更多
2023-12-30
1368 瀏覽
聖誕節去尖沙咀睇燈飾打卡之前去咗旺角行街食飯先，聖誕西餐特別貴，就揀咗呢間唔會聖誕加價嘅餐廳食。我哋叫咗個二人套餐（$256）加咗一個日式唐揚炸雞小食（$58）。二人套餐就包左1份吉列牛定食、1個忌廉咖喱牛肉烏冬同埋兩個飲品。吉列牛定食嘅牛肉都幾足料，一大塊牛扒，都有成八九件。將吉列牛扒件放上去爐上面燒成自己鍾意嘅生熟程度，再沾上醬汁食，我哋食到舔舔脷。牛肉質地幾好，有咬口得嚟鬆化，如果想塊牛扒再香啲可以加上牛油燒，噝食之前再加上黑松露醬，真係香氣四溢，味道超級濃郁。另外牛肉沾上解辣沙律醬或者燒汁都有唔同風味，要來送飯一流。忌廉咖喱烏冬都係呢間店嘅signature，我哋牛魔王都係揀咗牛肉配料，如果想食其他肉，可以揀雞肉。忌廉咖喱烏冬一上枱係全白色嘅，底下熱辣辣嘅烏冬掛滿咖喱醬汁，加上洋蔥、西蘭花粒、同埋牛肉粒，烏冬好惹味，而且帶少少creamy好順口。堂楊炸雞份量都好足，熱辣辣新鮮炸起外層勁酥脆，裏面嘅雞肉保持肉汁，就咁食已經好味。如果再沾上跟碟嘅芥末沙律醬就更加滋味，小小嘅Wasabi辣味配上甜甜嘅沙律醬味道。聖誕節嗰日天氣凍，我哋食呢個都好啱，對住個火爐慢慢燒牛扒，好溫暖，又好食
吉列牛定食嘅牛肉都幾足料，一大塊牛扒，都有成八九件。將吉列牛扒件放上去爐上面燒成自己鍾意嘅生熟程度，再沾上醬汁食，我哋食到舔舔脷。牛肉質地幾好，有咬口得嚟鬆化，如果想塊牛扒再香啲可以加上牛油燒，噝食之前再加上黑松露醬，真係香氣四溢，味道超級濃郁。另外牛肉沾上解辣沙律醬或者燒汁都有唔同風味，要來送飯一流。
忌廉咖喱烏冬都係呢間店嘅signature，我哋牛魔王都係揀咗牛肉配料，如果想食其他肉，可以揀雞肉。忌廉咖喱烏冬一上枱係全白色嘅，底下熱辣辣嘅烏冬掛滿咖喱醬汁，加上洋蔥、西蘭花粒、同埋牛肉粒，烏冬好惹味，而且帶少少creamy好順口。
堂楊炸雞份量都好足，熱辣辣新鮮炸起外層勁酥脆，裏面嘅雞肉保持肉汁，就咁食已經好味。如果再沾上跟碟嘅芥末沙律醬就更加滋味，小小嘅Wasabi辣味配上甜甜嘅沙律醬味道。
聖誕節嗰日天氣凍，我哋食呢個都好啱，對住個火爐慢慢燒牛扒，好溫暖，又好食，我哋都食得好滿意。
張貼
