小草十八怪石鍋米線 (已結業)

今日來旺角同朋友食飯，上到樓上地方都幾大，卡位梳化座位都幾舒服，張枱都夠大。呢間餐廳招牌係可以自己煮的石鍋米線，唔想落手嘅都可以揀由店員煮，仲有明爐烤魚，石鍋飯，荷葉飯，串燒，川式涼麵… 石鍋米線套餐湯底選擇多，我揀咗火腿瑤柱肉骨湯，濃底好香濃，石鍋keep住湯底溫度，食到最尾都係熱辣辣👍🏻餸可以揀三餸/六餸/九餸，豐儉由人。我揀咗五香辣豬軟骨，貢丸，鹵水腩肉，日本蘭王雞蛋，墨魚丸，生菜，蘿蔔，小草酸辣炸醬，北海道帶子，好豐富😝小草酸辣炸醬酸酸辣辣好開胃；鹵水腩肉肥瘦分明，軟熟又唔會太油膩；墨魚丸爽口彈牙；北海道帶子雖然唔係好大粒，但係好爽口鮮味；五香辣豬軟骨炆得好淋好入味，軟骨爽脆，醬汁惹味😋我今日好肚餓叫咗加底份量米線，加$5就有一大碗米線好抵食，米線爽口，軟硬適中👍🏻串燒海蝦燒到好香脆，脆到可以連殼食，燒汁好香濃惹味；蝦肉幾鮮味，爽口彈牙，抵食推介🥳串燒翠玉瓜好新鮮爽脆，配上椒鹽好惹味涼拌雞絲雞絲伴青瓜好開胃，醬汁香濃又有少少辣，非常開胃黑椒味噌封門牛柳石鍋飯上碟出晒煙，聞到好香黑椒味，封門牛柳牛味香濃，肥瘦適中，醬汁超級香濃惹味，鍋底會有少少飯焦，好焦味，飯量好多，石鍋keep