鳥棲日本料理

營業中

休息中

駱駝漆大廈有好多特色小店，平價波鞋，同埋餐廳，可以食，買，行足一日。餐廳門口有個好靚既植物牆，餐廳 logo 就係牆中間，座位闊落，有梳化。- 燒雞皮餃子 ($58)雞皮好薄，本身有少少油份，所以燒得超級香脆。 食落有雞油香味，但又唔覺太油膩，一定要試下。- 吉列廣島蠔 ($58)廣島蠔肉質飽滿肥美，外皮香口鬆脆。- 原條鰻魚炒飯 ($148)好大條鰻魚，仲要係原條上，好滿足。鰻魚肉厚肥美，燒得好香，上面有略帶甜味的燒汁。炒飯乾身爽口，配料豐富。- 松葉蟹鉗海鮮鍋 ($148)海鮮鍋好足料，主角當然有松葉蟹鉗，另外仲有大大隻廣島蠔，帶子，冬菇，粉絲，雜菜。湯底好鮮甜，味道唔會太濃。蟹鉗已經拆咗殼，唔使食得咁辛苦。整體而言，食物種類豐富，有特色，而且性價比高，下次去駱駝漆行街可以再試下。