渝味曉宇重慶老火鍋 (如心廣場) (已結業) 查看

難得老公平日放假，去試吓佢鐘意嘅麻辣火鍋。第一次光顧這間食店，感覺是：服務好，質素高，會再食。點了午市2人套餐，要了重慶辣及大骨鴛鴦湯底。對我來說，重慶辣太辣了，但老公極之欣賞。而我亦十分欣賞大骨湯底，好甜好夠味，原以為好重味精，但食完後也不覺口渴。對比海底撈，這間更適合不嗜麻辣的人，因為海底撈除咗麻辣湯之外，其他湯底都唔得。食材方面，樣樣都高質新鮮，尤其喜歡滑牛，好滑好好味。另外，蝦滑、萵筍、腐皮、珊瑚蚌、毛肚都好味，仲有餐前碗紅棗雪耳糖水都好好食。