今日朋友介紹黎試呢間好有特色的西餐店，位於觀塘工廠區，非常近地鐵站，係朋友聚餐的好地方。價錢相當親民。 雞扒法蘭克福腸滑蛋蓋鐵板拌飯 $68 香嫩多汁的雞扒，外皮焦香內裡好多汁，雞扒非常嫩滑，煎得好香脆。法蘭克福腸非常大條，外脆內軟，配上滑蛋，芝士碎，粟米，黑椒汁非常惹味。份量十足，這個套餐仲送餐湯同餐飲，係抵食選擇。 瘋狂芝士日本飛驒牛漢堡 $95 和牛漢堡煎得好香，厚肉多汁，還有一層厚厚的芝士好邪惡。漢堡的面包好厚身，烤得好香脆，外脆內軟，配上爽口蔬菜好夾。薯條炸到金黃色好香脆，份量夠多。 南瓜湯 非常濃郁的南瓜味道，香甜細滑。 蕃茄甘筍湯 +$6 蕃茄味濃厚配上鮮甜甘筍非常甜，味道濃郁，好開胃。 墨汁包多士 +$12 用墨魚汁製作嘅多士，配上蒜蓉牛油，外脆內軟。 蘋果茶 茶味清香，加入蘋果粒粒帶蘋果香甜味 熱情果梳打 +$28 賣相好靚，有半個熱情果，再配半支梳打，飲完之後可以加，酸甜開胃，消暑醒胃。 朱古力心太軟配雪糕 +$30 擺碟好靚，心太軟一切開就流出來，好濃郁朱古力味。配上清新綠茶雪糕，一凍一熱好夾。

今日去新蒲崗探朋友，順便食個晚飯，呢間日式餐廳個名幾得意，果然如其名好多海膽料理～餐牌有好多選擇，除咗基本嘅刺身、壽司外，仲有拉麵、串燒等等～ 晚市都有定食套餐，仲附送麵豉湯同沙律，相當抵食～ 西京燒銀鱈魚定食 $138 銀鱈魚外皮燒得好香，魚皮燒到有少少焦，有魚油香～ 魚肉質感細滑，冇咩骨，食落去啖啖肉～ 醬汁甜甜地，另外再配咗沙律醬，口味非常大眾化～ 熔岩海膽魚餅 $38 炸到熱辣辣，咬落去爆出好似熔岩金黃色的海膽漿，香濃creamy～ 海膽蝦壽司 $16/2件 玻璃蝦爽口鮮甜，配上炙燒海膽好夾～ 三文魚大蝦帶子丼 $98 三文魚新鮮厚身，帶子同大甜蝦幾鮮甜，份量都幾多～ 壽司定食 $138 款式多，有10件壽司，其中仲有海膽軍艦、三文魚子軍艦、吞拿魚蓉軍艦等。海膽香濃唔腥，三文魚子海水味濃～ 整體價錢合理，熱食比較出色；服務周到細心，上菜都幾快～

柚子脆皮豬手 $178 幾大份，而且起哂骨好方便食～ 豬手外皮脆卜卜，肥瘦適中～ 味道鹹香好惹味，中間仲有柚子香味，配黃芥末醬最夾～ 酥炸鮮魷魚 $92 分量幾多，魷魚酥炸得超酥脆好惹味，火候啱啱好唔會過火～ 魷魚新鮮彈牙唔會老～ 送酒一流，十分推薦～ 秘製青芥汁軟殼蟹扁意粉 $152 原隻酥炸軟殼蟹炸得香脆而不油膩，充滿鹹香～ 意粉軟硬適中，配上秘製青芥醬，creamy中有d辣好開胃～ 西柚檸檬四季春茶 $40 味道清新，酸甜中帶有四季茶香，消暑解渴～

今日嚟大埔超級城行街，原來大埔藝術中心裏面有餐廳，呢間西餐地方好大，黃黑色主調配金屬好有型。二人餐睇落幾抵食，有三款前菜，兩款主菜，兩款飲品，仲有餐湯。 南瓜忌廉湯 口感濃郁，味道帶南瓜香甜，濃稠度適中 白鯷魚茄子蓉多士 白鯷魚好新鮮，一啲都唔腥，配埋茄子蓉酸酸地好開胃好清新 地中海風味烤多春魚 平時炸多春魚就食得多，烤焗係第一次食，加咗蒜片同橄欖油焗得好香 意大利風乾火腿拼盤 有三款cold cut配提子，cold cut切得好薄，鹹鹹香香配上水果最夾 新鮮波士頓龍蝦意粉 +$100 - 意粉上碟熱辣辣仲出晒煙，龍蝦汁好香濃好鮮味，醬汁濃稠度適中，配上煙韌嘅手工意粉越食越滋味 - 波士頓龍蝦連蟹鉗都拆咗，啖啖肉好新鮮，加咗香草焗到好香，火候啱啱好，唔會焗得太乾，啱啱好可以鎖住肉汁 - 必食之選，幾乎每一台都有叫 炭烤安格斯封門柳配燒汁薯條 +$90 - 牛肉肉質鮮嫩，食落去一啲都唔會老，我叫咗五成熟，熟成度啱啱好，肉味香濃 - 薯條炸到金黃色好香脆 奶凍配百香果醬 +$38 奶凍入口Creamy，牛奶味香濃， 配上酸甜的百香果醬好清新 提拉米蘇 +$38 忌廉細滑creamy, 配上香濃嘅咖啡粉同可可粉，甜度適中

