Orange Elephant Thai Restaurant (啟德道)

營業中

休息中

今日星期二用$1就可以換購泰式香芧炸豬扒，豬扒金黃香酥；真心勁抵，CP值爆錶。難怪晚上座無虛席，有啲枱仲做到兩轉，勁呀。泰式拼盤有蝦餅、魚餅、春卷同荷葉包雞, 啱晒我哋四個人share！泰式明爐烏頭魚條烏頭魚好大，好多魚肉，仲有秀珍菇同椰菜伴碟。魚肉肉質結實，唔鬆散唔韌，仲好嫩滑。本身個湯汁都有魚味，仲有一碟泰式酸辣醬汁，蘸黎食就更惹味。馬拉盞炒菜苗菜苗幼嫩，馬拉盞香氣四射，好惹味！椰青焗海鮮飯原個椰青上，飯飄溢著椰汁香氣，啲椰汁多到流出黎，每一啖飯都充滿著香濃清甜嘅椰汁味。簡直不得了，一食就食到唔停口，餸料有海鮮大蝦、魷魚、椰肉、腰果；啖啖真材實料。原隻芒果椰汁糯米飯芒果香甜完全冇酸味，糯米飯熱辣辣香濃軟身，唔會硬實一嚿嚿。