水汁。蘿蔔同空心菜都好新鮮，全部都係台灣嘅味道。麵食我地揀左王子麵，勁有台灣特色。
地道夜市小吃 - 師大秘傳滷雞翅膀(4隻)
滷水雞翼好入味，但又唔會煮到好鞋，火喉控制得岩岩好，不錯。
人氣台式小吃 - shake shake海苔鹽酥雞
參考快餐店做法，用shake shake粉為鹽酥雞上味，鹽酥雞同雞翼一樣雞肉好滑身，應該係用雞脾肉做成，海苔嘅味道又唔會搶左鹽酥，比例岩岩好。
餐後甜點 - 九份經典芋圓
甜品除左有芋圓之外，仲有紅豆，珍珠做襯托。唔會好甜，同其他甜品鋪相比真係有過之而無不及。
台式特色飲料 - 台味奶茶，峰蜜荔枝紅茶
飲品正正常常，都係出面飲到嘅台式飲品味道。話晒佢呢到主打都係台式滷味，飲品就唔好有太大寄望。
總括而言，食物質素出色，仲唔駛加一，值得再去。
張貼