今日放假同屋企人黎食尖沙咀特色泰國菜(泰斗)，餐廳裝修整齊，有戶外座位選擇，職員好有禮貌介紹餐牌。 酸辣青檸明爐魚 $248 魚選用烏頭魚，香濃的魚湯，有香茅、薑、辣椒、檸檬葉及芹菜令味道更加濃烈，加入帶有酸味及鹹味的青檸汁，又有粉絲，粉絲吸收了酸辣汁非常辣，魚肉非常結實，又沒有腥味，整體酸辣開胃。 菠蘿海鮮炒飯 $168 賣相吸引，炒飯光澤金黃，配料有鮮蝦和魷魚，鮮蝦好大隻肉質鮮嫩，魷魚非常爽口再加上果仁和肉鬆，更加香口，菠蘿非常鮮甜，份量也非常充足。 飛天通菜 $98 通菜翠綠，食落爽口，配上馬拉盞醬汁炒得非常惹味，又辣又香又惹味。 芒果沙冰 $68 沙冰非常大杯，沙冰入口即化 ，香甜的芒果味，又有芒果雪糕嘅軟滑，食完辣嘢之後飲番啖透心涼。 總結來說，餐廳食品多元化，有泰國風味，值得推薦來嘗試。

今日週末同屋企人嚟馬鞍山食特色Cafe (Casa Cafe & Bistro)，餐廳位於海旁隔離，可以望到海景，餐廳職員好有禮貌介紹餐牌，座位舒服。 小食拼盤 $128 (蜜糖雞翼，意大利炸飯波，炸魷魚圈，脆炸薯角） - 蜜糖雞翼炸得好香脆，又大隻，食落肉質鮮嫩，夠晒入味，有蜜糖香甜味 - 意大利炸飯波好特別，外面炸得金黃酥脆，裏面包住意大利香菇飯，配上沙律醬好惹味 - 炸魷魚圈炸得外脆內軟，非常鬆脆，粉漿唔會太厚，魷魚圈有咬口 - 脆炸薯角好大件，夠晒香脆熱辣辣 10吋黑松露鮮什菌薄餅 $118 - 薄餅餅底十分香脆，分量充足 - 配料充足，鋪上意大利黑松露醬、雜菌，好香黑松露香味 - 芝士有拉絲效果 美式班戟伴鮮雜果配蜂蜜焦糖漿 $58 - 班戟大大件，煎到好香，質感鬆軟 - 配上蜂蜜糖漿、士多啤梨、香蕉、無花果，整體好香甜 檸檬蛋白撻 $40 - 賣相吸引又大件，撻底好脆 - 味道酸酸甜甜， 好有檸檬香味 焦糖脆脆鮮奶朱古力 $45 - 飲品好大杯，非常濃厚的朱古力味，甜度適中 - 上面仲有好多焦糖脆脆，香脆香甜 總結來說，餐廳位於海旁隔離有無敵大海景，食品種類豐富，適合家人和朋友聚餐約會的地方。

今日收工同屋企人黎馬鞍山食特色西餐，餐廳位置在地鐵站附近，食品種類豐富，座位舒適，職員好有禮貌地介紹餐牌。 🐽德國鹹豬手 $198 豬手燒到又脆又煙韌，肉香多汁，非常惹味，肉質柔嫩，豬手好入味，旁邊仲有好多薯角，薯角燒得脆卜卜，又大件。 🍕珍寶雜錦薄餅 $168 薄餅餅底好香脆，配料非常多，有意大利風乾火腿，辣肉腸，莎樂美腸，雜菌，洋蔥，青椒🫑，菠蘿🍍，配上蕃茄醬🥫同芝士🧀️好香口，份量都夠晒多。 🥦焗芝士西蘭花$68 西蘭花同椰菜花配合溶化嘅芝士🫕口感特別。 🍵法式蒙布朗-八女抹茶 $58 抹茶味幾香濃，蒙布朗嘅栗子蓉香甜幼滑，裏面有忌廉同蛋糕，配上香濃朱古力雪糕🍨配搭唔錯。 🍹芒果梳打 $28 🥭用咗濃縮芒果汁，甜酸度剛剛好，又不會好甜。

