更多
2021-02-01
63 瀏覽
平時我好少去旺角。咁啱今日約咗友人去旺角睇嘢，睇完之後決定搵間樓上café坐下，吹下水，食餐好嘅。係網上見部屋咖啡室評價唔錯就決定去試下。溫馨提示：一定要上網訂位，好大機會唔接受walk-in！Café分兩間房。第一間自然光充足，裡面有開放式廚房+望到市景嘅梳化椅，同時擺咗唔少board game同書比顧客享受慢活人生。而我地就被安排坐係隔離房。我地入去果陣間房係閂咗窗簾嘅，環境相對靜少少，入面啲凳都係梳化椅，坐得幾舒服。睇完menu我地決定order二人套餐：包一份炸蟹餅、一個10吋手拉薄餅、任選一款飯/意粉，同兩杯飲品。我地見特飲賣相唔錯，就加咗20蚊升級去special drink。先講個炸蟹餅，啱啱炸起熱辣辣，好香口，配埋開胃嘅泰式酸辣醬食一流。食得出個蟹餅應該係急凍食品黎，所以蟹肉味唔係話特別濃。飯揀咗黑松露雜菇意大利飯。餐廳標榜用Castello意大利米。菇同奶油味好濃郁。如果啲飯可以煮生少少，多番啲咬口會更好。手拉薄餅係成個套餐入面最出色嘅。我地揀咗西西里Pizza，材料有茄醬、辣肉腸、腸肉粒、蘑菇同火箭菜。上面嘅芝士可以拉絲，切果陣feel到個鐵盤都係辣手嘅！最後講講s
溫馨提示：一定要上網訂位，好大機會唔接受walk-in！
Café分兩間房。第一間自然光充足，裡面有開放式廚房+望到市景嘅梳化椅，同時擺咗唔少board game同書比顧客享受慢活人生。而我地就被安排坐係隔離房。我地入去果陣間房係閂咗窗簾嘅，環境相對靜少少，入面啲凳都係梳化椅，坐得幾舒服。
睇完menu我地決定order二人套餐：包一份炸蟹餅、一個10吋手拉薄餅、任選一款飯/意粉，同兩杯飲品。我地見特飲賣相唔錯，就加咗20蚊升級去special drink。
先講個炸蟹餅，啱啱炸起熱辣辣，好香口，配埋開胃嘅泰式酸辣醬食一流。食得出個蟹餅應該係急凍食品黎，所以蟹肉味唔係話特別濃。
炸蟹餅
11 瀏覽
0 讚好
0 留言
飯揀咗黑松露雜菇意大利飯。餐廳標榜用Castello意大利米。菇同奶油味好濃郁。如果啲飯可以煮生少少，多番啲咬口會更好。
黑松露雜菇意大利飯
10 瀏覽
0 讚好
0 留言
手拉薄餅係成個套餐入面最出色嘅。我地揀咗西西里Pizza，材料有茄醬、辣肉腸、腸肉粒、蘑菇同火箭菜。上面嘅芝士可以拉絲，切果陣feel到個鐵盤都係辣手嘅！
西西里Pizza
15 瀏覽
0 讚好
0 留言
最後講講special drink：朱古力沙漠同翡翠朱古力碎雪芭。個人覺得值得比多$20升級。杯雪芭冰同奶嘅比例恰到好處，加埋啲朱古力碎同條，杯嘢唔會話過甜。入面放咗少少薄荷葉，成個感覺好清新。下次再去會試埋水果茶/花茶！
朱古力沙漠
10 瀏覽
0 讚好
0 留言
翡翠朱古力碎雪芭
9 瀏覽
0 讚好
0 留言
加埋一埋單每人$190，性價比唔錯。如果想係旺角鬧市搵個地方靜靜地同朋友吹水嘅話，可以考慮下部屋咖啡室。
張貼