今日放假同屋企人去銅鑼灣食拉麵，揀咗一間日式拉麵店(金鶴拉麵)，餐廳的環境很不錯，座位舒服，很有日式風格，職員非常有禮貌地介紹餐牌。 黑蒜醬油拉麵 $98 - 黑蒜油湯底非常濃郁，有濃厚的黑蒜醬油的香味 - 麵條口感爽口彈牙，十分掛汁，每一口的麵都沾有濃郁的湯汁 - 配料豐富，有1塊日式薄切叉燒，肥瘦均勻，還有兩塊慢煮雞肉同糖心蛋 雞白湯拉麵 $98 - 雞湯奶白色好濃郁，湯底都不會好鹹 - 麵條一樣爽口彈牙 - 配料同黑蒜醬油拉麵一樣 - 多咗個香脆牛蒡，點埋湯汁一齊食好夾 牛肉海鮮拼盤 $268 - 好豐富，包括牛柳、牛舌 、鰻魚、帆立貝、虎蝦、煙肉蠔卷各一串 - 大虎蝦大大隻，非常新鮮，燒到好香，蝦肉鮮味彈牙 - 燒鰻魚燒得恰到好處，嗰邊有少少香脆，肉質細嫩，醬汁惹味 - 牛舌厚度適中，好有咬口，質感爽脆，加咗少少黑椒更惹味 - 煙肉蠔卷的生蠔好新鮮，食落沒有腥味，同煙肉都好夾 - 帆立貝都幾厚身，肉質鮮甜 - 牛柳肉質鮮嫩，牛肉味香濃

今日收工同朋友嚟尖沙咀食泰國菜(泰沾麵)，餐廳裝修舒服，職員好禮貌介紹餐牌，今日點咗幾個必食泰國菜。 Asura’s 燒大頭蝦 $218 大頭蝦好大隻，啖啖肉，鮮嫩多汁，肉質飽滿，食落好鮮味爽口。蝦頭燒得好香，裏面有好香濃的蝦膏，甘香creamy。配上泰式特色醬汁酸酸辣辣好惹味，仲可以為蝦肉提鮮。 即燒豬頸肉 $88 豬頸肉烤得金黃色，一股香噴噴的香氣，豬頸肉唔會好肥膩。豬頸肉炭燒得入味，每塊豬頸肉大細和厚度都適中。外面燒得香脆，裏面肉質爽脆，配上泰式酸辣汁好夾好惹味。 飛天炒通菜 $78 每條通菜都好鮮嫩，一點也不會老。加入蒜蓉和辣椒等調味料炒得好有鑊氣，香辣惹味。 香蕉椰子OREO奶昔 $55 奶昔質感好幼滑，好香蕉味，中間都會有OREO餅碎同椰絲，口感層次好豐富，值得推介。 椰青 $55 椰青汁非常鮮甜，汁水非常多，食完咁多惹味食物，飲一啖椰青可以一解油膩感，清新味蕾。 總結來說，餐廳食品種類配搭創新多元化，非常高質素，食材新鮮，調味開胃惹味，是值得推薦的泰國菜。

餐廳全店都係黑白色手繪漫畫裝修風格，好特別，有好多打卡位。 ULURU Rose Tea - 賣相好打卡 - 好香玫瑰花同迷迭香味，清新開胃 Lavender Dream - 呢款係薰衣草茶，帶有好香的薰衣草香味 - 配上荔枝糖漿香甜又唔會太甜 餐湯係蕃茄雜菜湯，味道似羅宋湯，酸酸地中間帶一點辣，幾開胃。 紅蝦刺身配蕃茄多士 - 阿根廷紅蝦肉質新鮮，味道鮮甜 - 多士上面放咗黑松露醬同蕃茄粒粒，幾開胃 照燒比目魚柳伴香草蕃茄 - 比目魚柳份量好多，大件厚身，煎得幾香，魚肉鮮味，肉質細嫩 - 配上照燒汁幾香，有日式風味 - 薯蓉同配菜份量都幾多，香草蕃茄酸酸甜甜，仲要爆哂汁 煎帶子龍蝦汁蟹籽意大利飯 - 帶子煎得好香，厚身鮮甜 - 意大利飯軟硬適中，龍蝦汁幾香濃，均勻包住每一粒飯 嚕嚕米-森の家 - 蘑菇造型好得意 - 外面係白朱古力脆皮，中間係草莓乳酪同草莓果茸 - 酸酸甜甜好開胃 丸久小山園抹茶Tiramisu - 富士山造型好吸引，上面仲放咗個糖霜做嘅鳥居，好有心思 - Tiramisu芝士香滑creamy，抹茶味濃度適中，又唔會太甜或者太苦